volumen xxiii. - Archive ouverte UNIGE

EDITORES LECTUEIS S.
Iam absolutis duabus prioribus operum Calvinianorum partibus, quibus viginti annorum labores
indefesse impendimus, tertiam aggredimur eamque ultimam, celeberrimam scilicet et amplam librorum
ad sacrae scripturae interpretationem pertinentium seriem, quorum laus, olim a plurimis praedicata,
hodie quoque post tot aliorum studia nondum inter doetos deminuta evanuit.
Hoc tamen novum pensum aeque féliciter absolutum iri ac ilia priora, nobis quidem procurantibus
minime tibi, bénévole lector, promittere audemus. Hanc exspectationem, si qua esset, provecta aetas
praecideret, et vires sensim déficientes spem nos vêtant inchoare longam. Iam unus ex triumviratu
nostro suo studio suaque eruditissima collaboratione orbatos nos reliquit. Ioannes Guilelmus Baum, quem
in historia reformationis, per terras gallicanas vel effectae vel tentatae, indaganda lubenter inter principes
ponimus, dudum ingravescente valetudine stationem suam in coetu nostro deserere coactus fuerat: tandem
subita apoplexia percussus per plures annos tristissimam quae mortalibus contingere potest vitae conditionem
protraxit. Multis ille bonis flebilis occidit a. d. IY. Kai. Nov. anno huius saeculi LXXVIII,
nulli flebilior quam nobis, quibus olim, ut strenue manum admoveremus ad hoc monumentum maximo
qui unquam fuit Argentoratensis scholae theologo erigendum, autor et suasor fuit.
Ita nos superstites ultra duo lustra soli opus inceptum continuavimus. Nunc autem in limine novi
stadii novam et operosam voluminum recudendorum molem respicientes nostroque diffidentes robori, de
iuniore et validiore collega adsciscendo serio cogitare nos iussit fratris et amioi obitus, nostrae ipsorum
fragilitatis non praetereundus monitor. Talern iam fauste optatissimum hodie socium nobis adiungimus
Paulum Lobstein, pro tempore ordini nostro theologico extra numerum adscriptum, qui ante hoc
biennium studiorum suorum primitias ipsi nostro Calvino dicavit, édita de eius placitis ethicis doctissima
limataque dissertatione, quam hoc loco commendare post aliorum eruditorum laudes supervacaneum
duoimus.
Caeterum haec ultima pars laboris nostri multo minus negotii nobis facesset quam quae proxime
praecessit. Omnes enim Oalvini lucubrationes quae hic in censum veniunt iam ab initio typis expressae
fuere et saepius recusae sunt. Atque eo facilius eas retractabimus quod editiones earum omnes, paucissimis
exceptis, in nostro ipsorum museo dudum undique coemptas asservamus, locupletissimam, nisi valde
fallimur, quae usquam terrarum reperitur in hoc librorum génère suppellectilem. Sunt quidem nonnullae
collectiones sermonum, eaeque minoris ambitus, quibus utpote rarissime occurrentibus nondum nobis
potiri contigit. Has ex publicis armamentariis conquisitas, et inde non sine maioribus expensis calamo
descripta8, cum caeteris suo tempore et ordine prelo mandabimus.
Calvini opera. Vol XXIII. II