volumen xxiii. - Archive ouverte UNIGE
volumen xxiii. - Archive ouverte UNIGE
volumen xxiii. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
337 COMMENTARIÜS IN GENESIN. 338<br />
ductus quo volebat. Non ergo iactat secundam<br />
fortunam: sed Deum praedicat clementer et fideliter<br />
egisse cum Abraham: hoc est, misericordiae<br />
suae causa, veracem in promissis adimplendis fuisse.<br />
Transfertur quidem ad homines loquutio : sicuti<br />
paulo post vers. 49 in hoc eodem capite sequitur:<br />
Si facturi estis inisericordiam et veritatem cum domino<br />
meo Abraham, indicate mihi. Proprie tarnen in<br />
Deum competit, quod gratuito faveat hominibus,<br />
ideoque propensus sit ad beneficentiam : deinde,<br />
quod eorum spem nunquam frustrando, fidum se ac<br />
veracem praebet. Docet igitur haec gratiarum actio,<br />
semper ante oculos habendam esse Dei providentiam,<br />
ut illi tribuamus quidquid nobis prospère<br />
«uccedit.<br />
28. Nunciavit in domum matris. Fieri potest ut<br />
seorsum habitaverit mater Rebeccae: non quod divisant<br />
haberet familiam a marito: sed ut filias et<br />
ancillas sub custodia sua haberet. Simplicius etiam<br />
exponere licet, recta venisse in cubiculum matris,<br />
quia liberius illi quam patri rem gestam narrare<br />
poterat. Probabile autem est, quum uxorio relatu<br />
factus certior esset Bathuel, utriusque iussu missum<br />
fuisse filium Laban qui hospitem adduceret. Reliqua<br />
expositione non indigent.<br />
33. Non comedam donee. Incipit Moses ostendere<br />
qualiter addueti fuerint parentes Rebeccae ut earn<br />
nepoti suo darent in uxorem. Quod servus apposito<br />
eibo vesci récusât nisi re confeeta, in eo perspicitur<br />
sedulitas eius et fides: atque hoc inter bénéficia<br />
quibus Deus servum suum Abraham dignatus est<br />
merito censebitur, quod servum tarn fidelem et<br />
officio intentum habuerit. Caeterum quum sanetae<br />
diseiplinae haec fuerit merces, ne miremur paucissimos<br />
tales inveniri, quando tarn male passim reguntur.<br />
Porro tametsi videtur supervaeuum texere<br />
sermonem: nihil tarnen est quod non ad praesentem<br />
causam valeat. Sciebat huno affectum ingenitum<br />
esse parentibus a natura, ut non libenter filias<br />
suas proeul amandent. Primum igitur commémorât<br />
Abrahae divitias, ne dubitent viro locupleti filiam<br />
locare. Deinde exponit, Isaac genitum fuisse ex<br />
matre vetula: non tantum ut sciant insigni Dei<br />
miraculo fuisse patri donatum, unde coniieere licebat<br />
divinitus ad res magnas et praeelaras esse ordinatum<br />
: sed ut ab aetate accédât commendatio. Tertio<br />
affirmât, Isaac unicum fore patris haeredem. Quarto<br />
refert, se iureiurando adactum esse ut quaereret<br />
hero suo Isaac uxorem e cognatione sua. Hoc<br />
autem Studium Abrahae ad eos moveDdos valde<br />
efficax erat. Quinto, refert Abraham sperasse Deum<br />
fore itineris ducem, ut omnia illi sua negotia committebat.<br />
Sexto, in quam formam precatus sit<br />
Deum récitât. Septimo, testatur quidquid sua pre-<br />
•catione complexus erat, se a Domino impetrasse:<br />
ut appareat coniugium istud de quo acturus est,<br />
Calvini opera. Vol. XXIII.<br />
placere Deo. Nunc videmus narrationis finem esse,<br />
ut Rebeccae parentibus persuadeat neque fallendi<br />
causa se fuisse missum, nee se astute vel obliquis<br />
artibus quidquam egisse, sed in timoré Domini, ut<br />
postulat coniugii religio. Deinde nihil se petere<br />
quod non illis utile sit et honorificum, Denique,<br />
Deum fuisse totius rei moderatorem. Porro quod<br />
servus Abrahae angelum Dei sibi expeditionis ducem<br />
fore persuasus, neque preces ad illum convertit,<br />
neque gratiarum actionem: hinc discamus, angelos<br />
non ideo nobis constitui benedictionum Dei ministros<br />
ut a nobis inrocentur, vel Dei eultum in se transférant:<br />
quemadmodum haec superstitio fere in toto<br />
mundo grassatur, ut homines ab unico bonorum<br />
fonte ad rivulos partem fiduciae suae dérivent.<br />
Particulam illam : Deus in cuiu,s conspectu ambulavi,<br />
quam vis alii ad probitatem et bonam conscientiam<br />
Abrahae référant, ego potius de fiducia interpreter,<br />
quod scilicet Deum sibi proposuerit vitae gubernatorem,<br />
seque illi curae esse confisus, ab eius gratia<br />
pependerit.<br />
Si facitis misericordiam. Nuper dixi quid valéat<br />
haec loquutio, nempe humanitatem praestare, et<br />
bona fide agere. Ita modeste et suppliciter rogat<br />
ut in coniugium Isaac et Rebeccae consentiant. Si<br />
repulsam ab illis passus fuerit, iturum dicit se vel<br />
ad dextram vel ad sinistram, hoc est, alibi sibi<br />
prospecturum. Dextram enim et sinistram, reetae<br />
viae opponit qua deduetus ad ipsos fuerat. Futilis<br />
autem argutia quam adducunl quidam Hebraei, quod<br />
iturus sit ad Lot vel ad Ismael.<br />
50. A Iehova egressa est res. Quia ex hominis<br />
sermone persuasi sunt Deum huius esse coniugii<br />
autorem, negant sibi fas esse quidquam diseeptandi<br />
causa loqui. Dicunt autem a Domino rem egressam :<br />
quia voluntatem suam claris signis patefecerat. Hinc<br />
perspieimus, quamvis partim suffbeata esset vera<br />
religio, partim vitiosis erroribus infecta, nunquam<br />
tarnen ita penitus exstinetum fuisse Dei metum<br />
quin staret hoc axioma, et omnium animis infixum<br />
maneret, Deo parendum esse. Quod si miseri idololatrae,<br />
qui fere a pietate deseiverant, se Deo subiecerunt,<br />
quod ab eius nutu deflectere nefas esset:<br />
quanto nos ad obsequium promptiores esse convenit?<br />
Ergo simulac comperta nobis est Dei voluntas, non<br />
tantum sileant linguae, sed omnes sensus quiescant:<br />
quia sacrilega audacia est ullam cogitationem quae<br />
repugnet admittere.<br />
Adoravit. Iterum repetit Moses, servum Abrahae<br />
gratias egisse Deo: nee abs re hoc pietatis<br />
officium toties inculcat: quia quum nihil magis<br />
requirat a nobis Deus, plus quam foeda ignavia in<br />
hac parte se prodit. Agnitio beneficiorum Dei,<br />
sacrificium est optimi odoris: imo eultus omnibus<br />
sacrifieiis praestantior. Innumeris assidue benefieiis<br />
cumulantur homines a Deo. Ergo minime ferenda<br />
22