RELIGION CHRESTIENiNE - Archive ouverte UNIGE

786
CHAPITRE XVII.
fault conformer. Que ceux qui estiment qu'il n'y a que les Philosophes,
qui ayent bien et deuement tràicté la doctrine Moralle,
me monstrentune aussi bonne traditive en leurs livres, que celle
que je viens de reciter. Quand ilz nous veulent de tout leur por
5 voir exhorter à vertu, ilz n'ameinent autre chose, sinon que nous
vivions comme il est convenable à nature. L'Escriture nous
meine bien en une meilleure fontaine d'exhortation : quand non
seulement elle nous commande de rapporter toute nostre vie à
Dieu, qui en est l'autheur : mais après nous avoir advertiz, que
10 nous avons dégénéré de la vraye origine de nostre creation, elle
adjouste que Christ, nous reconciliant à Dieu son Père, nous est
donné comme une exemple d'innocence : duquel l'Image doibt estre
représentée en nostre vie. Que scauroit-on dire plus vehement ; et
de plus grande efficace? Et mesmes;qu'est-ce qu'on requerroit
is d'avantage? Car si Dieu nous adopte pour ses enfans, à ceste
condition, que l'Image de Christ apparoisse en nostre vie : si
nous ne nous addonnons à justice et saincteté, non seulement nous
abandonnons nostre Créateur par une desloyauté trop lasche :
mais aussi nous le renonceons pour Sauveur. Consequemmeqt
20 l'Escriture prend matière de nous exhorter de tous les benefices
de Dieu, et toutes les parties de nostre salut : comme quand elle
dit: Puis que Dieu s'est donné à nous pour Père : nous sommés
à redarguer d'une lasche ingratitude si nous ne nous portons
comme ses enfans. Puis que Christ nous a purifiez par le
2s lavement de son sang, et nous a communiqué ceste purification
par le Baptesme : il n'y a ordre que nous nous
souillions en nouvelle ordure. Puis qu'il nous a associez et
entez en son corps : il nous fault songneusement garder,
que nous ne nous contaminions aucunement : veu que som-'
30 mes ses membres. Puis que luy, qui est nostre chef, est
monté au ciel : il nous convient de nous démettre de toute
affection terrienne, pour aspirer de tout nostre cœur à la vie
celeste. Puis que le Sainct Esprit nous consacre, pour estre
Temples de Dieu, il nous fault mettre peine que la gloire de
3ô Dieu soit exaltée en nous : et d'autrepart, donner de garde de
recevoir quelque polution. Puis que nostre ame et nostre corps
sont destinez à l'immortalité du Royaume de Dieu, et à la
couronne incorruptible de sa gloire : il nous fault efforcer, de
conserver tant l'un comme l'autre pur et immaculé, jusques au jour