RELIGION CHRESTIENiNE - Archive ouverte UNIGE

634 CHAPITRE XII.
vraye communication que nous avons en luy, sa vie est transférée
en nous, et est faicte nostre : tout ainsi que le pain, quand
il est prins en nourriture, donne vigueur au corps. Sainct Augustin,
lequel ilz ameinent pour leur advocat, n'a escrit en autre
5 sens que nous mengeons le corps de Christ en croyant en luy,
que pour dénoter que ceste manducation vient de la Foy. Laquelle
chose je ne nye pas, mais j'adjouste que nous recevons
Christ, non pas apparoissant de loing, mais se donnant et communiquant
à nous.
10 Ceux là aussi ne satisfont point : lesquelz après avoir confessé
que nous avons aucune communication au corps de Christ,
quand ilz la veulent demonstrer, nous font seulement participans
de son Esprit : laissant derrière toute la memoire de la
chair et du sang. Comme si ces choses estoient dictes pour
is néant : que sa chair est viande : son sang est breuvage. Que nul
n'aura vie, sinon celuy qui aura mengé ceste chair, et beu ce
sang, et autres semblables sentences. Pourtant s'il est notoire
que la communication, dont est question, passe oultre ce qu'ilz
en disent : despeschons en peu de parolles, jusques à où elles
2o s'estendent : si toutesfois il est loysible de comprendre en parolles
un si grand mystère : lequel je voy bien que je ne puis
comprendre en mon esprit. Ce que je confesse voluntiers : à fin
que nul ne mesure la grandeur d'iceluy à mes parolles : qui sont
si debiles, qu'elles succombent beaucoup au dessoubz. Plustost
25 aucontraïre j'admoneste les lecteurs de ne contenir point leur sens
entre si estroictes bornes et limites : mais qu'ilz s'efforcent de
montrer plus hault que je ne les puis conduire. Car moymesme,
toutesfois et quantesqu'il est question de ceste matière, après avoir
tasché de tout dire, je voy bien qu'il sien fault beaucoup que je
3on'atteinde à l'ex[cjellence. Et combien que l'entendement ayt
p[l]us de vertu à penser et estimer, que la langue à exprimer :.
neantmoins iceluy mesme est surmonté et accablé par une telle
grandeur. Parquoy'il ne me reste autre chose en la fin que de tomber
en admiration de ce mystère: auquel droictement penser, l'en-
35 tendement ne peut suffire : comme la langue aussi n'est capable de
l'expliquer. Neantmoins je proposeray icy la somme de ma doctrine
: laquelle comme je ne doubte pas estre veritable, aussi j'espère
qu'elle sera approuvée à tous bons cœurs et craignans Dieu.
Premièrement l'Escriture nous enseigne , que Christ dès