RELIGION CHRESTIENiNE - Archive ouverte UNIGE

DE LA PUISSANCE ECCLESIASTIQUE. 743
tient pas à ce present propoz de traicter l'autre espèce de leurs
seigneuries, qui gist en possessions et patrimoine : puis qu'elle
n'est point exercée sur les consciences. Combien qu'en cela aussi
on peut appercevoir qu'ilz sont tousjours semblables à euxmes-
5 mes : c'est à dire, rien moins que Pasteurs de l'Eglise, comme ilz
veulent estre appeliez. Je ne touche point icy les propres vices des
hommes : mais une pesté commune de tout leur estât : veu qu'il
ne leurs semble point advis qu'il soit bien ordonné, s'il n'est élevé
en richesse et orgueil. Premièrement estoit-ce à faire aux Eves-
10 ques ; de s'empescher des justices ; d'entreprendre les gouvernemens
des Villes et Pais ; et autres charges qui ne leur appartiennent
de rien ? veu que la charge de leur office est si grande ; que
s'ilz estoient continuellement après, à grand peine s'en pourroient-ilz
acquiter ? Estoit-il convenable ; qu'en train de serviteurs ;
is en pompes d'abillemens ; de tables ; de maisons ; ilz contrefissent
les Princes, veu que leur vie debvoit estre un exemple de sobriété
; temperance ; modestie ; et humilité? Estoit-ce chose appartenante
à office de Pasteurs et Evesques ; que de tirer à eulx non
seulement Villes ; Bourgs et Chasteaux ; mais les grandes Com-
2otez et Duchez ; et finalement estendre leurs pâtes jusques aux rj i 77u-m
Royaumes et Empires ; veu que le commandement inviolable de 5.
Dieu leur deffend toute cupidité et avarice ? Mais puis qu'ilz sont Tifc i.
si effrontez, que encores ilz osent tergiverser, et se vanter qu'il est
bien séant que la dignité de l'Eglise soit soustenuepar telles pom-
23 pes : et que [c]e pendant neantmoins ilz n'en sont pas tant retirez
de la charge de leur vocation, qu'ilz n'y puissent bien vaquer.
Quant au premier, si c'est un apuy bien convenable à leur dignité,
qu'ilz soient élevez en telle haultesse, qu'ilz puissent estre
crains et redoubtez des plus grans Princes du monde : ilz ont
3odequoy se plaindre de Jesus Christ, lequel les a en ceste manière Matt. 20.
oultrageusement deshonorez. Car selon leur opinion, quelle plus Luc 22.
grande injure leur povoit-il faire ; que de leur dire ; les Roys et Marc 40.
Princes des peuples ont domination sur eux ; mais il n'est pas ainsi
de vous. Car celuy qui est entre vous le plus grand ; soit faict
35 comme le plus jeune : Et celuy qui est maistre, comme serviteur
? Par lesquelles parolles il esloigne bien leur office de toute
haultesse et gloire de ce monde. Quant au second je vouldroye
qu'il leur feust aussi facile de le monstrer par experience, que
de s'en vanter sans propoz. Mais s'il n'a pas semblé bon aux