RELIGION CHRESTIENiNE - Archive ouverte UNIGE

PE ORAISON. 561
diverses en parolles de ceste cy : escrites toutesfois d'un mesme
esprit : et desquelles l'usage nous est grandement utile. Plusieurs
aussi sont suggérées assiduellement aux fidèles par un mesme
esprit : lesquelles ne conviennent pas du tout en similitude de
s parolles. Seulement nous voulons enseigner, que entièrement nul
ne cerche, n'attende, et ne requière autre chose, que ce qui est
summairement comprins en ceste cy. Et combien qu'il face
demande bien diverse en parolles : toutesfois que de sens elle ne
varie nullement. Gomme il est certain que toutes autres oraisons
iode l'Escriture, et celles, dont usent les fidèles, se rapportent à
ceste cy. Vrayement il ne s'en peut trouver nulle autre, qu'on
puisse, non pas préférer, mais aussi equiparer à la perfection
de ceste cy. Car il n'y a rien esté laissé de tout ce qu'on peut
penser pour les louënges de Dieu, ne de tout ce que l'homme
is doibt désirer pour son proffit et commodité. Et tout ce y est
si bien et si parfaictement comprins : que à tous toute espérance
est bien ostée de pouvoir inventer autre meilleur formulaire
d'oraison. En somme ayons souvenance, que ceste est la
doctrine de la sapience de Dieu, qui a enseigné ce qu'elle a voulu :
20 et a voulu ce qui estoit besoing,
Et combien que, comme devant a esté diet, il nous fault
tousjours souspirer et sans cesse prier, ayans noz cœurs eslevez
à Dieu : pource toutesfois que nostre fragilité est telle, qu'elle
ha affaire de beaucoup d'ayde : et que nostre paresse ha grand
25 besoing d'estre esveillée : il est bon qu'un chascun, pour
plus grand exercice de prier, se constitue en son particulier
certaines heures : lesquelles ne passent point sans oraison :
et qu'en icelles toute l'affection de nostre cœur y soit entièrement
appliquée. Comme quand nous levons au matin, devant
30 que commencer nostre ouvrage, et ce qu'avons à faire au jour.
Quand l'heure est de.prendre nostre repas et refection des
biens de Dieu : et après que l'avons prinse. Quand tout
nostre ouvrage du jour liny, le temps est de prendre
nostre repoz. Pourveu aussi que ce ne soit point une superstitieuse
observation des heures : et que comme nous estans
acquitez en icelles de nostre devoir envers Dieu, nous pensions
bien avoir satisfaict pour tout le reste du temps, mais
que ce soit pour une discipline et instruction de nostre imbécillité
: laquelle en soit ainsi exercée et souventesfois sti-
Instiluiion. 36