RELIGION CHRESTIENiNE - Archive ouverte UNIGE

DE LA PREDESTINATION. 483
homme est cheut : pource que Dieu avoit jugé cela estre expedient.
Or pourquoy il l'a jugé, nous n'en scavons rien. Si est-il
neantmoins certain, qu'il ne l'a pas jugé : sinon pource qu'il
voyoit que cela faisoit à la gloire de son Nom. Or quand il est
5 faict mention de la gloire de Dieu : pensons aussi bien à sa justice
: car il fault que ce qui mérite louenge, soit equitable. L'homme
donc tresbuche, selon qu'il avoit esté ordonné de Dieu : mais
il tresbuche par son vice. Le Seigneur avoit prononcé un peu au
paravant, toutes les choses qu'il avoit faictes estre fort bonnes :
10 dont vient donc la perversité de l'homme ; sinon qu'il s'est destourné
de son Dieu ? A fin qu'on ne pensast qu'elle vinst de sa
creation, le Seigneur avoit approuvé par son tesmoignage, tout ce
qu'il avoit mis en luy. Il a donc, par sa propre malice, corrompu
la bonne nature qu'il avoit receuë du Seigneur. Et ainsi par sa
is cheute a tiré avec soy en ruyne tout son lignage. Parquoy contemplons
plustost en la nature corrompue de l'homme la cause
de sa damnation, laquelle luy est evidente, que de la cercher en
la Predestination de Dieu, où' elle est cachée, et du tout incomprehensible.
Et qu'il ne nous face point mal de submettre
aojusques là nostre entendement à la sagesse infinie de Dieu, qu'il
luy cede en beaucoup de secretz. Car des choses, qu'il n'est
pas licite ne possible de scavoir, l'ignorance en est docte :
l'appétit de les scavoir est une espèce de rage. Quelqu'un possible
dira, que je n'ay pas encores amené raison, pour refressner
ceste excuse blasphématoire que je condemne. Je confesse
que cela mesme ne se peut faire, que l'impiété ne murmure
et detracte tousjours. Toutesfois il m'est advis, que j'en ay diet
ce qu'il doibt suffire pour oster à l'homme, non seulement
toute raison de murmurer : mais aussi toute couverture. Les
30 reprouvez veulent estre veuz excusables en péchant, pource
qu'il ne peuvent evader la nécessité de péché : principale
ment veu qu'icelle procède de l'ordonnance et volunté de Dieu.
Je nye au contraire que cela soit pour les excuser : pource que
ceste ordonnance de Dieu, de laquelle ilz se pleignent, est equi-
35 table. Et combien que l'équité nous en soit incongneuë, elle
est neantmoins trescertaine. Dont nous concluons, qu'ilz n'endurent
nulle peine, laquelle ne leur soit imposée par le Jugement
de Dieu tresjuste. Nous enseignons aussi que c'est
per versement faict à eux, de vouloir entrer aux secretz de