volumen xxiii. - Archive ouverte UNIGE

689 SERMONS. 690
que nous soyons Justifiez par foy, si est-ce qu'ils
ne peuvent recevoir ny accepter que ce soit du
tout. Et la raison? C'est qu'ils n'entendent point
ce mot de Foy, ou ce mot de Croire. Et pour le
bien entendre il nous faut mettre une conionction
entre la Foy et la Promesse. Car on pourra bien
chanter à une voix: mais nous n'aurons point une
mélodie parfaite, sinon qu'il y ait plusieurs voix
et bonne correspondance. Ainsi est-il de la foy:
car si la parole de Dieu ne precede, et que la foy
^ne s'accorde avec icelle, il n'y aura nulle mélodie.
"Ce sont deux choses inseparables que la Parole de
Dieu et la Foy. Ainsi on parleroit tant et plus
de Croire, et cependant tout cela seroit comme le
haut Allemand (comme on dit) ce seroit un mot
barbare, comme il est entre les Papistes, iusques
à ce que nous ayons ce point-la qu'il faut que
Dieu parle, et que nous ayons les aureilles ouvertes
et ententives pour [pag. 110] obéir et acquiescer
à son dire. Qu'est-ce donc de Croire? C'est
de recevoir ce qui nous est proposé de la bouche
de Dieu, avec telle reverence, que nous soyons là
retenus, et que toute doute soit excluse de nous.
Or maintenant il faut encores venir plus outre :
car Dieu parlera tellement quelque fois, qu'il ne
nous profitera gueres de l'escouter. Nous avons
veu cy dessus, quand il a parlé à Cain, et luy a
demandé où estoit son frère Abel, que Cain a bien
senti maugré ses dens qu'il falloit respondre devant
son iuge, neantmoins si n'a-il pas laissé de
gronder et de se despiter, disant: Qui est-ce qui
m'a fait gardien de mon frère? Adam mesmes
a bien ouy ceste voix: Où es-tu? mais il a esté
saisi d'espouvantement et d'effroy, il s'est caché,
et eust voulu trouver quelque abysme pour fuir
la presence de Dieu. Il ne suffira pas donc que
nous recevions la parole qui nous est. donnée de
Dieu en telle authorité qu'elle , mérite: mais il
faut que ceste parole soit qualifiée, o'est à dire,
il faut que ce soit une certaine parole pour nous
faire approcher de Dieu, et pour nous faire participans
de sa bonté: que nous ne doutions point
qu'il nous sera Père et Sauveur, et que là dessus
nous ayons la hardiesse de le reclamer, et nous
tenir pour ses enfans, et avoir nostre refuge à luy.
Ainsi donc nous voyons comme Abram a creu:
ce n'est pas qu'il ait conceu une [pag. 111] opinion
fantastique en sa teste: car la foy vient de l'ouye
(dit sainct Paul) et l'ouye, de la parole de Dieu.
Abram donc a ouy et a esté enseigné devant que
croire. Et puis ce n'a pas esté d'un homme mortel
ou de quelque creature: mais il a cognu que c'estoit
Dieu qui l'avoit appelle pour estre de ses enfans.
Or cela ne suffiroit point, comme nous avons
dit, mais Abram a ouy ces mots: le suis ton loyer
tresampU, ie suis ton bouclier, ie suis ta deffense:
Cafomi opera. Vol. XXIII.
\
ne crain point, car ie suis le Dieu tout puissant,
qui t'ay tiré hors de Chaldêe, et de Hur des Caldeens,
et comme nous verrons cy après, et comme desia
il a esté traité en partie au chap. 12. Abram
donc n'a point creu à Dieu pour ouir je ne sçay
quoy qui ne luy appartint de rien, ou pour ouir
quelque sentence particulière: mais il a creu à
Dieu quand il a creu qu'il estoit retenu et réservé
pour estre héritier du Royaume des cieux. Voila
sa croyance. Pour mieux comprendre le tout,
notons qu'il y a une foy particulière, et qu'il y a
une foy qui comprend tout ce qui est requis à
nostre salut. Quand maintenant Dieu nous menacèrent,
ceux mesmes qui sont hypocrites et 'contempteurs
de sa parole, pourroyent estre esmeuz
et touchez en leurs courages. Ceste foy-la est particulière.
Combien en voyons-nous, quand on leur
propose [pag. 112] le iugement de Dieu, qui sont
esbahis, et qui ont vu un cautère qui les brusle
là dedans, et regardent de tous costez ce qui leur
pourra advenir: et pourquoy? En despit qu'ils en
ayent, il faut qu'ils cognoissent et qu'ils appréhendent
qu'ils ne peuvent eschapper de la main du luge
celeste. Ceux-là donc ont bien quelque espèce de
foy, mais ce n'est qu'en partie: c'est une piece qui
ne leur peut de rien servir: comme il y en a d'aucuns
qui s'asseyent sur une promesse particulière
quand ils se verront en danger: si on vient à les
consoler en lour disant, que Dieu leur sera pitoyable,
encores pourront-ils savourer ceste parole-la,
mais ce n'est que pour une seule attente. Voila
un homme qui sera en maladie extreme, ou rédigé
en povreté: et bien, il se pourra presenter devant
Dieu. Un autre se trouvera en extrémité si grande
qu'il sera confus, et toutesfois il ne laissera pas
encores de respirer aucunement, sachant que Dieu
le> secourra. Or toutes ces façons de croire sont
particulières, et ne peuvent suffire à nostre salut,
et par consequent ne nous peuvent iustifier: mais
quand nous serons arrestez à l'adoption, où gist
tout nostre bien, c'est que nous espérons que Dieu
nous sera Père iusques à la fin : comme il a promis,
qu'estans ses enfans nous ne pourrons périr: que
nous le pouvons invoquer comme nostre Dieu pour
nostre salut [pag. 113] infaillible. Quand donc nous
aurons ceste promesseJà, par laquelle Dieu nous
conioinct à soy et s'allie avec nous tellement que
nous ne doutons point, que iamais il nous mette en
oubli: voila une foy qui comprend toutes les promesses.
Car (comme dit sainct Paul) la crainte de
Dieu qui procède de foy, a les promesses non seulement
de la vie à venir, mais aussi de la vie
présente. Car nous pouvons conclure que tout ira
bien pour nous, moyennant que Dieu nous reçoyve
en sa grace et qu'il nous accepte. Voila donc en
somme ce que nous avons maintenant à retenir,
44