volumen xxiii. - Archive ouverte UNIGE

771 SERMONS. 772
tagne, et arrengea le lois, et lia Isaac son fils, et le
mit sur le bois qui estoit sur l'autel. Et Abraham
levant sa main print le glaive pour tuer son fils.
L'Ange du Seigneur cria à luy du ciel, disant, Abraham,
Abraham. U respondit: Me voici. Et l'Ange
dit : Niesten point ta main sur l'enfant, .et ne luy fais
rien : car i'ay cognu que tu crains Dieu, d'autant que
tu n'as point espargné ton fils, ton unique à cause de
moy. Abraham levant les yeux regarda, et voici un
mouton qui estoit entortillé par les cornes. Abraham
donc alla, et prit le [pag. 280] mouton, et l'immola en
holocauste au lieu de son fils. Et Abraham nomma
le nom du lieu: Le Seigneur verra, selon aussi qu'il
est dit auiourd'huy: Le Seigneur a esté veu en la
montagne.
Nous commençasmes hier à declarer que non
seulement Abraham a donné signe de son obéissance
qu'il vouloit rendre à Dieu, quand il a esté
prest de tuer son fils: mais qu'Isaac s'accorde à
cela. Car il est certain qu'il neust point souffert
d'estre lié, quand il eust voulu résister. Il n'estoit
pas un petit enfant de sept ans, il a voit desia
force et vigueur. Son père donc ne l'eust pas lié
par force, sinon qu'il y eust consenti. Et en cela
nous voyons comme il a voulu ostre sacrifié. Mais
si est-ce qu'il n'a pas esté lié, qu'Abraham ne
cognust qu'il n'y advint en l'acte quelque chose
pour faire que le sacrifice eust esté rendu vain.
Voila donc d'un costé Isaac qui est lié, à fin que
Dieu soit obéi : et cependant si est-ce qu'il se renge
de son bon gré. Là dessus nous avons à noter
ce qui fut hier touché, c'est assavoir qu'il [pag. 281]
nous faut captiver nos affections pour nous dédier
à Dieu, et sur tout quand il est question de renoncer
à nous-mesmes, et à, nostre vie propre : suivant
ce qui fut allégué de sainct Pierre. Car quand
nostre Seigneur Iesus Christ luy disoit qu'il seroit
mené où il ne voudroit point, ce n'est pas qu'il
n'ait accepté la mort patiemment, et mesmes qu'il
n'y soit allé d'une affection franche, et qu'il n'ait
préféré de mourir pour le tesmoignage de l'Evangile
à toutes les vies du monde : mais c'est pource
qu'il n'estoit pas insensible, et qu'il y pouvoit avoir
selon la chair et selon son sens' naturel quelque
repugnance. Ainsi donc en premier lieu nous sommes
advertis de mortifier nos affections, à fin que
Dieu domine sur nous, et que rien ne nous empesche
que nous ne vivions et mourions à luy:
quand il luy plaira de nous retirer de ce monde,
que nous soyons tout prests de marcher: il faut,
di-ie, que cela se face avec combat. Car iamais
nous n'appeterons de partir ni desloger d'ici (comme
aussi sainct Paul en parle). Mais quand nous
aurons cognu que la gloire de Dieu est plus précieuse
beaucoup que nostre vie: et d'autre costé
que si ceste loge est abattue, qui n'est sinon que
de fueilles et matière caduque, que nous avons un
edifice au ciel qui est beaucoup meilleur: voila qui
nous fera [pag. 282] prendre la mort en gré, et
mesmes que nous venions devant Dieu la teste
levée, cognoissant que nous sortons comme d'une
prison: car ceste maudite captivité laquelle chacun
doit sentir en soy, iamais ne cessera iusques à
tant que Dieu nous ait despouillez de ceste chair
corruptible. Voila donc comme il nous faut ré­
sister à nos affections humaines, à fin de nous
laisser gouverner à Dieu, tellement qu'il soit Seigneur
et maistre de nostre vie. Or comme nous
avons à faire tels efforts, aussi d'autre costé ne
perdons point courage, combien qu'il y ait quelque
infirmité en nous, qui nous retiene. Et quand il
sera question de la mort, que nous serons effrayez,
que nous voudrions bien fléchir, ou reculer s'il
nous estoit possible: quand donc nous sentirons de
tels combats, ne pensons pas que Dieu n'accepte
nostre service, moyennant que nous mottions peine
à domter ce qui est de nostre chair: et que nous
facion8 tousiours ceste conclusion, combien que
nous soyons esbranlez de costé et d'autre, que nous
revenions tousiours là, Dieu m'a donné la vie: il
faut que ie la resigne entre ses mains: et puis il
veut que ie m'employe vivant et mourant à son service:
et si son nom est glorifié par ma mort,
qu'ainsi soit, et que iß passe par là. Si donc nous
pouvons gagner cela sur [pag. 283] nous, Dieu acceptera
le service que nous luy faisons comme valable,
encores qu'il nous falle ahanner et suer (par
manière de dire) d'autant qu'en nostre nature il y
aura tousiours quelque rebellion. Or là dessus il
est dit que l'Ange s'est escrié du ciel à Abraham,
et luy a deffendu d'attoucher à l'enfant. Et
pourquoy? I'ay cognu, dit-il, que tu m'aimes,
d'autant que tu n'as point espargné ton fils
unique à cause de moy. Ici Dieu declaire quand
il a commandé à Abraham de tuer son fils,
que ce n'a pas esté qu'il fust repugnant à
soy-me8me, veu qu'il luy avoit donné Isaac: qu'il
ne vouloit paB que sa promesse perist et fust abolie,
mais seulement qu'il a voulu esprouver sa foy.
Voici donc, le premier poinct que nous avons à
retenir, c'est que Dieu monstre ici son intention,
et à quelle fin il a voulu qu'Isaac luy fust offert
en sacrifice. Ce n'est pas que de faict il l'appellast
à la mort, mais il vouloit examiner la constance
d'Abraham : comme nous avons veu aussi au premier
verset de ce chapitre. Que Dieu a tenté Abraham
plus que iamais. Or ce point-ci nous est bien utile,
car c'estoit pour troubler et Abraham, et tout le
monde: de dire que Dieu se fust ainsi contrarié,
comme l'apparence y estoit. Et de fait, il a bien
fallu (comme nous avons monstre) qu'Abraham prist