RELIGION CHRESTIENiNE - Archive ouverte UNIGE

DE LA CENE. 641
à ses frères en toutes choses, excepté péché. Quel est nostre corps?
N'est-il pas tel ; qu'il ha sa propre et certaine mesure ; qu'il est
contenu en lieu ; qu'il est touché ; qu'il est veu ? Et pourquoy,
disent-ilz, ne fera Dieu qu'un mesme corps occupe plusieurs et
s divers lieux ; qu'il ne soit comprins en nul certain lieu ; qu'il
n'ayt point de forme ne mesure aucune? 0 insensé, que demandetu
à la puissance de Dieu ; qu'elle face que un corps soit ensemblément
corps et non corps ? Comme si tu requerois qu'elle face
la lumière estre ensemblément lumière et ténèbres. Mais elle veult
îo la lumière estre lumière : les ténèbres estre ténèbres : un corps
estre corps. Certes elle convertira bien quand elle vouldra les
ténèbres en lumière, et la lumière en ténèbres. Mais quand tu
demandes que la lumière et les ténèbres ne soient point différentes
: que veux tu autre chose ; que pervertir l'ordre de la sapience
is de Dieu? Il fault donc que le corps soit corps, et que l'Esprit
soit Esprit, un chascun en telle loy et condition qu'il a esté créé
de Dieu. Et ceste est la condition du corps, qu'il consiste en un
lieu certain en sa propre et certaine mesure et en sa forme. En
celle condition Jesus Christ a prins corps : auquel certes il a
so donné incorruption et gloire : mais il ne luy a point osté sa nature
et sa vérité. Car le tesmoignage de l'Escriture est clair et evident.
Qu'il est monté au ciel, dont il doibt ainsi revenir comme il y a
esté veu monter. Ces obstinez taschent encores de reculer, di- Actes 1.
sans : Qu'il est monté et reviendra visible : toutesfois que ce
25 pendant il demeure avec nous invisible. Mais nostre Seigneur
s'est tesmoigné avoir chair et os, qui pouvoient estre touchez et
veuz. Et s'en aller et monter, ne signifie pas faire semblant de
s'en aller et monter : mais est vrayement faire ce que les parolles
chantent. Mais quelqu'un demandera, s'il fault assigner quelque
30 region du ciel à Christ ? A quoy je respondz avec Sainct Augustin,
que ceste question est trop curieuse et superflue : moyennant
que nous croyons qu'il est au ciel, c'est assez.
Or si quelqu'un veult lier au pain et au vin le corps et le sang
du Seigneur : il sera nécessaire que l'un soit séparé de l'autre.
3s Car comme le pain est baillé séparément du calice : aussi
- fauldra-il que le corps, estant uny au pain, soit divisé du sang, -
qui sera encloz dedans le calice. Car puis qu'ilz afferment le
corps estre au pain, le sang estre au calice : et il est ainsi que
le pain et le vin sont divisez l'un de l'autre : ilz ne peuvent es-
Institution. 4j