RELIGION CHRESTIENiNE - Archive ouverte UNIGE

502 CHAPITRE VIII.
le utilité. Or ceste illumination ha l'eslection éternelle de Dieu
pour sa reigle.
Maintenant nous avons à toucher de la Providence de Dieu:
laquelle s'estend au gouvernement de tout ce monde. Et combien
5 que icelle, estant bien entendue, profite merveilleusement à confermer
la Foy : toutesfois il y en a bien peu qui la conceoivent
ou qui la méditent droictement. La plus grand part imagine
aussi bien en cest endroit une prescience nue de Dieu : ne pensant
point que v toutes choses se conduisent par son vouloir et ordon-
10 nance. Les autres luy attribuent bien quelque gouvernement,
mais confuz et general : à scavoir par lequel toute la machine
de ce monde, avec ses parties, soit entretenue et incitée. Mais
de dire qu'il dirige les actions d'une chascune creature, il n'en
est question. Hz appellent ceste Providence universelle, de lais
quelle ilz disent que toutes creatures ne sont point empeschées
d'estre tournées çà et là fortuitement : ne l'homme aussi de se
convertir où bon luy semblera par son franc arbitre. Car ilz partissent
tellement entre Dieu et l'homme qu'ilz estiment que
Dieu par sa vertu, luy inspire seulement la faculté de se mouvoir,
20 à ce qu'il puisse faire ce que porte sa nature : Mais ce pendant
ilz veulent que l'homme modere ses actions par son conseil.
Brief la commune opinion est, que le monde, les choses humaines,
les hommes mesmes se gouvernent par la puissance de Dieu.
Mais non pas d'une providence délibérée : pour dire qu'ilz deter-
2Sminent tout ce qui se doibt faire. Je laisse là les Epicuréens
(de laquelle peste le monde a esté tousjours remply) lesquelz
songent un Dieu oysif, et ne se meslant de rien. Pareillement
les autres qui n'ont pas esté moins hors du sens, le[s]quelz luy
ont assigné à gouverner ce qui est par^ dessus lé milieu de
30l'air; abandonnant le reste à fortune. Car les creatures mesmes
condemnent hault et cler une telle rage. Quant est de ceste
opinion que j'ay recitée de la Providence universelle de Dieu,
elle est receue quasi de tous. Or combien qu'elle ayt quelque
apparence de vérité : toutesfois elle n'est ne vraye ne tolerable.
35 Car puis qu'elle ne concede à Dieu qu'un mouvement aveuglé et
inconsidéré : elle luy oste ce qui est le principal. C'est qu'il dirige
et dispose, en sapience : une chascune chose à sa fin. Et ainsi elle
faitz Dieu recteur du monde, de parolles seulement et non pas de
faict : veu qu'elle luy denye certaine moderation. Car qu'est-ce que