volumen xxiii. - Archive ouverte UNIGE

725 ßERMONS. 72£
qu'elle défaut, en cela elleiustifie. Gomment, d'autant
qu'elle défaut? Ouy bien: car comme i'ay dit,
il n'est point question qu'elle face rien, qu'elle ait
quelque vigueur de soy-mesme, mais elle reçoit
simplement ce qui est donné de Dieu. Ainsi donc
quand il n'y auroit qu'une petite portion de foy
comme une estincelle [pag. 185] par manière de dire,
moyennant que nous prenions ceste conclusion,
que nous n'ayons nulle vie sinon en Iesus Christ,
et qu'il en a la plenitude en soy, de laquelle nous
pouvons puiser et estre rassasiez, il est certain qu'il
suffit. Ainsi donc, que nous apprenions de tellement
croire à nostre Seigneur Iesus Christ, que
quand nous aurons des doutes en nous, toutesfois
ne laissions pas de nous remettre à sa miséricorde
laquelle ne nous peut faillir, et d'y avoir tousiours
nostre refuge, sachans bien qu'il y a perfection de
iustice en luy, et qu'elle y est telle que nous en
serons faits participans, voire quand nous aurons
seulement une petite goûte de foy, comme S. Paul
dit au huitième chap, des Rom. qu'encores que
nous soyons environnez, voire et chargez de ceste
masse de corruption et de péché qui est en nous,
laquelle ne tend qu'à mort, moyennant que Iesus
Christ soit en nous, voila la vie, c'est à dire, que
ce qui est de reste de l'infirmité et de corruption
de nostre chair et autres choses qui pourroyent
empescher nostre salut, le tout sera aboli par
l'Esprit de nostre Seigneur Iesus Christ: que si
nous en avons seulement quelque petite portion, il
ne laissera pas de nous estre pleine vie.
PRIERE.
Or nous-nous prosternerons devant la maiesté
de nostre bon Dieu, en cognoissance de [pag. 186]
nos fautes, le priant qu'il luy plaise nous faire
sentir la vertu qu'il a mise en son Fils unique, et
que ce soit pour nous attirer tellement à soy, que
nous y adhérions du tout. Et que nous apprenions
de nous recueillir sous la fiance qu'il nous en donne,
que nous bataillions contre toute infirmité, et cependant
aussi que toute presumption et tout orgueil
soit abatu en nous, et qu'il ne reste sinon de confesser
comme il est iuste, qu'ainsi il luy apartient
d'espendre sa iustice sur nous, à fin de nous faire
iouir du fruict qui en procède, c'est assavoir, de
l'héritage de la vie celeste. Que non seulement etc.
La Pin.
QUATRIEME SERMON
DE LA IUSTIFICATION,
Genese Chap. 15.
6. Äbram creut à Dieu, et luy reputa cela à
iustice. 7. Et luy dit, ie suis VEternel qui t'ay tiré
d'TJr de Chaldee pour te donner ceste terre, à fin que
tu la possèdes en heritage.
[pag. 187] Nous dismes hier que Dieu ayant
receu les fidèles en sa grace recognoit aussi en
eux ce qu'il y met. Car par la foy nous recevons
le S. Esprit, d'autant que Iesus Christ n'en peut
estre séparé. Il faut donc que nous soyons renouveliez
en croyant à Dieu, car nous appréhendons
sa vertu, laquelle il nous offre de nous communiquer
en son Fils. Or Dieu ne peut pas mespriser
ou reietter ses dons: il faut donc qu'il accepte les
oeuvres qu'il nous a données, non point qu'elles en
soyent dignes, comme il a desia esté exposé: il y
a tousiours quelque vice pour les corrompre, tellement
qu'elles ne seroyent dignes d'estre mises ni en
conte ni en recepte. Et quand Dieu réprouverait
tout ce bien que nous pensons et voulons faire,
nous ne pourrions pas l'accuser de cruauté. Et
pourquoy? Il y a tousiours à redire: mais tant y
a qu'il ne laisse point encores d'accepter ce qui
n'en est point digne, voire d'autant qu'il nous recognoit
pour ses enfans, et nous supporte ainsi qu'il
le dit par son Prophète. Si donc nous demandons
la cause pourquoy Dieu approuve l'affection que
nous avons de le servir, combien qu'elle soit debile :
c'est pource qu'il nous espargne, et qu'il ne veut
point nous avoir ataché, comme gens mercenaires
[pag. 188], gens à loago, mais il se contente de
voir que nous avons une affection franche et liberale,
ainsi qu'un père ne requerra autre chose à son
enfant. Car encores que l'enfant ait gaste la besongne,
tant y a que le père ne laissera pas de se
resiouir quand il voit que vrayement il a voulu
bien faire. Ainsi !nostre Seigneur nous portant
une amour paternelle, oublie tout le mal qui est
en nos oeuvres, et ne le veut point attirer à conte.
Yoila, di-ie, en somme comme outre nos personnes
nous sommes aussi iustifiez en ce que nous faisons,
c'est à dire, Dieu nous tient pour iustes, et nos
oeuvres pareillement. Et voila d'où procède ce
mot de Salaire dont il est tant souvent parlé en
l'Escriture: car non seulement en la Loy, mais
aussi en l'Evangile Dieu declare que ceux qui le
serviront fidèlement ne perdront point leur peine,
et qu'ils ne seront point frustrez de leur attente.
Et pourquoy? Ils ont leur loyer certain qui leur
est réservé au ciel. Et comment cela se peut-il
accorder avec ce que nous avons traitté? C'est que
si nous estions reputez iustes par nos oeuvres, que
la foy seroit anéantie et les promesses seroyent
abolies, comme S. Paul en parle. Or il y aura
bon accord quand l'un dépendra de l'autre. Et si
nous voulons mettre en balance nos oeuvres d'un
costé, et la grace de Dieu à l'opposite, il est certain
qu'il y aura là contrariété [pag. 189]. Mais
46*