RELIGION CHRESTIENiNE - Archive ouverte UNIGE

4-96 CHAPITRE vin.
Sainct Paul avoir esté entre les Ephesiens devant leur regeneration,
ne monstre pas un seul grain de ceste semence. Vous Ephe. 2.
estiez, dit-il, mortz en vices et péchez, esquelz vous cheminiez
selon ce monde, et selon, le Diable, lequel besongne maintenant
s aux rebelles : entre lesquelz nous estions au paravant : suyvans
les concupiscences de nostre chair, et faisans ce que bon nous
sembloit : et estions tous naturellement héritiers de l'ire de
Dieu comme les autres. Item. Qu'il vous souvienne que vous
avez esté quelque fois sans espérance, et sans Dieu en ce monde.
to Item vous estiez quelque fois ténèbres : maintenant estans lumière
en Dieu, cheminez comme enfans de lumière. Hz diront possible,
que cela se doibt référer à l'ignorance de vérité : en laquelle
ilz confessent bien les fidèles estre detenuz devant leur vocation.
Or combien que cela est une calumnie impudente : veu que
is Sainct Paul infère de ce propoz, que les Ephesiens ne doivent
plus mentir ne desrober. Mais encores que nous leur concédions,
que respondront-ilz à d'autres passages? Gomme quant, ayant 1- Cor.t\
dénoncé aux Corinthiens que les idolâtres,, paillars, adultères,
effeminez, bougres, larrons, et avaricieux, ne posséderont point
20 le Royaume de Dieu, il adjouste incontinent qu'ilz ont esté enveloppez
en ces crimes devant qu'avoir congneu Christ ; mais que
maintenant ilz en sont nettoyez par son sang et délivrez par son
Esprit. Item, aux Romains, Comme vous avez abandonné voz Rom.6.
membres au service d'immundicité et iniquité : maintenant
25 adonnez-Iez au service de Justice. Car quel fruict avez vous eu
de vostre vie précédente ; de laquelle vous avez honte ? etc. Quelle
semence d'eslection, je vous prie, fructifioit en ceux; lesquelz
menans une vie du tout meschante et villaine ; quasi d'une malice
désespérée ; s'estoient abandonnez au vice, le plus execrable du
30 monde ? Si l'Apostre eust voulu parler à la rrfaniere de ces nouveaux
Docteurs : il devoit leur remonstrer: combien ilz estoient redevables
à Dieu, de ce qu'il ne les avoit point laissé tomber en telle povreté.
Pareillement Sainct Pierre devoit exhorter ceux ausquelz il escrivoit
son epistre, à rendre graces à Dieu, de ce qu'il les avoit con-
35 servez : leur donnant dez le commencement une semence de saincteté.
Mais aucontraire il les admoneste qu'il suffist bien que 4.PierA\ .
le temps passé ilz eussent lasché la bride à toutes meschantes
concupiscences. Et que sera-ce, si nous venons à produire des
exemples. Quelle semence y a voit-il enRahab; paillarde devant