RELIGION CHRESTIENiNE - Archive ouverte UNIGE

DÈS CINQ ÂL'tKES CEftËMONtES. 673
assez hàultement manifestée. En quelle partie donc ces batelleurs
ensuy vent-ilz les Apostres ? Il convenoit faire par l'imposition
des mains, que la vertu evidente du Sainct Esprit incontinent
se montrast. Hz n'en font rien. A quel propoz donc alle-
5 guent-ilz pour eux l'imposition des mains ? Laquelle certes nous
confessons avoir esté en usage aux Apostres : mais du tout à
autre fin. Ceste allegation est autant frivole, comme qui diroit Jean 20.
le soufflement duquel le Seigneur souffla sur ses Disciples estre
un Sacrement, par lequel soit donné le Sainct Esprit. Mais
10 quand le Seigneur l'a une fois faict : il n'a pas voulu qu'il feust
aussi faict de nous. En ceste manière les Apostres usoient de
l'imposition des mains, pour le temps qu'il plaisoit au Seigneur
eslargir à leurs prières les graces du Sainct Esprit. Non pas à
fin que ceux qui viendroient après, contrefeissent sans quelque
îô fruict ledict signe vuide et vain : comme font ces Singes.
D'avantage quand ilz monstreroient, qu'en l'imposition des
mains ilz ensuyvent les Apostres (en laquelle toutesfois ilz
n'ont rien semblable à eux, sinon une folle et perverse singerie)
dont prennent-ilz l'huyle qu'ilz appellent de salut ? Qui les a
20 enseignez de cercher salut en l'huyle ; et luy attribuer puissance
de conforter spirituellement? Est-ce Sainct Paul; qui nous Gai.4.
retire si loing des elemens de ce monde ; qui ne condemne rien Collos. 2.
plus que de s'arrester à telles observations? Aucontraire je prononce
hardiment, non pas de moy, mais de Dieu : que ceux
25 qui appellent l'huyle, huyle de salut, renoncent au salut qui
est en Christ, rejettent Christ, et n'ont nulle part au Royaume
de Dieu. Car l'huyle est pour le ventre, et le ventre pour l'huyle :
et le Seigneur destruira tous les deux. C'est à dire que tous
ces elementz infirmes qui périssent par usage, n'appartiennent
30 rien au Royaume de Dieu : lequel est spirituel et sans fin. Quelqu'un
me pourra icy dire. Quoy donc ? Veux tu reigler à ceste
mesure l'eaüe ; de laquelle nous sommes baptisez ; et le pain et
le vin ; soubz lesquelz nous est présenté le corps et le sang du
Seigneur en la Cène? Je respondz, qu'aux Sacremens il y a deux
35 choses à considérer. La substance de la chose corporelle, qui nous
y est proposée : et l'enseigne, qui par la parolle de Dieu, luy
est engravée : en laquelle gist toute la force. D'autant donc que
le pain, le vin et l'eaüe, qui sont lqs Sacremens représentez à
nostre œil, retiennent leur substance naturelle : le dire de Sainct
Institution. 43
^