RELIGION CHRESTIENiNE - Archive ouverte UNIGE

DU BAPTESME. 621
Hz tachent pareillement de s'ayder de l'exemple, que nous avons
au dixneufieme des Actes. C'est que Sainct Paul rebaptisa cer-'
tains Disciples en Ephese, lesquelz avoient desjà esté baptisez du
Baptesme de Jean : pource qu'ils n'estoient point suffisamment
s instruictz du Sainct Esprit. Et en cela ilz s'efforcent de monstrer,
que si pour leur ignorance leur premier Baptesme n'estoit d'aucune
valeur : par plus forte raison le Baptesme dés petis enfan's,
ausquelz deffault toute intelligence, sera anneanty. Mais si leur
exposition avoit lieu : il fauldroit à chascun de nous une riviere
10 pour se rebaptiser. Car qui est celuy de nous, qui ne recongnoisse
de jour en jour de grosses et lourdes ignorances en soy?
A chascune telle recongnoissance il fauldroit courir à nouveau
Baptesme : comme le premier estant de nulle importance. Pourtant,
ces absurditez pleinement ridicules laissées, cerchons le
is droict sens de ce passage. Aucuns exposent que ce qu'il est diet
que Sainct Paul les a baptisez au Nom de Jesus, ne signifie
autre chose que enseignement. Laquelle exposition, combien
qu'elle soit conforme à l'usage de parler de l'Escriture, toutesfois
j'en ameneray une plus propre, laquelle j'espère pouvoir evi-
20 demment approuver à tous. Ce n'est pas chose nouvelle : que
la reception des graces visibles du Sainct Esprit, telles qu'elles
se. donnoient ce temps là, soit appelée en l'Escriture Baptesme.
Comme quand il est diet que le Seigneur a baptisé ses Apostres,
en leur envoyant son Esprit pour leur conférer icelles graces. Or
25 selon qu'il est là recité Sainct Paul intérrogue [s]es Disciples, s'ilz
ont receu les graces de l'Esprit, lesquelz respondent qu'ilz ne
scaivent que c'est. Adonc il les baptise au Nom de Jesus. Non
pas d'eaüe, mais comme les Apostres au jour de la Penthecoste
avoient esté baptisez. Ce qui est encores plus approuvé par la
30 procedure. Car ce qui s'ensuyt incontinent après : Et quand il
leur eust imposé les mains, l'Esprit descendit dessus eux : est
une declaration plus claire de ce Baptesme. Et telle est la coustume
de l'Escriture, de proposer une chose brièvement : puis
après la declairer par plus ample narration. Autrement Sainct
35 Paul eust faict contre raison, de rebaptiser pour ignorance : veu
que les Apostres inesmes depuis leur Baptesme ont esté en telle
ignorance et rudesse, qu'ilz ne congnoissoient de la vertu de
Jesus Christ que bien peu. Mais il n'est jà besoing de nous longuement
icy tourmenter : veu que sans difficulté par ce Baptes-