RELIGION CHRESTIENiNE - Archive ouverte UNIGE

696 CHAPITRE XIII.
tribue pas seulement ce qui est convenable à un vray et legitime
Pasteur : Mais il produit les enseignes de son Apostolat. Gomme
ainsi soit que entre les Galathiens il y en eust aucuns lesquelz
voulans abaisser son auctorité, le faisoient comme un vulgaire
s Discipl[e], substitué par les principaux Apostres : luy à fin de
conserver la dignité sauve à sa predication, à laquelle il voyoit
qu'on tendoit telles embusches, avoit besoing de remonstrer, qu'il
n'estoit inférieur en nulz endroictz aux autres Apostres : pourtant
il afferme, qu'il n'a point esté esleu par le jugement des hom-
10 mes à la manière acoustumée des Pasteurs ecclésiastiques: mais
qu'il a esté declairé par la bouche du Seigneur et revellation patente.
Combien mesmes que le Seigneur a tellement esleu par sa
bouche Sainct Paul d'un privilege singulier, qu'il a pareillement
usé de discipline et ordre de la vocation ecclésiastique. Car Sainct
is Luc recite ainsi que les Apostres jeunans et prians, le Sainct
Esprit dist : Séparez moy Paul et Barnabas à l'ouvrage, auquel je
les ay destinez. A quel propoz se faict ceste separation et imposition
des mains ; depuis que le Sainct Esprit a testifié son election
; sinon à fin que la discipline ecclésiastique feust observée ;
20 en ordonnant les ministres par les hommes ? Parquoy le Seigneur
n'a peu approuver cest ordre par un exemple plus notable, qu'en
prédisant qu'il avoit ordonné Paul Apostre sur les Gentilz, veult
neantmoins qu'il soit constitué par l'Eglise. Laquelle chose aussi
on peut voir en l'eslection de Matthias. Car d'autant que l'office
25 Apostolique estoit de telle importance, qu'ilz n'osoient point par
leur propre jugement en ordonner un en leur compaignie, ilz en
mettent deux au meilieu de la place, sur l'un desquelz le sort
puisse tomber, à fin qu'en ceste manière l'eslection puisse avoir
tesmoignage evident du ciel : et neantmoins que la police eccle-
30 siastique ne soit point négligée. *"
Certes noz Prelatz cornuz ont du tout perverty le bon ordre
qui y devoit estre, par leurs droictz de collations, presentations,
representations, patronages, nominations, et autres
espèces de dominations tyranniques. Mais la malice des
35 temps (disent-il) le requeroit ainsi, que puis que le populaire
estoit plus transporté de faveur ou de haine, en élisant les Evesques,
qu'il n'estoit gouverné de droit jugement : que ceste
puissance feust transférée à certains principaux Prelatz : Encores
que leur accordions, que tel ayt esté le remède d'un mal