RELIGION CHRESTIENiNE - Archive ouverte UNIGE

632 CHAPITRE XII.
D'une mesme invention est procedée une autre constitution :
laquelle a ravy et soustraict une moictié de la Gene, à la meilleure
partie du peuple de Dieu. C'est à scavoir le signe du sang
lequel pour estre réservé en propre à je ne scay combien de ton-
5 duz et greffez, a esté deffendu aux laiz et prophanes : car Hz Mat. 26.
baillent telz tiltres et noms à l'Heritaigede Dieu. L'edict et ordonnance
de Dieu éternel, est, que tous en boyvent. L'homme
l'ose casser et annulier par nouvelle et contraire loy, ordonnant
que tous n'en boyvent. Et telz Législateurs, à fin qu'ilz ne semble
»o qu'ilz conbatent contre Dieu sans raison, ilz allèguent les inconveniens
qui pourroient advenir, s'ilz estoit abandonné à tous :
comme si cela n'eust point esté pourveu ne apperceu par la sapience
éternelle de Dieu. D'avantage ilz déduisent subtillement
que l'un suflîst pour les deux. Car si c'est le corps, disent-ilz,
is c'est tout Jesus Christ : qui ne peut desjà plus estre desjoinct ne
séparé de son corps : donc le corps contient le sang. Voylà l'accord
de nostre sens avec Dieu, puis que tant peu que ce soit il
commence comme à bride avallée de s'escarmoucher et voltiger.
Nostre Seigneur monstrant le pain le dit estre son corps : et monsaotrant
la couppe, il l'appelle son sang. L'audace de la raison et sagesse
humaine aucontraire réplique, que le pain est le sang, et le
vin est le corps : comme si sans cause et sans propoz, nostre Seigneur
eust distingué et par parolles, et par signes, son corps de
son sang. Et comme s'il avoit jamais esté oüy, que le corps de Jesus
25 Christ ou son sang feust appelle Dieu et homme. Certes s'il eust
voulu designer toute sa personne, il eust diet : Ce suis-je, com- Mat. H.
me il a accoustumé de parler en l'Escriture, et non pas : Ce est mon Luc 24.
corps, Ce est mon sang. Je scay bien que les ministres de Satan Jean 18.
(comme leur bonne coustume est d'avoir l'Escriture en mocquerie)
30 icy se mocquent, et cavillent que Jesus* Christ admist seulement
ses Apostres à la participation de ceste Cène : lesquelz il avoit
desjà ordonnez et consacrez en l'ordre de sacrificateurs, qu'ilz
nomment ordre de Prestrise. Mais je vouldrois qu'ilz me
respondissent à cinq demandes : desquelles ilz ne pourront
35 eschapper, qu'ilz ne soient facillement, avec leurs mensonges,
convaincuz. Premièrement de quel oracle leur a esté révélée ceste
solution tant eslongnée de la parolle de Dieu ? l'Escriture recite
douze qui furent assis avec Jesus Christ : mais elle ne obscurcit
pas tellement la dignité de Jesus Christ, qu'elle les appelle