RELIGION CHRESTIENiNE - Archive ouverte UNIGE

764 CHAPITRE XVI.
leur pais et territoire, pour reprimer les seditions des honimes
noyseux et ennemis de paix, pour secourir ceux qui souffrent
violence, pour chastier les maléfices : la pourroient-ilz employer
à meilleure occasion ; que à rompre et abatre les effors de ceux
s par lesquelz tant le repos d'un chascun particulièrement que
la commune transquilité de tous est troublée ? et lesquelz seditieusement
font esmeutes ; violences ; oppressions ; et autres
maléfices? S'ilz doivent estre gardes et deffenseurs des loix : il
appartient qu'ilz rompent les effors de tous ceux, par l'injustice
îodesquelz la discipline des loix est corrompue. Et mesmes s'ilz
punissent à bon droict les brigans, lesquelz. n'auront faict tort
que à peu de personnes : doivent-ilz laisser toute la region estré
vexée par briganderies ; sans y mettre la main ? Car il ne peut
chaloir si celuy qui se jette sur le territoire d'autruy, auquel il
is n'y a nul droict, pour y faire pillaiges et meurtres, soit Roy ou
homme de bas estât. Toutes telles manières de gens doivent
estre reputez comme brigans, et puniz pour telz. Mais les Magistratz
ont icy à se donner garde de n'obeyr, tant soit peu, à leurs
cupiditez. Plustost aucontraire, soit qu'ilz ayent à faire quelque
20 punition : ilz se doivent abstenir de ire, de hayne, de sévérité
trop rigoureuse. Et mesmes (comme dit Sainct Augustin) pour
l'humanité, commune ilz doivent avoir compassion de celuy lequel
ilz punissent pour ses propres maléfices. Soit qu'il faille
prendre les armes contre quelques ennemis : c'est à dire contre
25 des brigans armez, ilz ne doivent point cercher occasion legiere,
et mesmes quand l'occasion s'offreroit, ilz la doyvent fuyr, s'ilz
ne sont contrainctz par grande nécessité. Car s'il nous fault
encores beaucoup mieux faire que les Payens ne enseignent,
desquelz quelqu'un dit, que la guerre ne doibt tendre à autre fin
so que a cercher paix : il fault certes tenter tous moiens, devant
que venir aux armes. Brief en toute effusion de sang, les Magistratz
ne se doivent permettre d'estre transportez d'affection
particulière : mais doyvent estre menez d'un couraigepublique.
Autrement ilz abusent meschamment de leur puissance : la-
35 quelle ne leur est pas donnée pour leur promt particulier,
mais pour en servir aux autres. De ce droit de batailler s'ensuyt
que les Garnisons, Alliances, et autres munitions civiles,
sont aussi licites. J'appelle Garnison, les gensdarmes qui sont
disposez par les villes limitrophes, pour la conservation de