RELIGION CHRESTIENiNE - Archive ouverte UNIGE

748 CHAPITRE XV.
force de pieté y estoit située? Quand punissans la transgression
de la Loy de Dieu par amendes de legieres satisfactions ; ilz ne
punissent de moindre peine la transgression d'un de leurs decretz
que par prison, feu, ou glaive?. Quand estans assez faciles à par-
5 donner aux contempteurs de Dieu : ilz poursuy vent leurs contempteurs
d'une hayne inexorable jusques à la mort? Et quand tellement
ilz instruisent ceux lesquelz ilz tiennent captifz en ignorance ;
qu'ilz aymeroient mieux voir toute la Loy de Dieu estre renversée;
qu'un seul poinct des commandemens de l'Eglise? comme ilz
10 les appellent. Premièrement c'est trop desvoyé du droict chemin,
que pour choses legieres et (si on s'arrestoit au jugement de Dieu)
indifferentes, l'un contemne, condamne, et rejecte l'autre. Maintenant
(comme s'il n'y avoit point assez grand mal en cela) telz elemens
frivoles de ce monde (comme S. Paul les nomme) sont plus Galat.i.
is estimez, que les ordonnances celestes de Dieu. Celuy qui est ab- Matt. 23.
soult en adultère, est condamné en son menger. Une femme legitime
estdeffendue à celuy, auquelest permise une paillarde. Voilà
le fruict de ceste obéissance, pleine de prevarication : laquelle se
recule autant de Dieu, qu'elle s'encline aux hommes. Pourquoy
2odonc, disent ilz, Christ a-il voulu qu'on portast les charges importables
que imposent les Scribes et Pharisiens? Mais je leur demande
aucontraire, pourquoy luymesme en autre lieu a-il voulu qu'on Matt. H.
se gardast du levain des Pharisiens; appellant leur levain (comme
l'interprète l'Evangeliste S.Matthieu) tout ce qu'ilz mestoient de
25 leur doctrine propre ; à la pure parolle de Dieu ? Que voulons-nous
d'avantage, quand il nous est commandé de fouyr et de nous garder
de toute leur doctrine ? Donc il nous est très manifeste que
en l'autre passage nostre Seigneur n'a pas voulu que les consciences
des siens feussent chargées des propres traditions des Phari-
30 siens. Et les parolles mesmes (si on ne les cavilloit point) n'approchent
en rien de ce sens. Car par icelles nostre Seigneur n'a voulu
autre chose, sinon que proposant de parler publiquement contre
la mauvaise vie des Pharisiens, il enseignoit paravant les auditeurs,
que combien qu'ilz ne veissent rien aux meurs des Phari-
35 siens digne d'estre ensuivy : toutesfois qu'ilz ne délaissassent point
ce qu'ilz enseignoient par parolle, quand ilz estoient assiz en la
chaire de Moyse, c'est à dire, quand ilz exposoient la Loy.
Mais pourtant que aucuns simples quand ilz entendent
que les consciences des fidèles ne se doivent lyer