volumen xxiii. - Archive ouverte UNIGE

761 SEKMONS. 762
si enorme et si detestable que rien plus, et
neantmoins qu'il n'a point désisté. Aprenons
à son exemple, que quand en servant à Dieu nous
serons blasmez du monde, qu'on nous crachera au
visage, et que nous serons condamnez au lieu
d'e8tre prisez, que nous ne laissions pas pourtant
[pag. 258] de tou8iours passer outre. Car si nous
n'avons une telle constance, il est certain que nous
servirons à nostre ambition, et recevrons nostre
salaire comme dit nostre Seigneur Iesus Christ.
Quand les hommes nous auront applaudi, et qu'on
aura trouvé bon tout ce que nous aurons fait, et
que nous serons bien aises d'estre ici louez: n'attendons
rien au ciel, car desia nous avons trop regardé
au monde: mais quand nous pourrons estre patiens
iusques là, que si les hommes tournent en mal ce
que nous faisons pour obéir à Dieu neantmoins que
cela n'empesche pas nostre course, et ne la retarde.
Yoila comme nous monstrerons en vérité que c'est
Dieu, auquel nous taschons de nous approuver.
Brief, si nous ne mesprisons tous iugemens
humains, et que nous portions patiemment tous
les opprobres et ignominies et blasmes qu'on nous
pourroit faire, il est certain que nostre foy ne se
declaire pas comme il appartient. Et voila aussi
pourquoy sainct Paul nous exhorte par son
exemple, de cheminer par infamie comme par bonne
renommée, et de bien faire pour mal ouyr: c'est à
dire, que quand nous aurons eu une intention
droicte, et que Dieu nous sera tesmoin que nous
avons désiré de nous conformer à sa volonté: si
les hommes detractent de nous, s'ils [pag. 259] nous
chargent mesmes de crimes faussement imposez,
contentons-nous que Dieu nous accepte et nous
approuve. Or nous avons auiourd'huy besoin de
ceste doctrine autant que iamais: car en general si
nous faisons profession de Chrestienté, il faut que
nous soyons estimez comme hérétiques, comme de
chiens: et que le monde estime que nous ne cerchon8
que troubles, que nous sommes rebelles, que
nous avons quitté Dieu, que nous sommes, brief,
pires qu'apostats. Voila comme les Papistes parlent
auiourd'huy de nous. Or si nous sommes si
délicats, et que nous ayons les oreilles si chatouilleuses,
comme beaucoup qu'on void qui se voudront
retenir en leur bonne reputation, il est certain qu'il
nous faudra là tout plaquer, et Dieu sera comme
abandonné. Ainsi donc, tant plus nous faut-il bien
méditer ceste doctrine, c'est assavoir, qu'il ne nous
chaille en quelle reputation nous soyons devant les
hommes, moyennant que Dieu nous approuve. Or
il y a aussi en particulier, si un homme chemine
en simplicité, l'un se moquera de luy, l'autre l'appellera
hypocrite, et l'autre dira qu'il fait tout pour
son profit. Et voila comme le diable par telles
astuces tasche de nous desbaucher. Il faut donc
que nous apprenions d'avoir tous nos sens tellement
retenus à Dieu, que quand [pag. 260] les
hommes nous blasmeront iniustement nous ne
soyons point destournez pourtant pour fléchir:
mais que nous regardions tousiours le chemin qui
nous est proposé. Voila aussi que nous avons à
recueillir, quelle vertu il y a eu en la foy d'Abraham,
quand il a esté ainsi rassis, qu'il a prémédité
les choses comme s'il eust esté à son aise. Si
nous avons quelque passion, encores que nous
vueillons bien faire, si est-ce que nous vaguerons
souvent, et tellement eslourdis que nous ne saurons
par où il nous faudra commencer ne quel
ordre nous avons à tenir. Nous le voyons en ceux
qui sont les plus magnanimes, qu'encores en perplexitez
ils n'iront pas si posément qu'il seroit
requis. Or il falloit bien qu'Abraham eust un
esprit aresté au milieu de toutes les fantasies qui
luy venoyent au devant, qu'il pensoit, Voici mes
serviteurs qui me pourront empescher en cest acte,
car ils estimeront que ie soye transporté de mon
sens: il faudra au lieu de lier mon fils que ie soye
lié, et qu'ils me ramènent maugré que l'en aye en
la maison, et que ie soye là tenu comme une beste
sauvage, et comme si Dieu m'avoit condamné du
tout. Abraham prevoid toutes ces choses. Ainsi
nous pouvons iuger par là, qu'au milieu de ces
ténèbres il a esté esclairé de l'Esprit de Dieu, tellement
qu'il [pag. 261] a eu tousiours et conseil et
discretion selon qu'il en estoit de besoin. Or par
son exemple nous sommes advertis, quand nous
aurons des passions grandes qui nous pourroyent
e8tonner, en sorte que nous ne saurions de quel
costé nous tourner, que nous prions Dieu qu'il luy
plaise de nous addresser: et s'il y a des confusions
quant à nostre sens naturel, que la clarté de la foy
qui nous est donnée surmonte tellement que nous
sachions quel chemin nous avons à tenir. Or là
dessus Moyse recite, que Dieu a encores envoyé
une torture plus aspre à son serviteur Abraham
que les autres. Car quand il marche avec son fils
Isaac, il luy dit, Mon père. N'estimons pas que
ceci soit eschappé de la bouche d'Isaac de cas
d'aventure: mais Dieu a voulu ainsi gehenner la
foy d'Abraham, comme s'il luy transperçoit le coeur.
Il n'y a rien qui pust apporter une telle angoisse
à Abraham que ce mot qui est tant amiable, de
dire, Mon père. Voila donc comme un glaive qui
est pour navrer mortellement Abraham: et le tout
(comme i'ay dit) vient du conseil de Dieu, lequel
nous a ici voulu donner un patron, et un miroir
de telle constance, que quand nous aurons à
batailler contre toutes les tentations du monde,
nous sachions qu'à grand'peine en aurons-nous la
centième [pag. 262] partie de ce que nostre père a
enduré et qu'il a surmonté. Abraham luy respond: