RELIGION CHRESTIENiNE - Archive ouverte UNIGE

DE LA CENE. 645
nous y réduit en memoire si grande largesse de sa bonté comme
nous avons ci dessus declairé, et nous advertit de la recongnoistre :
pareillement il nous admoneste que ne soyons ingratz à une si
ouverte bénignité : mais que plustost nous la magnifions par
5 telles louënges qu'il est convenable et la commémorions avec
action de graces. Pourtant quand il donnoit l'institution de ce Sacrement
à ses Apostres, il leur commanda de le faire ainsi en la
memoire de soy. Ce que S. Paul interprète annoncer la mort du
Seigneur. Ce qui est publiquement et tous ensemble, comme d'une I.Cor.14.
io bouche, évidemment confesser toute nostre fiance de vie et de
salut êstre en la mort du Seigneur. A fin que par nostre confession
nous le glorifions : et par nostre exemple, exhortions les autres
de luy donner aussi mesme gloire. Icy nous voyons de rechef, où
tend le but du Sacrement : c'est à scavoir à nous exercer en la mets
moire de la mort de Jesus Christ. Car ce qu'il nous est commandé
d'adnoncer la mort du Seigneur jusques à ce qu'il viendra au Jugement,
n'est autre chose, sinon que nous declairions par confession
de bouche ce que nostre Foy a recongneu au Sacrement : c'est à
scavoir que la mort de Jesus Christ est nostre vie. Cecy est le second
20 usage de ce Sacrement qui appartient à la confession extérieure.
Tiercemënt nostre Seigneur a voulu qu'il nous soit pour
exhortation : qui est telle, que nulle autre ne nous pourroit de
plus grande vehemence inciter et enflamber à charité, paix et
union. Car nostre Seigneur ainsi nous communique là son corps,
25 qu'il est entièrement faict un avec nous, et nous avec luy. Or
puis qu'il n'ha que un corps, duquel il nous faict tous participans
: il fault nécessairement, que par ceste participation nous
soyons faictz aussi tous ensemble un corps, laquelle unité nous
est représentée par le pain qui nous est offert pour Sacrement.
s» Car comme il est faict de plusieurs grains de bled, qui y sont
tellement meslez et confuz ensemble, qu'on ne pourroit discerner
ne séparer l'un de l'autre : en ceste manière nous devons
aussi estre par accord de voluntez tellement conjoinctz et
assemblez entre nous, qu'il n'y ayt aucune noyse ne divi-
3ssion. Ce que j'ayme myeux estre expliqué par les parolles de
Sainct Paul. La couppe (dit-il) de benediction, laquelle nous
beneissons, est la communication du sang de Christ. Et le pain i.CorJO.
de benediction que nous rompons, est la participation du corps
de Christ. Donc nous sommes un mesme corps, nous tous