volumen xxiii. - Archive ouverte UNIGE
volumen xxiii. - Archive ouverte UNIGE
volumen xxiii. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
119 COMMENTARIUS IN GENESIN. 120<br />
enim illi odiosa sit hominum impietas, quorsum attinet<br />
in animalia innoxia saevire? Sed quae in<br />
hominis gratiam oreata erant, et vivebant in eius<br />
usum, non mirum est cum eius interitu misceri.<br />
Nihil promeriti erant asini et boves, nihil reliqua<br />
animalia: sed quia homini subiecta erant, ipso cadente,<br />
in eandem simul ruinam trahuntur. Erat terra<br />
quasi locuples domus, omnigena supelleotilis copia et<br />
varietate bene instructa. Nunc quia homo et terrain<br />
ipsam inquinavit suis sceleribus, et omnes quibus<br />
referta erat divitias foede corrupit, illic quoque<br />
poenae monumentum exstare voluit Dominus : quemadmodum<br />
si iudex de homine maxime scelerato et<br />
nefario poenam sumpturus, maioris ignominiae causa,<br />
domum eius funditus dirui iubeat. Atque hoc<br />
totum ad incutiendum nobis peccati horrorem spectat:<br />
quanta enim sit eius atrocitas colligere promp*<br />
turn est, cuius ad brutas usque creaturas effunditur.<br />
8. Noah invenit gratiam in octdis Domini. Hebraica<br />
est phrasis, quae significat Deum illi propitium<br />
fuisse, et faventem. Sic enim loqui soient<br />
Hebraei: Si inveni gratiam in oculis tuis: pro eo<br />
quod est. Si tibi gratus sum, vel me dignaris benevolentia<br />
et favore. Quod ideo notandum est, quia<br />
futili argutia colligunt indocti quidam, si coram Deo<br />
gratiam inveniunt homines, sua igitur industria et<br />
meritis earn quaerere. Pateor quidem hio narrari<br />
gratum fuisse Noah Deo: quia probe et sancte vivons,<br />
purum se a communibus mundi inquinamentis<br />
servabat: sed unde talis illi integritas, nisi quia<br />
iam praeventus erat Dei gratia? Initium ergo favoris,<br />
gratuita misericordia fuit. Postea Dominus<br />
ilium semel complexus, sub manu sua continuit, ne<br />
cum reliquo mundo pessum iret.<br />
9. Istae sunt generationes Noah. Vox hebraica<br />
nnbin hoc proprie significat. Quanquam aliquando<br />
latius extenditur, nempe ad totam vitae historiam:<br />
atque hie videtur esse praesentis loci sensus. Nam<br />
quum praefatus esset Moses unum hominem repertum<br />
esse, quem Deus, perdere totum mundum instituons,<br />
servare vellet, breviter exponit qualis<br />
fuerit ille. Ac primo dicit fuisse iustum et integrum<br />
inter aetatis suae homines: nam aliud est<br />
hebraicum nomen "1H, quod saeculum, vel aetatem<br />
sonat. D^on, pro quo vetus interpres perfectum so-<br />
, let reddere, tantundem valet atque integer, vel<br />
sincerus: et duplici, vel fucato, ac vano opponitur.<br />
Nee temere simul haec duo connectit Moses. Mundus<br />
enim, ut semper ducitur externo splendore,<br />
iustitiam aestimat non ab affectu cordis, sed a nudi8<br />
operibus. Atqui si cupimus nos Deo probari<br />
et iusti coram ipso censeri, non manus tantum, et<br />
oculos, et pedes componere oportet in legis obsequium.<br />
Sed cordis integritas in primis requiritur, et<br />
in vera definitione iustitiae priorem locum tenet.<br />
Sciamus tarnen iustos vocari, et integros, non qui<br />
absoluti sint omni ex parte, et quibus nihil desit,<br />
sed qui rectitudinem pure et ex animo colunt.<br />
Scimus enim Deum non agere summo iure cum<br />
suis, ut ad perfectam legis normam eorum vitam<br />
exigat: nam modo ne in illis regnet hypocrisis, sed<br />
vigeat purum recti Studium, et eorum corda occupet,<br />
iustos pro sua indulgentia pronunciat. Particula:<br />
In suis generationibus, emphatica est. Iam enim<br />
saepius dixit, et möx iterum repetet, nihil fuisse<br />
corruptius illo saeculo. Itaque mirabile fuit constantiae<br />
exemplum, quod undique scelerum foetore<br />
circumdatus, contagionem inde nullam contraxit.<br />
Scimus quanta sit vis consuetudinis, ut nihil difficiliu8<br />
sit quam sancte versari inter impios, nee<br />
malis eorum exemplis abduci. Vix centesimus<br />
quisque est qui non in ore habeat diabolicum illud<br />
proverbium, Ululandum esse inter lupos: et maior<br />
pars legem sibi ex communi usu statuons licitum<br />
esse iudicat quidquid vulgo receptum est. Oaeterum<br />
ut hie laudatur singularis virtus Noah, ita meminerimus<br />
nobis praescribi quid agendum-.sit, toto mundo<br />
in perniciem suam ruente. Si hodie adeo vitiati<br />
sunt hominum mores, et tota vitae ratio tarn<br />
confusa, ut rarissima sit probitas : magis foeda et<br />
horribilis fuit confusio tempore Noah, ut ne unum<br />
quidem haberet in Dei cultu et recti studio socium.<br />
Si potuit ille contra totius mundi corruptelas et<br />
tarn densos ac violentos iniquitatis impetus eniti:<br />
nulla nos manet excusatio, nisi eadem animi fortitudine<br />
per innumera vitiorum obstacula rectum cursum<br />
prosequimur. Nee a verisimilitudine abhorret,<br />
aetates dixisse Mosen plurali numéro, quo melius<br />
exprimeret quam strenuus et invictus athleta fuerit<br />
Noah, quern tot saecula non mutarunt. Ad haec<br />
quern tenuerit colendae iustitiae modum exponitur<br />
in contextu, nempe quod ambulaverit cum Deo:<br />
quam virtutem etiam in sancto patre Enoch laudavit<br />
proximo capite, ubi diximus quid hoc valeret. Quum<br />
tanta esset morum corruptio in terra, si hominum<br />
respectum habuisset Noah, abreptus esset in profundum<br />
labyrinthum. Unicum ergo remedium videt,<br />
si posthabitis hominibus, sensus omnes suos ad<br />
Deum colligat, et eum sibi constituât vitae arbitrum.<br />
Unde apparet quam stulte clamitent papistae, sequendos<br />
esse patres: quum diserte spiritus ab hominum<br />
imitatione revocet, nisi quatenus ad Deum<br />
nos ducunt. Quod iterum très eius alios nominat<br />
Moses, hue respicit ut sciamus, ut maxima tristitia,<br />
qua fere consumi potuit, datum tarnen illi fuisse<br />
animum gignendae sobolis, ut Deus sepositum aliquod<br />
haberet exiguum semen.<br />
11. Et corrwpta erat terra coram Deo. Priore<br />
membro désignât Moses impium Dei contemptum,<br />
quod nulla amplius religio fuerit in mundo: sed<br />
exstincta iustitiae luce, omnes ad peoeandum proieoti<br />
\