volumen xxiii. - Archive ouverte UNIGE

745 FERMONS. 746
comparaison des changemens ot revolutions où
s'estoit trouvé Abraham, et de l'arrest qu'il avoit
eu sa foy, de la constance et fermeté de ne point
varier, quoyque ce fust. Voila donc Abraham qui
a esté pourmené de costé et d'autre: il a changé
d'habitation, mesmes il a esté poussé comme la
paille au vent. Tant y a neantmoins, qu'il a cognu
qu'il falloit qu'il demourast ferme en Dieu, et que
la foy fust tellement fondée, que rien ne l'esbranlast,
et qu'il n'y eust point de variété quant à sa
personne. Voila donc comme Abraham a tousiours
suivi le train auquel Dieu l'a voit introduit. Et
ainsi il adore le Dieu éternel, le Dieu du siècle,
combien qu'il seinblast que Dieu se [pag. 224] iouast
de luy comme d'une pellote, le chassant çà et là.
Or il est dit aussi qu'il habita en ce pays des
Philistins par longue espace de temps. Mais le mot
dont use Moyse signifie habiter comme estrangier.
Et ceci est encores bien à noter. Car combien qu'il
eut permission d'habiter-là, qu'il y fust paisible, et
qu'on ne luy fit plus les extorsions et violences
qu'il avoit souffertes : toutesfois il cognoit qu'il n'est
pas encores possesseur de ceste terre! il est vray
qu'elle luy estoit donnée avant mesmes qu'il y
entrast, et Dieu avoit ratifié ce benefice-la plusieurs
fois. Tant y a qu'il luy a esté dit: Ta semence
jusqu'à quatre cens ans sera estrangiere en une
autre terre. Il faut donc qu'Abraham pratique
tousiours ceste doctrine, c'est assavoir, d'avoir repos,
neantmoins qu'il est là comme estrangier par emprunt,
et qu'il faut qu'il ait tousiours un pié levé.
Brief, qu'il soit comme un oiseau sur la branche
ainsi qu'on dit. Et mesmes voila pourquoy il a
fait hommage au roy de Gerar. Car il ne quitte
pas la donnation qui luy avoit esté faite de Dieu:
mais pource que le temps n'estoit pas encores venu
d'en iouir et d'entrer en possession: voila pourquoy
il se contente d'estre estrangier. Et voila pourquoy
aussi nous verrons cy après, qu'il achètera le
sepulchre de sa femme: voire d'autant qu'il n'estoit
pas encores [pag. 225] possesseur d'un pié de terre
et ne laissoit pas neantmoins par foy d'avoir receu
ce qui luy avoit esté donné. Ainsi nous voyons
que son espérance s'est estendue outre la vie présente.
Et cependant nous voyons que ce n'est point
sans cause qu'il est dit au Fseaume cent nonante,
que Dieu a esté le pavillon d'aage en aage à ceux
qui se sont fiez en luy. Car Abraham estoit exposé
et au vent, et à la pluye, et à tous orages,
quand il habitoit entre gens barbares, pleins de
cruauté : et toutesfois Dieu luy a fait ombrage, voire
mais çà esté d'autant qu'il a mieux aimé quitter la
terre et eslever son coeur en haut, que de cercher
des moyens pour acquérir des fonds et des heritages.
Il a donc tellement passé par ce monde, qu'il ne
s'y est point amusé. Et aussi finalement Dieu a
monstre l'effet et l'exécution de ceste promesse, non
pas qu'il en ait rien veu sa vie durant : mais, comme
nous avons dit, son espérance s'est estendue plus
loin: et par consequent nous pouvons dire avec
l'Apostre, qu'il n'a point fait son nid en ce monde,
et qu'il n'y a pas eu son but. Car il pouvoit retourner
au pays d'où il estoit sorti, au pays de sa
naissance, assavoir, en Chaldee: mais il s'est retenu
là où il n'avoit nulle possession, là où il n'avoit ni
parens, ni amis. Ainsi donc nous voyons qu'il a
regardé plus haut qu'au monde. Or si cela a
[pag. 226] esté en luy du temps qu'il n'y avoit pas
une doctrine si claire à beaucoup près comme nous
l'avons auiourd'huy: quelle excuse y aura-il, quand
nostre Seigneur Iesus Christ est apparu une fois,
qu'il a conversé au monde, et puis est entré au
royaume celeste, et qu'il nous y a ouvert la porte,
et que par son Evangile incessamment il nous solicite
d'aspirer là haut? Si nous sommes, di-ie, tousiours
enveloppez en ces choses corruptibles, ne fautil
pas que ceste ingratitude-la soit par trop vilainie?
Ainsi donc, apprenons d'estre tellement logez en ce j
monde, que nous y iouissions des biens que Dieu j
nous y fait: mais cependant que nous protestions j
avec sainct Paul, que nostre demeure est au ciel !
vrayement, et que desia nous en sommes citoyens, \
encores que ce ne soit que par espérance. Et de
fait, il nous doit bien souvenir de ce qui est
dit en l'autre passage: que cependant que nous
sommes logez en ces corps mortels, il faut que
nous soyons comme eslongnez de Dieu. Et aussi
nous voyons bien que nous ne iouissons pas de sa
presence : veu que nostre vie spirituelle est cachée. Car
autrement nous en iouirions par effect, et n'y auroit
plus de foy: car ce qu'on espère (comme dit sainct
Paul) n'est point manifeste. Ainsi donc apprenons,
puis que Dieu par tous moyens tasche de nous
attirer à soy [pag. 227], de n'estre point si lasches
que chacun de nous se plonge en terre, et que
nous soyons comme fourrez au bourbier et en la
fange: mais que nous marchions tousiours, cognoissans
que ceste vie est un chemin pour aspirer plus
haut. Or c'est beaucoup que tout cela est recité
d'Abraham. Voila des vertus grandes et bien
louables, que quand Dieu luy donne repos, il ne
s'y endort point, quand il a permission et licence
du roy d'estre paisible en son pavillon, que toutesfois
il se cognoit- estrangier quand on luy est ami,
et que chacun est prest de s'accorder avec luy,
qu'il se sépare et aime mieux esmouvoir et enflammer
la rage de tous ses voisins alencontre de luy, que
de se conformer à leurs superstitions et idolatries,
mais qu'il veut faire hommage au Dieu vivant.
En tout cela (comme i'y dit) il y a des vertus
bien excellentes: mais Moyse adiouste un autre
sacrifice qui est bien plus grand, et plus exquis: