volumen xxiii. - Archive ouverte UNIGE

709 SERMONS. 710>
quelque gloire. Or ceste malheurté-la (dit S. Paul)
monstre qu'il faut que nous venions tous nuds devant
Dieu et vuides, à fin que nous soyons enrichis
de sa pure et gratuite bonté. Au reste quand
il parle des oeuvres de la Loy, c'est pource que
s'il y avoit quelque mérite, ce seroit à cause de la
paction que nous avons desia alléguée, Qui fera
ces choses, il vivra en icelles. Prenons le cas qu'il
n'y eust jamais nulle Loy publique : tant y a que
pour cela les hommes ne seront point plus agréables
à Dieu. Et de son costé il ne nous peut
rien devoir: car il est dit que quand nous aurons
fait tout ce qui nous est commandé encores faudroitil
confesser que nous sommes serviteurs inutiles.
Et pourquoy? Sommes-nous en nostre liberté?
T a-il rien en nous qui nous appartiene et qui
nous soit propre? Ainsi donc encores ne pouvonsnous
alléguer aucun mérite, quand nous aurions
[pag. 152] accompli la Loy en perfection. Et dont
est-ce donc que despend la confiance que les
hommes prenent en toutes leurs oeuvres? De ceste
promesse, Qui fera ces choses il vivra en icelles.
Car Dieu s'est là obligé de son bon gré, combien
qu'il n'y fust point tenu par raison. Ainsi donc
quand sainct Paul parle des oeuvres de la Loy, il
monstre, combien que Dieu ait promis à ceux qu'il
a promis, que tous ceux qui accompliront tout ce
qu'il a commandé en la iustice de Loy, qu'ils seront
reputez iustes, et qu'ils auront la vie éternelle: toutesfois
les oeuvres de la Loy ne peuvent rien faire.
Et pourquoy? d'autant qu'elles nous laissent tousiours
en condamnation: car nous ne cessons de
l'offenser, et celuy qui sera le plus iuste, ne pourra
pas toutesfois s'aquitter de la centiesme partie. Et
qui sera-ce donc sinon que nous baissions tous la
teste, et que nous venions nous iecter tous aux
pieds de nostre iuge pour luy demander pardon? ainsi
qu'il sera déduit plus au long. Or revenons a ce
passage qui depend de ce que i'ay desia touché,
c'est que Iesus Christ nous est proposé et mis en
avant pour nous iustifier de toutes les choses dont
la Loy de Moyse ne nous a peu iustifier. Car il
sembleroit bien que tant aux ceremonies qu'à tout
le reste de la Loy, les hommes eussent quelque aide
pour se faire valoir devant [pag. 153] Dieu, et luy
estre agréables: car s'ils avoyent failli, les Sacrifices
estoyent remèdes propres, ils avoyent l'aspersion
du sang pour se nettoyer, ils avoyent aussi les lavemens
qui servoyent de satisfaction envers Dieu,
et puis tant d'autres promesses. Il sembloit donc
que ce fust pour estre approuvez de Dieu: rien,
mais au contraire il a fallu que Iesus Christ soit
venu pour nous iustifier des choses dont la Loy ne
nous pouvoit iustifier. Et qu'est-ce à dire nous iustifier
des choses? C'est à dire nous en absoudre.
Nous voyons par ce passage-la ce que i'avoy'dit au
paravant, c'est que la iustice dont Moyse parle ici,
n'est pas une chose qui reside en nos personnes,
mais la remission gratuite de Dieu, quand il nous
est propice et favorable, et qu'il nous aime, combien
que nous n'en soyons pas dignes: car ce qui est ici
declairé par Moyse ne se trouvera pas en tous hommes,
mais en Iesus Christ nous trouverons dequoy
estre iustifiez. Et comment? C'est que le diable
nous accuse et que Dieu soit 'prest à nous iuger
et condamner: voila nostre Seigneur Iesus Christ
qui respond pour nous comme nostre pleige. Voila
son obéissance qui nous sert de manteau pour couvrir
toutes nos rebellions et iniquitez. Il a satisfait
pour nous, et nous a acquitez de toutes nos debtes
par le mérite de sa [pag. 154] mort, et puis il
a espandu son sang pour nostre lavement: brief,
nous trouvons en la personne du Fils de Dieu tout
ce qui est requis pour nous rendre agréables, d'autant
que nos péchez ne nous sont plus imputez.
Voila donc en somme ce que nous avons encores
à retenir sur ce passage. Or il reste de passer plus
outre, c'est assavoir, quand Dieu nous a ainsi receus
à merci pour un coup, comment il continue
à nous tenir et avouer pour iustes tout le temps
de nostre vie, et en la mort mesmes:. car c'est le
principal où il nous faut venir, toutesfois cela ne se
pourra pas traitter maintenant. Il suffira donc à
fin que les choses soyent bien retenues, d'avoir cognu
quelle ouverture il nous faut avoir pour estre participai
du salut. éternel qui nous a esté apporté
par le Fils de Dieu, c'est que nous sachions combien
nostre condition est miserable, et que ce ne
soit point pour le confesser de bouche, et pour en
avoir quelque imagination volage; mais que nous
soyons navrez d'une telle tristesse que nous soyons
confus devant Dieu iusques à nous hair et nous
despiter contre nous mesmes. Quand nous serons
ainsi nos iuges, voila comme nous serons absouts
de Dieu. Quand nous serons ainsi morts en nousmesmes,
voila comme nous trouverons nostre vie en
Iesus Christ. Car il ne [pag. 155] suffit point que
nous cognoissions que nous sommes povres malades,
et que nous sommes povres et indigens: mais il
faut que nous soyons morts du tout, à fin que nous
soyons vivifiez parla seule grace de nostre Seigneur
Iesus Christ. Et sur cela que* nous venions à ceste
humilité que l'Esçriture requiert de nous, qui est
pour rendre à Dieu l'honneur qui luy appartient.
Ce n'est point sans cause que David dit que le Sacrifice
que Dieu demande, est un coeur humble et
abatu: car autrement nous ne pouvons avoir accez
à luy, iusques à ce que nous soyons pleinement
anéantis. Ainsi donc il faut qu'il y ait une telle
affection que nous soyons angoissez en nos destresses,
et alors nous confesserons à bon escient que nous
ne sommes point iustes. Alors aussi nous serons
45*