RELIGION CHRESTIENiNE - Archive ouverte UNIGE

DE LA PUISSANCE ECCLESIASTIQUE. 739
purs il y a quelque chose à redire, ou à cause que les Evesques
qui estoient pour lors combien qu'ilz feussent gens scavans et prudens,
toutesfois estans empeschez aux matières, pour lesquelles
ilz estoient assemblez, ne regardoient pas beaucoup d'autres
s choses : ou qu'estans occupez en grands affaires, ilz ne prenoient
esgard à ceux qui estoient de moindre importance : ou qu'ilz povoient
faillir par ignorance : ou bien que aucunesfois ilz estoient
trop ardans en leurs affections. Ceste dernière raison pourroit
sembler la plus dure : Toutesfois nous en avons un exemple
10 notable au premier Concile de Nyce, duquel la dignité a esté prisée
par dessus tous autres. Car les Evesques qui estoient là venuz
pour deffendre le principal poinct de nostre Foy, combien qu'ilz
veissent Arrius en leurs presences prest de batailler, et que pour
le convaincre il leur feust nécessaire de bien accorder ensemble :
îsneantmoins comme s'ilz feussent là venuz de propoz délibéré pour
luy faire plaisir, ne se soucyans point en quel dangier estoit
l'Eglise : commencèrent à se mordre, accuser, et injurier l'un
l'autre : à presenter libelles diffamatoires, ausquelz toute leur vie
estoit traduicte. Brief ilz laissoient Arrius : pour se deffaire
20 eux mesmes. Et estoient d'une telle intemperance acharnez ensemble,
qu'il n'y eut jamais eu fin à leurs contentions : si Constantin
Empereur, protestant, qu'il ne vouloit point estre le juge, n'eust
reprimé leurs debatz. Combien est-il plus vraysemblable ; que les
autres Conciles, qui depuis se sont ensuyviz, ayent peu avoir quelas
que faute ? Quelqu'un pourroit penser que je suis mal advisé de
remonstrer telz erreurs : veu que noz adversaires mesmes confessent
que les Conciles peuvent errer es choses qui ne sont nécessaires
à salut. Mais je ne le faiz sans propos. Car combien que se
voyans contrainctz ilz confessent cela : toutesfois puis qu'ilz veulent
30 que la determination des Conciles en toutes choses et sans exception,
soit receue pour revelation du S. Esprit : ilz demandent plus
que leur confession ne porte. Aquoy pretendent-ilz en ce faisant ;
sinon de nous faire à croire que les Conciles ne peuvent errer aucunement?
ou s'ilz errent ; qu'il ne nous est licite de voir la vérité ; mais
35 fault que accordions à leur erreur? Parquoy nulz tiltres de Conciles,
de pasteur d'Evesques, et d'Eglise (lesquelz on peut aussi bien
faulsement prétendre que à bon droit) ne nous doivent empescher,
que puisque nous avons telz advertissements, nous ne examinions
tous espritz des hommes à la reigle de la parolle de Dieu, pour esprou-