RELIGION CHRESTIENiNE - Archive ouverte UNIGE

BE LA. VÎE CHRESflENNE. 797
les dompter et subjuguer. Nous avons une intemperance furieuse,
et une cupidité effrénée à appeter creditz et honneurs, à cercher
puissances, à amasser richesses, et assembler tout ce qu'il nous
semble advis estre propre à pompe et magnificence. D'autre
spart nous craignons et hayssons merveilleusement povreté, petitesse
et ignominie : pourtant les fuyons en tant qu'en nous est.
Pour laquelle cause on voit en quelle inquietude d'esprit sont tous
ceux, qui ordonnent leur vie selon leur propre conseil : combien
ilz tentent de moyens : en combien de sortes ilz se tormentent, à
îo fin de parvenir où leur ambition et avarice les transporte : et à
fin d'éviter povreté et basse condition. Parquoy les fidèles, pour
ne se point enveloper en ces lacz : auront à tenir ceste voye. Premièrement,
il ne fault point qu'ilz se désirent, ou espèrent ou imaginent
autre moyen de prospérer, que de la benediction de Dieu :
15 et pourtant se doivent seurement appuier et reposer sur icelle. Jà
soit qu'il soit bien advis, que la chair soit suffisante de soymesme
à parvenir à son intention, quand elle aspire à honneurs et richesses
par son industrie : ou quand elle y met ses effors : ou
quand elle est aydée, par la faveur des hommes. Toutesfois il est
20 certain, que toutes ces choses ne sont rien, et que nous ne pourrons
jamais nullement proffiter, ne par nostre engin, ne par nostre
labeur ; sinon d'autant que le Seigneur fera proffiter l'un et l'autre.
Au contraire sa seule benediction trouvera voye au milieu de
tous, empeschemens : pour nous donner bonne yssuë en toutes
as choses. D'avantage quand ainsi seroit, que nous pourrions, sans
icelle, acquérir quelque honneur ou opulence (comme nous voyons
tous les jours les meschans venir à grandes richesses et gros estatz)
neantmoins puis que là où est la malediction de Dieu,on ne scauroit
avoir une seule goutte de félicité : nous ne obtiendrons rien
30 qu'il ne nous tourne à malheur, sinon que sa benediction soit sur
nous. Or ce seroitune grande rage, de appeter ce qui ne nous peut
faire, que miserables. Pourtant si nous croyons que tout moyen de
prospérer gist en la seule benediction de Dieu, et que sans icelle
toute misère et calamité nous attend : nostre office est de n'as-
35 pirer à richesses et honneurs .avec trop grande cupidité, en
fiance de nostre engin, ou diligence, ou faveur des hommes, ou
de fortune : mais de regarder tousjours en Dieu : à fin que, par
sa conduite, nous soyons menez à telle condition que bon luy semblera.
De là il adviendra, que nous ne nous efforcerons point de