RELIGION CHRESTIENiNE - Archive ouverte UNIGE

DES CINQ AUTRES CEREMONIES. 695
congnoissoient de plus saincte vie et pure doctrine par dessus les
autres.
Et véritablement il failloit ainsi faire, si ceux qui avoient la
puissance et prééminence eussent voulu conserver les Eglises en
5 leur entier. C'est à scavoir ; Que l'Eglise quiavoit à délibérer d'eslire
un ministre, devant que procéder à l'élection, appellast du
pays circonvoysin un Evesque ou deux singulièrement renommez
en intégrité de vie et de doctrine : avec lesquelz elle advisast, lequel
il seroit meilleur de prendre à cest estât. Touchant de scavoir,
10 lequel seroit le meilleur, que un Evesque feust esleu par toute
l'assemblée des Chrestiens, ou par l'advis de aucuns certains, ausquelz
ceste charge feust donnée, il ne s'en peut bailler certaine
reigle. Mais il en fault prendre conseil selon l'opportunité du
temps, les meurs du peuple, et autres circonstances. Sainct
is Cypryan combat fort, que une election n'est pas deuëment faicte
que. par les voix de tout le peuple. Ce que les Hystoires monstrent
avoir esté observé en ce temps là en plusieurs regions. Mais pourtant
que à grand peine jamais il n'advient, que tant de testes facent
bien quelque chose d'un commun consentement, et que le
20 proverbe est quasi tousjours vray, que le populaire se bende selon
ses affections inconsidérées : il m'est advis que le plus expedient
seroit, que le Magistrat, ou le conseil, ou bien aucuns des plus
Anciens eussent la charge de cest affaire : ayant appelle, comme
j'ay diet, au paravant aucuns des Evesques prochains, desquelz
25 la vie et la doctrine eust bon tesmoignage. Mais cela se peut
mieux pourveoir selon l'exigence des circonstances, par les Princes
ou autres supérieurs, qui ont zèle de pieté.
Certes il n'y aura nul homme de sens rassiz, qui nye cela
appartenir à l'ordre de la vocation legitime, que les Evesques
30 soient esleuz par les hommes : veu qu'il y a tant de tesmoignages
de l'Escriture pour ceste manière d'élection. Et ne contrevient
point à cela Sainct Paul, en nyant qu'il ayt esté envoyé
des hommes ne par les hommes. Car le premier à scavoir de
n'estre point envoyé des hommes, luy a esté commun avec
35 tous bons ministres de la parolle, et confessons que cela
doibt estre generallement observé, veu que nul ne peut deuëment
recevoir cest office qu'il n'ayt esté appelle de Dieu. Mais
l'autre point luy a esté propre et particulier. Car en [s]e glorifiant
de n'avoir point esté envoyé par les hommes, il ne s'at-