volumen xxiii. - Archive ouverte UNIGE

731 SERMONS. 732
mot: mais il a pris ceste vanterie frivole qui estoit
en la bouche de ces gaudisseurs qui vouloyent estre
tenus pour bons Chrestiens, et dit, vostre foy, c'est
à dire, celle que vous avez en la bouche, n'est rien.
Comme quand nous dirions auiourd'huy l'Eglise
catholique de laquelle les Papistes se vantent qu'est-ce?
C'est une paillarde. Car nous savons que la vraye
Eglise est l'espouse de nostre Seigneur Ie'sus Christ,
qui doit estre purgée et lavée de son sang pour
estre sans macule et sans ride, comme dit S. Paul,
après qu'elle doit estre la colomne de vérité: et au
lieu de tout cela, voila une caverne de brigands,
voila une paillarde qui a corrompu tout le service
de Dieu, et .laquelle n'engendre que des bastards :
nous, parlerons ainsi. Yoila donc l'estile de S. Iaq.
que nous ne devons point trouver estrange, veu
que ce nous est un langage commun. Or donc
voila en premier lieu quand il est dit que la foy
nous iustifie, nous ne parlons de la foy sinon en la
façon accostumee. Mais [pag. 198] quand sainct
laques dit que la foy sans oeuvres est morte, c'est
pour rembarrer ceux qui abusoyent de ce nom et
qui avoyent beau se vanter et se glorifier: mais
que ce n'estoit que mensonge. Or venons à la seconde
partie, quand S. laques dit que nous sommes
iustifiez par nos oeuvres: il semble encores que là
il répugne à S. Paul. Car il ne faut point que les
oeuvres se conioignent avec la foy, pour faire un
partage, comme nous avons dit: autrement nous
n'aurons nul repos si cela estoit. Il faut que toute
consideration de nos oeuvres soit exclue pour invoquer
Dieu en vraye confiance, pour nous tenir
ses enfans, et pour espérer l'héritage de la vie celeste
qui nous est promis, il faut que les oeuvres
cessent. Car si elles iustifient que sera-ce? Or ce
mot de iustifier ne se prend pas en S. Iaq. pour
estre approuvez devant Dieu, pour nous reconcilier
avec'luy, et pour faire qu'il nous reçoyve comme
ses enfans. Et comment donc? Comme luy mesme
le declaire sans autre exposition. Car il adiouste
qu'Abram a esté iustifie, quand il a immolé son
Fils Isaac. Or nous n'avons pas encores leu qu'il
l'ait immolé, c'est à dire, qu'il ait voulu faire sacrifice
à Dieu de son fils: et comment donc? ceste
obéissance, de laquelle il sera parlé ci après, a esté
la iustice • d'Abram, s'il estoit question d'approuver
ce qu'il a fait alors, veu [pag. 199] qu'il n'estoit pas
encores fait? Ainsi donc, il faut bien conclure que
sainct laques ne traite pas là comme nous sommes
agréables à Dieu: mais comme nous sommes ordonnez
iustes. Car si ie dis que le Fils a engendré
le Père quelle sotise seroit-ce? Or nous savons que
la foy est mere de Iustice, c'est à dire, que c'est le
moyen et l'instrument par lequel nous sommes reconciliez
à Dieu, et sommes avouez pour ses enfans.
Il faut donc que la foy precede la iustice: car elle
est la cause moyenne, la cause qu'on appelle instrumentale
ou formelle. Venons à l'obéissance
d'Abram, quand il est prest de sacrifier son -fils, si
cela est cause de la iustice d'Abram il faut qu'il
ait esté precedent. Car de dire que le blé qui
croistra d'ici à un an me nourrice auiourd'huy et
tout le long de l'année, quelle sottise seroit-ce? H
n'y a si petit enfant qui ne le voye. Or voila un
long temps qui s'escoule devant que Dieu ait commandé
à Abram, qu'il sacrifiât son Fils, et si estoit-il
iustifie desia au paravant. Nous voyons donc en
somme qu'il ne faut point cercher de glose hors le
texte de sainct laques. Mais il parle d'estre iustifie,
c'est à dire, d'estre declaire iuste. Car ces
gaudisseurs contre lesquels il combat, disoyent, Nous
sommes iustifiez par foy. Qu'avons-nous donc que
faire de nous employer au service de Dieu [pag. 200],
et d'estre en grand souci, veu que nos oeuvres ne
valent rien, et elles ne viendront point aussi bien
en conte pour l'advenir? Or premièrement ils pervertissent
tout en disant que les oeuvres ne vienent
point en conte: car elles y viendront avec la grace
de Dieu. Mais quand ils disent avec moquerie, que
de s'adonner à bonnes oeuvres cela ne sert de rien,
c'est autant comme s'ils deschiroyent Iesus Christ
par pieces. Car nous le recevons par foy, nous
sommes unis à luy à telle condition qu'il nous reconcilie
à Dieu son Père et qu'il abolisse nos fautes,
et quil nous régénère et nous gouverne par
son S. Esprit. Ces choses-la sont inseparables,
comme nous avons allégué de S. Paul. Puis qu'ainsi
est donc S. laques à bon droit a dit, comment serezvous
iustes sans les oeuvres? Car la foy, dit-il,
sans les oeuvres est morte. Et puis après vous ne
pouvez nullement estre iustifiez d'une autre façon
que vostre Père Abram, si vous estes fidèles. Or
Abram a esté iustifie tellement que les bonnes oeuvres
ont esté coniointes avec la foy. H faut donc
que vous monstrez le semblable ou vous estes des
moqueurs de Dieu, qui prophanez une chose si
saincte, et si sacrée comme est le nom de foy et
de iustice. Voila donc ce que sainct laques en ce
passage a entendu: mais ces canailles des Papistes ne
goustent [pag. 201] rien de tout cela. Et pourquoy?
Ce sont contempteurs de Dieu: ils parleront des
bonnes oeuvres à pleine bouche, il semble à les en
ouyr deviser, que ce soyent des Anges: et on voit
quels ils sont. Et pleut à Dieu qu'ils ne fussent
pas si desbordez en toute leur vie. Mais trouvera-on
ne moine ne docteur qui ne soyent des putiers, des
moqueurs de Dieu, gens dissolus, yvrongnes, blasphémateurs,
brief, il semble qu'ils ayent • conspiré
avec le diable de mettre tout le monde en confusion.
Et cependant ils prétendront leurs bonnes
oeuvres: et ne parleront d'autre chose. Et ainsi il
ne se faut point esbahir s'ils sont si aveuglez. Mais