RELIGION CHRESTIENiNE - Archive ouverte UNIGE

640 CHAPITRE XII.
lement pour l'heure quelque goust de son immortalité : mais
quand en sa dernière Cène il leur distribuoit son corps, desja
estoit proche l'heure, en laquelle il devoit estre frappé de. Dieu,
humilié, et abatu : ainsi deffiguré comme un lardre : tant s'en
s fault qu'il voulust lors monstrer sa gloire. Et combien grande fenestre
est icy ouverte à Marcyon : si le corps de Jesus Christ tout
à une fois, en un lieu, estoit veu mortel et mesprisé, et en un
autre estoit porté immortel et glorieux ? Mais je dissimule
une si grande absurdité. Seulement qu'ilz me respondent louchant
to le corps glorieux : si ce n'est pas toutesfois un corps ? Ouy disent-ilz
: mais sans lieu, en plusieurs lieux, sans forme, sans mesure.
Or cela est, non en un mot, mais par circunlocution l'appeller
esprit. Ou nyons plainement la resurrection de la chair : ou confessons
que quand elle aura esté ressuscitée : elle sera encores
iä chair, laquelle en cela diffère de l'Esprit, qu'elle est comprinse
en espace de lieu, qu'elle est veüe, qu'on la touche. Car à qui
persuaderont-ilz je vous prie; noz corps devoir estre infiniz,
après qu'ilz seront receuz en la gloire et immortalité celeste? Or Philip. 3.
est-il ainsi, tesmoing VApostre, qu'ilz seront transformez pour
so estre semblables, au corps glorieux du Seigneur. Parquoy qu'ilz
n'attribuent point cela au corps glorieux de Christ, d'estre en plusieurs
lieux, et n'estre comprins en nulle espace : sinon qu'ils en
veulent autant confesser des nostres : ce que nul (comme je pense)
ne confesseroit. Et ne leur peut de rien servir ce que tant souvent
25 ilz objectent que Jesus Christ entra où estoient ses Disciples, les Jean 20.
portes fermées. Certes il y entra par miraculeuse entrée. Car il ne
les rompit point par force, ne attendit qu'elles eussent esté ouvertes
de main d'homme : mais par sa vertu contre tout empesehement
il se feist faire place. Au reste, biy entré, il approuva à ses
30 Disciples la vérité de son corps. Voyez, dit-il, et touchez : Car
un Esprit n'a pas chair ne os. Voylà le glorieux corps de Jesus
Christ est prouvé estré vray corps : pour ce qu'il peut estré veu
et touché. Ostez luy cela : il ne sera plus vray corps.
Icy pour nous rendre odieux, ilz nous reprochent que nous
3a parlons maigrement de la puissance de Dieu tout puissant. Mais
ou ilz s'abusent folement ou malitieusement ilz mentent. Car
il n'est pas icy question que c'est que Dieu a peu : mais que c'est
qu'il a voulu. Et nous affirmons tout ce qui luy plaisoit avoir
esté faict. Or il luy a pieu que Jesus Christ feust faict semblable