volumen xxiii. - Archive ouverte UNIGE

665 SERMONS. 666
qu'il n'est rien de soy et ne peut rien: mais d'autant
que Dieu l'appelle à son service, qu'il l'invoque
aussi, et reclame son nom sur Abram. Nous voyons
donc que Iesus Christ a l'office de bénir, c'est à
dire, de nous rendre agréables à Dieu, d'effacer tout
le mal qui est en nous. Mais cela nous doit encores
conduire plus [pag. 62] haut, c'est à la charité
inestimable de Dieu le Père, qui n'a point espargné
son Fils unique, mais l'a livré à la mort pour nous.
Quand la cause principale de nostre salut nous est
monstrée, l'Escriture nous met en avant cest amour
de Dieu: Dieu donc a tant aimé le monde, qu'il
n'a point espargné son Fils unique. Yoila comme
nous sommes bénits par la vertu sacerdotale du
Fils de Dieu. Mais le Père cependant nous appelle
à soy, afin que nous luy facions hommage et recognoissance
d'un tel bien qu'il nous a voulu communiquer,
voire par ceste source. En somme, nous
voyons ici que tout le bien qu'il nous faut désirer
et espérer, procède de Dieu seul, et que c'est en
luy qu'il nous le faut chercher. Chacun souhaitera
d'estre à son aise, et d'avoir tout ce qu'il pense
luy estre propre. Voila un souhait que feront les
bons et les mauvais communément. Mais il y en
a bien peu qui cherchent leur bien en Dieu. Ils
veulent estre tous bien-heureux: mais ils mesprisent
celuy dont tout bien procède. Et c'est autant
comme si un homme avoit bien soif, et qu'il languit
inesmes, et qu'il n'en peut plus, et qu'on luy dit,
Yoila la fontaine, et cependant qu'il ne daignast
boire : il y aura et eau et vin, et il ne voudra point
approcher pour en prendre. Ainsi en est-il de ceux
qui désirent et appetent savoir tout ce qui leur
vient, en fantasie, et ce [pag. 63] qu'ils cognoissent
leur estre requis, et cependant ils mesprisent Dieu,
et ne veulent point approcher de luy. Apprenons
donc, toutes fois et quantes que nous avons à désirer
ou pour nos âmes, ou pour nos corps ce qui est
souhaitable, de commencer par ce bout, que Dieu
nous soit propice, et qu'il nous reçoyve tellement à
sa merci, que nous puissions avoir approche et
entrée à luy, et que nous puissions nous rassasier
de ses biens entant qu'il nous sera utile pour nostre
salut. Yoila donc ce que nous avons à observer
en ce qui est dit: qu'Abram soit bénit, voire au
Dieu Souverain. Apres cela Melchisedec adioute
benediction, de ce que Dieu avoit donné victoire à
nostre père Abram: Et bénit soit, dit-il, le Dieu
vivant qui a livré tes ennemis en ta main. Par ceci
nous sommes admonestez de conioindre tousiours
les louanges de Dieu avec les requestes et supplications
que nous luy ferons, comme aussi sainct
Paul nous le demonstre aux Philippiens, quand il
dit que nos désirs soyent cognus de Dieu, c'est à
dire que vous ne rongez pas, dit-il, vostre frain
comme font les incrédules quand ils voyent, Cela
me seroit bon et propre. Ils se plaignent. Mais
quoy? Ils ont leurs coeurs enserrez et ne se présentent
point à Dieu pour luy demander ce qu'il
leur faut. Pource ÜApostre dit [pag. 64] en ce
lieu-la, que vos requestes, vos pensées et désirs
soyent espandus devant Dieu: c'est à dire, quand
vous vous cognoissez desnuez de ceci et de cela,
cherchez le bien où il est, et là vous le pourrez
trouver, c'est assavoir en Dieu 1 : que vos prières,
supplications et actions de graces monstrent que
vous estes devant Dieu: et quand vous l'aurez prié,
comme i'ay dit, que les louanges soyent conioinctes
avec les requestes. Car si nous le prions en murmurant,
et avec quelque regret et mescontenteinent,
c'est blasphemer son sainct nom. Or est-il ainsi
que la prière luy doit estre un sacrifice de bonne
odeur: et nous venons luy faire iniure et outrage,
quand nous le voulons submettre et assuiettir à
nos appétits, ne nous contentans point de sa grace.
Yoila donc pourquoy nous devons bien estre admonestez,
toutes fois et quantes que nous prions
Dieu, de luy rendre aussi action de graces, de nous
remettre du tout à sa volonté, et luy faire recognoissance
de ses benefices: comme aussi au
Pseaume 50 il est dit: Invoque moy au iour de ta
nécessité: ie t'exauceray, et tu m'en rendras louange.
Yoila comme en fait ici Melchisedec quant à Abram.
Pour mieux comprendre ceci et familièrement,
notons que nos prières doyvent regarder le temps
passé et le temps advenir: le temps passé pour
faire recognoissance à Dieu des biens que nous
[pag. 65] avons desia receus de luy: et le temps
advenir, afin de luy demander qu'il continue et
persevere iusques en la fin, comme il a commencé.
Or ceci est bien à noter: car voici Abram qui estoit
eslevé en haut, establi père des fidèles: il avoit esté
bénit de Dieu quant à toutes vertus, il avoit un
esprit excellent en soy: et neantmoins Melchisedec
luy monstre qu'il faut qu'il soit tousiours augmenté
en grace iusques en la fin, et qu'il ait iournellement
son recours à Dieu. Car quand il le bénit, il'luy
donne quant et quant une leçon, laquelle il faut
qu'il garde et qu'il pratique tout le temps de sa
vie. Que si Abram a eu besoin d'invoquer Dieu
à tout iamais, quelques graces qu'il eust receuës et
quelque dignité qui fut en luy, toutesfois qu'il ait
falù que tousiours il se soit exercé en prières et
oraisonB : que sera-ce de nous qui sommes encores
bien loing de luy? Ainsi donc vous voyez pourquoy
i'ay dit qu'il faut que nos prières regardent le temps
advenir, puis que nous avons tousiours besoin d'estre
secourus de Dieu, qu'il ait pitié de nous, qu'il nous
recoure, et qu'il augmente de plus en plus ses
graces en nous. Et puis il faut qu'elles regardent
le temps passé quant aux louanges et action de
graces, c'est que nous protestions de tenir tout bien