volumen xxiii. - Archive ouverte UNIGE

723 SERMONS. 724
qui est dit au troisième chapitre de sainct Iehan, que
Dieu a taut aimé le monde, qu'il n'a point espargné
son Fils unique, à fin que quiconque croira en
luy, ne périsse point, mais qu'il passe de la mort
à la vie. Voila donc comme Dieu seul nous iustifie
à parler proprement: et c'est ce que dit S. Paul
au cinquième chapitre de la seconde aux Corinthiens,
Que Dieu est apparu en Iesus Christ, se reconciliant
le monde a soy, voire n'imputant point les
péchez: car IesuB Christ qui ne savoit que c'estoit
de péché, a esté fait péché pour nous, à fin que
nous soyons faicts iustice de Dieu en luy [pag. 181].
Voila sainct Paul qui monstre très bien en premier
lieu comme Dieu nous iustifie, c'est qu'il ne nous
impute point nos fautes. Voila pour un item, quant
à la definition du mot. Cependant aussi il enseigne
que c'est le propre office de Dieu, de nous iustifier.
Or il est en Iesus Christ, dit-il, voire reconciliant
le monde à soy, et puis il est nostre iustice, c'est
à dire, nous sommes approuvez de luy. Or comment
est-ce que la foy iustifie? Voici le moyen: car si
nous cerchon8 la cause principale, si nous cerchons
l'autheur de nostre salut, nous ne dirons autre
chose sinon que Dieu nous iustifie par sa pure
bonté, d'autant qu'il nous reçoit à merci, et qu'il
ne nous impute point nos péchez, mais nous les
pardonne. Or Iesus Christ nous iustifie aussi bien
en son endroit: car il est la vraye matière de
nostre iustice. Où est-ce donc que nous la cercherons ?
Au lavement de son sang qu'il a espandu pour
nous au sacrifice qu'il a offert pour recompense de
nos péchez, en ce qu'il a rendu une obéissance
pleine, tellement que toutes nos offenses en sont
ensevelies et effaceeB en ce qu'il s'est sanctifié pour
nous, comme il est dit au dixseptieme chap, de S.
Iehan. Voila donc Iesus Christ qui nous iustifie
en son degré. Or ce que la foy nous iustifie, n'est
point à cause de vertu qu'elle ait, ou bien pour
quelque dignité [pag. 182] aussi qu'elle apporte. Et
en cela les Papistes s'abusent: car ils font comparaison
entre la foy et les oeuvres, et disent, comment
est-ce que la foy iustifie plustost que la charité ?
Car charité comme dit S. Paul, est plus grande
que la foy. Il est vray qu'ils s'abusent en ce passage:
mais prenons le cas que la charité fust plus
digne que la foy. Il n'est pas question de tous ces
menus fatras: car quand un Roy seroit le plus
grand du monde, assavoir, s'il pourra fouir la terre
aussi bien qu'un laboureur ou un vigneron? Ainsi
est-il de la foy, car elle ne nous iustifie pas, comme
i'ay dit, pour quelque excellence qu'elle ait en soy,
mais c'est d'autant qu'elle emprunte de Iesus Christ
ce qui nous défaut. Et voila pourquoy S. Paul dit,
la iustice de foy renverse et abolit toute iustice des
oeuvres et toute gloire humaine. Ainsi donc, les
Papistes en cest endroit sont trop lourds et de
nostre costé tant plus nous faut-il arrester à ce
que nous avons dit, c'est assavoir, que nous sommes
iustifiez par foy, c'est à dire, que le moyen de nous
rendre agréables à Dieu c'est que nous donnions
ouverture à nostre Sgr. Iesus et qu'il nous applique
sa iustice. Voila donc comme la foy est le seul
moyen et l'instrument pas manière de dire: mais
Dieu est la cause et l'autheur, et la louange aussi
appartient à nostre Seigneur [pag. 183] Iesus Christ,
qui en est la vraye matière. Voila donc encores
ce que nous avons à retenir. Et par consequence
nous voyons aussi que c'est une cavillation trop
sotte, quand les Papistes disent que la foy mesme
est une oeuvre, et que si nous sommes iustifiez par
la foy, il s'ensuit que les oeuvres ne sont point
exclues. Ils allèguent ce qui est dit au sixième
chapitre de sainct Iehan, voici l'oeuvre que Dieu
demande que vous croyez en son Filz unique. Or
là Iesus Christ appelé la foy oeuvre, comme s'il
disoit, voila à quoy il faut travailler, voila à quoy
il faut appliquer son estude: il n'est pas là question
d'oeuvre pour mériter. Et au reste, quand nous
aurions confessé que la foy soit oeuvre, ce qui n'est
pas, neantmoins elle ne iustifie pas entant que c'est
une oeuvre que nous faisons: car si ie donne
auinosne, et que ie prétende de mériter envers
Dieu par cela, voila comme ie serois iustifie par
mes oeuvres: si i'aide à mon prochain, que ie
m'employe de subvenir à cestuy-ci ou cestuy-la selon
qu'ils en auront besoin, voila comme ie serois
iustifie en mes oeuvres. Or il y a une raison toute
contraire en la foy: car en confessant qu'il n'y a
que toute malediction en nous, et que par la foy
nous allons recevoir ce que Dieu nous offre, nous
ne luy apportons rien de nostre costé, mais nous
venons à luy tous vuides. La foy donc [pag. 184]
iustifie, non pas en apportant aucune dignité ni
mérite à Dieu, mais d'autant que Dieu reçoit de
Iesus Christ ce qui luy est présenté en nostre nom.
Et il faut que ceste confession precede, qu'il n'y a
rien du tout en ceux qui tienent un tel train, c'est
assavoir, qui vienent demander iustice à Dieu, de
laquelle ils sont en tout despourveus. Ainsi donc
nous voyons encores en cest endroit comme les
Papistes ne font que caviller sottement, quand ils
mettent en avant que nous serions iustifiez par
quelque oeuvre, si nous estions iustifiez par la foy.
Or la foy est bien un sacrifice agréable à Dieu,
d'autant qu'il en est honoré, et que nous luy rendons
louange, que luy seul est iuste et bon: mais
cependant ce n'est point en vortu de cela que nous
sommes iustifiez. Or en somme notons que quand
Dieu nous iustifie par le moyen de la foy, en ceste
iustice-la est enclose la grace qu'il nous fait, d'autant
qu'il ferme les yeux à l'infirmité qui est en nostre
foy. La foy donc iustifie: tellement que d'autant