RELIGION CHRESTIENiNE - Archive ouverte UNIGE

626 CHAPITRE XII.
damnez, non plus que luy : parce qu'ilz ne sont desjà plus nostres,
mais siens. Non pas que aucune coulpe luy en soit à imputer
: mais entant qu'il s'en constitue pour nous debteur, et
s'en faict bon payeur. C'est l'eschange que de sa bonté infinie il
s a voulu faire avec nous : que en recevant nostre povreté, il nous
a transféré ses richesses : en portant nostre débilité sur soy, il
nous a confirmé de sa vertu : en prenant nostre mortalité, il a
. faict son immortalité nostre : en descendant en terre, il a faict
voye au ciel : en [s]e faisant Filz d'homme, il nous a faictz enfans
10 de Dieu.
Toutes ces choses nous sont tant pleinement promises de Dieu
en ce Sacrement : qu'il nous fault estre certains et asseurez, que
aussi vrayement elles nous y sont demonstrées, que si Jesus Christ
mesme en personne nous y estoit visiblement à l'œil présenté,
15 et sensiblement y estoit touché. Car ceste parolle ne nous peut
faillir ne mentir : Prenez, mangez et beuvez. Ce est mon corps Matt, 2Sj
qui est livré pour vous. Ce est mon sang qui est espandu pour Mardi,
la remission de voz péchez. En commandant qu'on prenne, il Luc 22.
signifie qu'il est nostre. En commandant qu'on menge et boyve : I.Cor.U,
20 il monstre qu'il est faict une mesme substance avec nous. Quand
il dit, Ce est mon corps qui est livré pour vous, Ce est mon
sang qui est espandu pour vous, Il nous declaire et enseigne,
qu'ilz ne sont pas tant siens que nostres : puis qu'il les a prins et
laissez, non pour sa commodité, mais pour l'amour de nous, et
23 pour nostre proffit. Et noms fault diligemment observer, que la
principale et quasi totale force et saveur du Sacrement gist en
ces motz, Qui est livré pour vous, Qui est espandu pour vous.
Car autrement il nous sèrviroit de bien peu, que le corps et le sang
de Jesus Christ nous feussent maintenant distribuez, s'ilz n'a-
30 voient esté une fois livrez pour nostre redemption et salut. Et
pourtant ilz nous sont représentez soubz pain et vin, pour nous
apprendre et monstrer que non seulement ilz sont nostres :
mais aussi qu'ilz nous sont pour vie et nourriture. C'est ce
qu'avons diet cy devant, que par les choses corporelles, qui
35 nous sont proposées aux Sacremens, nous devons estre conduietz,
selon quelque proportion et similitude, aux choses spirituelles.
Car quand nous voyons le pain nous estre présenté
pour signé et Sacrement du corps de Jesus Christ : il nous
fault incontinent prendre ceste similitude. Que ainsi que le pain