volumen xxiii. - Archive ouverte UNIGE
volumen xxiii. - Archive ouverte UNIGE
volumen xxiii. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
271 UOMMENTARIUS IN GENESIN. 272<br />
se autem numéro longe praestare. Deinde longa<br />
succeSsione superbiunt: ideoque ferendum non esse<br />
clamitant ut a novis hominibus arguantur. Verum<br />
quamlibet contumaciter luctentur impii, ne se ration!<br />
subiiciant, sciamus nonnisi in suam ruinatn efferri.<br />
10. Et miserunt viri manum suam. Iterum viros<br />
nominat Moses, non qui fuerint, sed quales visi<br />
fuerint, significans: etsi enim coelestem suam virtutem<br />
exserere incipiunt, nondum tarnen declarant<br />
se angelos esse divinitus e coelo missos. Hic autem<br />
docet Moses, Dominum, quam vis ad tempus dissimulât<br />
dum in discrimine fidèles versantur, nunquam<br />
tarnen ipsos deserere quin manum in ipso, (quod<br />
aiunt) articulo porrigat. Ita in servando Lot auxilium<br />
suum distulit, donec ad extrema ventum foret.<br />
Quietis ergo animis locum demus eius proyidentiae:<br />
quod vocationis nostrae proprium est, quodque<br />
ipse mandat, intrépide sequamur: quam vis nos<br />
periclitari sinat, tarnen ostendet se nunquam fuisse<br />
nostri oblitum. Yidemus enim, quia domum suam<br />
tegendis hospitibus Lot clauserat, vices illi rependi,<br />
quum angeli non modo aperta rursus ianua eum<br />
ad se recipiunt, sed oppositis divinae potentiae repagulis<br />
impios ab accessu prohibent. Nec vero (ut<br />
nuper attigi) humanuni modo officium illi praestant,<br />
sed armati Dei virtute ad ferendam illi opem<br />
accedunt. Quod dicit Moses percussos fuisse homines<br />
caecitate, non sic accipias, quasi oculis privati<br />
vel capti fuerint: sed ita hebetatos esse eorum Visus<br />
ut nihil discernèrent. Illustrius autem fuit hoc<br />
miraculum quam si eruti prorsus illis vel confixi<br />
fuissent oculi: quia apertis oculis non secus ac caeci<br />
palpant, videndoque non vident. Simul exprimere<br />
voluit Moses quam ferrea fuerit illorum obstinatio:<br />
ianuam Lot non inveniunt: sequitur in ea quaerenda<br />
laborasse: atqui hoc modo furiose cum Deo<br />
bellum gerunt. Caeterum non semel hoc nec sölis<br />
Sodomitis accidit: sed in reprobis quotidie impletur,<br />
quos Satan fascinât tanta amentia, ut forti Dei<br />
manu percussi stupida contumacia contra ire pergant.<br />
Atque huius rei ne longius petamus exem^plum,<br />
videmus quam tremendis poenis ultus sit<br />
Deus vagas libidines: nec tarnen mundus in certam<br />
perniciem quae ante oculos ingeritur, praefracta audacia<br />
ruere desinit.<br />
12. Habes hie quempiam. Tandem quorsum venerint<br />
et quidnam facturi sint angeli denunciant.<br />
Tanta enim erat prostremi actus indignitas, ut Lot<br />
sentire iam deberet tolerabilem Deo non esse populum<br />
illum. Primo autem dieunt se venisse ad perdendam<br />
urbem: quia multiplicatus fuerit clamor.<br />
Quibus verbis significant non uno tantum scelere<br />
provocatum esse Deum: sed postquam diu illis pepercerit,<br />
nunc, tandem immensa scelerum congerie<br />
prope coactum ad sumendas poenas descendere. Sic<br />
enim habendum est, quo plura peeçata accumulant ho<br />
mines, eo altius surgere eorum malitiam, et propius<br />
ad Deum aepedere, ut vindietam exposcat. Quare<br />
sicuti angeli Deum hactenus fuisse longanimem<br />
multaeque tolerantiae testantur: ita rursus significant<br />
qualis eos omnes exitus maneat qui congesta<br />
scelerum mole, quasi gigantum instar coelum oppugnaturi,<br />
maiori in dies audacia se efferunt. Excidii<br />
vero causam non tantum ideo memorant ut<br />
Lot iu8titiae et aequitatis laudem Deo tribuat, sed.<br />
ut metu perculsus ad migrationem magis festinet.<br />
Nam (quae carnis nostrae ignavia est) lente et frigide<br />
ad effugiendum Dei iudicium accingimur, nisi serio<br />
eius terroreincitati: ita Noah diluvii metu territus, ad<br />
fabricandam arcam Studium suum applieuit. Interea<br />
angeli in spem erigunt saneti viri animum, ne trepidet,<br />
vel formidine ooeupatus, et saluti suae diffidens,<br />
tardior sit ad exitum. Neque enim eum modo<br />
salvum fore promittunt, sed ultro illi condonant<br />
suorum vitam. Dubitandum vero illi de sua vita<br />
non fuit quum, instar auctarii, alios quoque gratis<br />
sibi concedi videret. Quaeritur tarnen cur suam<br />
gratiam offerre Deus voluerit ingratis hominibus, a<br />
quibus repudiatum iri noverat. Eadem de evangeHi<br />
praedicatione moveri potest quaestio: neque enim<br />
ignorât Deus paucos fore salutis compotes, quam<br />
promiscue omnibus offerri iubet: sed ita magis<br />
inexcusabiles redduntur increduli, quum salutis<br />
nuncium respuunt. Ideo autem praecipue iubetur<br />
Lot spem liberationis suis déferre, quo maiore<br />
fiducia Dei gratiam amplexus, strenue citoque se<br />
ad disce8sum accingat, de salute sua non dubitans.<br />
Probabiliter autem colligitur ex hoc loco, nulïos illi<br />
in urbe fuisse tunc filios: nam hortatu angelorum<br />
saltern conatus esset eos extrahere. Prius legimus<br />
amplam illi fuisse et numerosam servorum manum:<br />
sed hic quoniam libera tantum capita censentur,<br />
nulla fit eorum mentio : probabile tarnen est aliquos<br />
fuisse cum eo egressos, qui annonam et aliquid supellectilis<br />
attulerint. Unde enim filiabus vinum in<br />
monte deserto, quod patri suo porrigerent, nisi quaedam<br />
asinis, vel camelis, vel plaustris advecta essent,<br />
de quibus Moses nihil meminit? Fieri tarnen potest<br />
ut in magna ttirba multi cum Sodomitis perire maluerint,<br />
quam ad quaerendam salutem domino suo<br />
socii esse et comités. Sed haec quae spiritus Dei<br />
non patefegit, in medio relinquere praestat.<br />
13. Misit nos Dominus ut perdamus. Docet hie<br />
locus, angelos tarn irae Dei quam gratiae esse ministres.<br />
Nec obstat quod alibi proprie Sanctis angelis<br />
tribuitur hoc posterius: sicuti quum dicit<br />
apostolus ordinatos esse in eorum salutem quos Deus<br />
in filios adoptavit (Heb. 1, 14). Et scriptura<br />
passim testatur mandari illis piorum custodiam<br />
(Psal. 91, 11), contra vero pronunciat Deum, sua<br />
iudicia per angelos reprobos exsequi (Psal. 77, 49).<br />
Tenendum enim est iisdem iudiciis Deum praeficere