RELIGION CHRESTIENiNE - Archive ouverte UNIGE

DÉ LA VÏE CHRESTIÈNNE. 8d 3
remonstrances, par lesquelles il resveille nostre nonchallance :
à ce que, contemn ant le monde, nous aspirions de tout nostre
cœur à la meditation de la vie future.
Toutesfois les fidèles doivent s'acoustumer à un tel contemne-
5 ment de la vie présente, lequel n'engendre point une hayne d'icelle,
ne ingratitude envers Dieu. Car combien que ceste vie soit
pleine de misères infinies : toutesfois à bon droit elle est nombrée
entre les benedictions de Dieu : lesquelles ne sont point à mespriser.
Pourtant si nous ne recongnoissons nulle grace de Dieu
io en icelle, nous sommes coulpables d'une grand'ingratitude. Singulièrement
elle doibt estre aux fidèles tesmoignage de la benevolence
du Seigneur, veu qu'elle est destinée du tout à avancer
leur salut. Car le Seigneur, devant que nous reveller plainement
l'Héritage de la gloire immortelle, se veult declairer Père à nous
is en choses moindres, à scavoir en ses benefices, que nous recevons
journellement de sa main. Puis donc que ceste vie nous sert
à entendre la bonté de Dieu ; n'en tiendrons-nous compte comme
si elle n'avoit nul bien en soy ? Parquoy il fault que nous ayons
ce sentiment et affection, de la reputer estre don de la bénignité
20 divine, lequel n'est point à refuser. Car quand les tesmoignages
de l'Escriture deffaudroient, lesquelz neantmoins ne deffaillent
pas, encores la nature mesme nous exhorte, que nous debvons
rendre action de graces à Dieu, d'autant qu'il nous a créés et mis
en ce monde, d'autant qu'il nous y conserve, et nous administre
as toutes choses nécessaires pour y consister. D'avantage ceste raison
est encores plus grande : si nous reputons qu'il nous y
prepare, à la gloire de son Royaume. Car il a une fois ordonné
que ceux qui doivent estre couronnez au ciel, bataillent
premièrement en terre : à fin de ne point triumpher, jusques
3o après avoir surmonté les difficultez de la guerre, et avoir
obtenu victoire. Or l'autre raison ha aussi son poix, c'est
que nous commenceons icy à gouster la doulceur de sa bénignité
en ses benefices, à ce que nostre espoir et désir soit
incité à appeter la pleine revelation. Après que nous aurons cela
35 aresté, à scavoir que c'est un don de la clémence divine que la
vie terrienne, pour lequel comme nous luy sommes obligez, aussi
qu'il nous .en fault estre recongnoissans : lors il sera temps de
condescendre à considérer la malheureuse condition d'icelle, à fin
de nous desveloper de ceste trop grande cupidité: à laquelle (comme