RELIGION CHRESTIENiNE - Archive ouverte UNIGE

DÉS 1 CINQ AUTRES CËÏIËMOKÏES. 703
messe reluist en la cérémonie. Icy on ne voit une seule syllabe
de promesse speciale. En vain donc on y cercheroit cérémonie,
pour confirmer la promesse. De rechief on n'y voit cérémonie
aucune ordonnée de Dieu. Il n'y peult donc avoir Sacre-
5 ment. • . >
DE MARIAGE.
Le dernier Sacrement qu'ilz comptent, est Mariage : lequel
comme chascun confesse avoir esté institué de Dieu : aussi Gene. 2.
d'autre part nul n'avoit apperceu que ce feust un Sacrement, Matt. 19.
io jusques au temps du pape Grégoire. Et qui eust esté l'homme de
sens rasiz ; qui s'en feust advisé ? C'est certes une ordonnance
de Dieu bonne et saincte. Aussi sont bien les mestiers de laboureurs,
massons, cordonniers, et barbiers : qui toutesfois ne sont
pas Sacremens. Car cela n'est pas seulement requis au Sacre-
15 ment, que ce soit une œvre de Dieu: mais il fault que ce soit une
cérémonie extérieure ordonnée de Dieu, pour confirmer quelque
promesse. Qu'il n'y ayt rien tel au Mariage, les enfans mesmes en
pouront juger. Mais ilz disent que c'est un signe de chose sacrée
: c'est à dire, de la conjunction spirituelle de Christ avec
20 l'Eglise. Si par ce mot de »Signe ilz entendent une marque ou
enseigne, qui nous ayt esté proposée de Dieu pour soustenir
nostre Foy : ilz n'approche point du but. S'ilz entendent simplement
un signe, ce qui est produit pour similitude : je monstreray
comment ilz arguent subtilement. Sainct Paul diet : com-
25me une estoille diffère de l'autre en clairté : ainsi sera la resu- j.Cor.15.
rection des mortz. Voilà un Sacrement. Christ dit : Le Ro- Matt. 43.
yaume des cieux est semblable à un grain de Sénevé. En voilà
un autre. De rechief : Le Royaume des Cieux est semblable au
levain. Voylà un troysiesme. Iesaie dit, Le Seigneur conduira
30 son trouppeau comme un pasteur. Voylà le quart. En un autre
passage/ Le Seigneur sortira comme un Géant. Voilà le cinquiesme.
Et quand en seroit la fin ? Il n'y auroit rien, qui selon
ceste raison, ne feust Sacrement. Autant qu'il y auroit de
similitudes et paraboles en l'Escriture,. autant y auroit-il de Sa-
35 cremens. Et mesmes larcin sera ainsi Sacrement : d'autant qu'il
est escrit. Le jour du Seigneur sera comme un larron. Qui pourrait
endurer ces Sophistes babillans si follement ? Je confesse
bien, que toutes les fois que nous voyons quelque vigne, il
est tresbon de réduire en memoire ce que dit nostre Seigneur.