RELIGION CHRESTIENiNE - Archive ouverte UNIGE

DE LA CENE. 639
Et que ce qu'il est nay petit enfant du ventre de sa mere, qu'il
est creu, qu'il a esté estendu en la croix, qu'il a esté-encloz au
sepulchre, a tout esté faict par une certaine dispensation : à fin
qu'il peust naistre, mourir, et s!acquiter de toutes autres œuvres
s humaines. Que ce que après sa resurrection il est apparu en son
accoustumée forme de corps, qu'il a esté receu au ciel visiblement
: finalement que après son ascenscion il a esté veu de Actes 7.
Sainct Estienne et de Sainct Paul : aussi que cela a esté tout Actes 9.
faict par mesme dispensation : à fin qu'il se declarast à la veüe i.Cor.15.
io des hommes estre constitué et estably Roy au ciel. Qu'est cela,
sinon susciter Marcyon des Enfers ? Qui est-ce qui doubtera le
corps de Christ avoir esté phantastique : s'il estoit de telle condition
? Hz allèguent qu'il a esté diet de Jesus Christ mesme. Jean 3.
Nul n'est monté au ciel, sinon celuy qui est descendu du ciel, le
18 Filz de l'homme qui est au ciel. Mais sont ilz de sens si rude et
estourdy, qu'ilz ne voyent point que cela est diet par une communication
des proprietez ? Comme Sainct Paul dit le Seigneur i. Cor. 2.
de gloire avoir esté crucifié : non pas pource qu'il ayt souffert
selon la divinité : mais par ce que le Christ, qui estant contemné
so et mesprisé souffroit en la croix, luy mesme aussi estoit Dieu et
Seigneur de gloire. En ceste manière aussi le filz d'homme estoit
au ciel, pource que luy, ce mesme Christ qui selon la chair estoit
filz d'homme en terre, estoit aussi Dieu au ciel. Par laquelle
raison en ce lieu mesme il est diet estre descendu du ciel selon
25 la divinité : non pource que la divinité delaissast le ciel pour se
venir cacher en la prison du corps : mais pource que combien
qu'elle emplist toutes choses : toutesfois elle habitoit en l'humanité
de Christ corporellement : c'est à dire naturellement, Collos. 2.
véritablement, et par quelque manière incomprehensible.
so Les autres ont un peu plus subtile evasion : et disent, ce corps
qui est présenté au Sacrement, estre glorieux et immortel. Et
pourtant qu'il n'y a point d'inconvénient qu'il soit en plusieurs
lieux, qu'il soit contenu au Sacrement sans occuper lieu, et sans
avoir nulle forme. Mais je leur demande : quel le donnoit
33 nostre Seigneur à ses Disciples le jour devant qu'il souffrist? Ne
portent pas les parolles, que c'estoit le mortel qui bientost après
devoit estre livré ? Mais ilz disent : desjà au paravant il avoit en
la montaigne de Thabor manifestée sa gloire aux trois Disciples. Matt. /7.
Certes cela est vray : toutesfois par celle clairté il leur donnoit seu-