RELIGION CHRESTIENiNE - Archive ouverte UNIGE

808 CHAPITRE XVU. ]
ce qu'il confesse ; son ame estre triste jusques à la mort ? J'ay
voulu dire ces choses, pour retirer tous bons cœurs de desespoir :
à fin qu'ilz ne renoncent point à l'estude de patience : combien
qu'ilz ne soient du tout à délivre d'affection naturelle de douleur.
s
Or il convient que ceux qui font de patience stupidité, et d'un
homme fort et constanfun tronc de boys, perdent couràige, et se
désespèrent : quand ilz se vouldront addonner à patience. L'Escriture
au contraire loue les Sainctz de tolerance, quand 'ilz sont
tellement affligez de la dureté de leurs maulx, qu'ilz n'en sont pas
10 rompus pour deffaillir : quand ilz sont tellement poinetz d'amertume,
qu'ilz ont une joye spirituelle avec : quand ilz sont tellement
pressez d'angoisse, qu'ilz ne laissent point de respirer, se
resjoyssantz en la consolation de Dieu. Ce pendant ceste repugnance
se demeine en leurs cœurs. C'est que le sens de nature
iäfu[i]t et ha en horreur tout ce qui luy est contraire. D'autrepart
l'affection de pieté les tire eh obeyssance de la volunté de Dieu, j e a n j^j,
par le meilleu de_ces difficultez : laquelle repugnance Jesus Christ
a exprimé parlant ainsi à S. Pierre. Quand tu èstois jeune tu te
ceingnois à ton plaisir, et cheminois où bon te sembloît, quand tu
20 seras vieil, un autre te ceindra, et te mènera où tu ne vouldras
point. Il n'est pas certes vray semblable, que Sainct Pierre, ayant
à glorifier Dieu par la mort, ayt esté trainé à ce faire par contraincte,
et maulgré qu'il en eust, aultrement son martire n'auroit
pas grand louënge. Neantmoins, combien qu'il obtemperast à
2s l'ordonnance de Dieu d'un couràige franc et alegre : poùrce
qu'il n'avoit point despouillé son humanité, il estoit distraict
en double volunté. Car quand il reputoit la mort cruelle qu'il
devoit souffrir, estant estonné de l'horreur d'icelle, il en feust
voluntiers eschappé. D'autrepart quand il considéroit qu'il y
30 estoit appelle par le commandement de Dieu, il s'y presentoit
vouluntiers, et mesme joyeusement, mettant toute crainte soubz
le pied. Pourtant si nous voulons estre Disciples de Christ, il
nous fault mettre peine que noz cœurs soient remplis d'une telle
reverence et obeyssance de Dieu : laquelle puisse dompter et
35 subjuguer toutes affections contraires là 'son bon plaisir. De
nier. '•;'
là il adviendra qu'en quelque tribulation que nous soyons,
en la plus grande destresse de cœur qu'il sera possible
d'avoir, nous ne laisserons point de retenir constamment
patience. Car les adversitez auront tousjours leur aigreur,