volumen xxiii. - Archive ouverte UNIGE

749 SERMONS. 750
estre prisé et magnifié : mais c'est à fin que nous
apprenions de n'estre point trop délicats. Et quand
il plaira à Dieu de nous [pag. 232] excercer en
quelque sorte que ce soit, que nous soyons traittables
pour nous laisser mener à luy: que nous ayons nos
sens tellement domtez, toutes nos affections tellement
amorties que Dieu seul ait la maistrise, qu'il domine,
et qu'il cheuisse de nous, comme il luy plaist.
Voila, di-ie, ce que nous ayons à retenir. Et ainsi,
quand nous avons à endurer quelque tentation, que
nous aurons soustenu quelque combat, si Dieu puis
après nous espreuve, que nous ne trouvions pas
cela nouveau. Car nous ne le servons point à
ceste condition, qu'après qu'il nous aura traittez
rudement un iour ou un an, nous soyons quittes,
et que nous puissions demander congé: mais au
contraire que nous soyons endurcis par ce que Dieu
continue à nous envoyer de telles espreuves pour
examiner nostre foy: que cela, di-ie, soit pour nous
acquérir habitude: comme nous voyons qu'un vieil
soldat pourra endurer beaucoup mieux que celuy
qui ne fait que commencer. Quand il y aura
quelque novice, il ne sait encores que c'est: il luy
faschera de veiller la nuict, d'endurer froid et
chaud, de soustenir la bataille, d'estre tousiours au
guet: mais celuy qui y sera accoustumé de long
temps sera beaucoup plus robuste. Ainsi faut-il
que quand nostre Seigneur nous a exercez en une
sorte et en l'autre, nous soyons [pag. 233] prests de
tant mieux continuer. Et encores qu'il nous semble
que Dieu nous soit bien rude et aspre, s'il redouble
les coups par manière de dire, et qu'il faille que
nous soyons pressez iusques au bout, et à l'extrémité,
qu'encores nous ne trouvions pas cela estrange.
Et pourquoy? Nous en voyons le patron en
nostre père Abraham, auquel il nous faut estre
configurez. Quant à ce mot de Tenter, nous
savons ce qu'il emporte quand il est attribué à Dieu :
ce n'est pas qu'il nous tente pour nous induire à
mal, car nous y sommes par trop enclins : et comme
dit S. laques, chacun est tenté par sa propre concupiscence.
H ne faut pas que nous cerchions la
cause de tous ces vices ailleurs, car nous en avons
la racine, voire d'héritage et du ventre de nostre
mere. Dieu donc ne nous tente pas en ceste façon-la
pour dire qu'il soit coulpable, et que nous luy puissions
imputer le mal que nous commettons, comme
s'il en estoit autheur: car comme i'ay dit, nous en
trouverons la source en nous, mais Dieu tente les
siens pour les sonder. Ce mot emporte donc Examiner,
Esprouver: non pas qu'il ait besoin de s'enquérir
pour savoir ce qui est en nous, car nous savons
qu'il est appelé luge des coeurs, et que rien
ne luy est incognu, et. que toutes les pensées des
hommes sont descouvertes devant luy. Nous [pag.
234] avons beau nous colorer, nous avons beau nous
déguiser, et contrefaire en ces feintises: il faut que
tout soit clair et patent devant Dieu. Les livres
ne sont pas encores ouverts: mais tant y a que
Dieu cognoit et iuge ce qu'il manifestera au dernier
iour. Il n'a pas donc besoin qu'il nous sonde et
espreuve, car il sait ce qui est en nous: mais ceci
se rapporte à la probation de nostre foy. Car comme
nous avons declairé, Dieu ne veut pas que ses dons
soyent inutiles: il veut les appliquer en usage, à
fin qu'il en soit glorifié: et que nous ayons aussi
dequoy pour nous conformer tant mieux, voyans
bien comme il nous prise: et selon que nous sommes
patiens, que nous bataillons vaillamment contre
tous les assauts de Satan et du monde : et que nous
expérimentions par cela que Dieu est avec nous,
et qu'il nous aime. Ainsi donc, nous avons dequoy
pour l'invoquer en tant plus grande fiance, et avoir
nostre refuge à luy pour estre appuyez sur sa bonté,
et ne douter point de son secours iusqu'à la fin.
Voila donc, en somme pourquoy Dieu nous espreuve,
c'est assavoir, qu'il veut que les dons qu'il
a mis en nous soyent appliquez et qu'ils servent, à
fin que .sa vertu soit cognue entre les hommes, et
sa puissance, bonté et sagesse: et qu'il en soit glorifiéj
comme il le mérite: et c'est à fin sur tout,
que nous cognoissions sa bonté [pag. 235] paternelle
envers nous, et que nous soyons tant plus incitez
à l'honorer et à nous adonner pleinement a
luy: et cependant que nous ayons aussi dequoy
nous y fier. Voila comme Abraham a esté tenté,
comme aussi auiourd'huy Dieu tente ses fidèles.
Car si nous demourions à nostre aise, et qu'il ne
nous coustast rien de servir à Dieu, quelle approbation
y auroit-il de nostre foy? Et davantage en
quoy pourroit-on discerner les vrais enfans de Dieu,
et ceux qui s'adonnent à luy en simplicité de coeur
d'avec les hypocrites? H faut donc que nous passions
parmi les tentations comme l'or et l'argent
parmi la fournaise. Et voila pourquoy aussi S.
Pierre dit, que c'est bien raison que nostre foy soit
examinee. Car d'autant que l'or et l'argent sont
précieux, il faut qu'ils soyent esprouvez par le feu.
Et tant y a que ce sont des métaux corruptibles:
mais nostre foy qui est beaucoup plus excellente
sera-elle enrouillee, et ensevelie sous terre, et qu'on
ne recognoisse point la gloire de Dieu en icelle?
Non, mais il faut qu'elle soit examinee. Et pourtant
ne trouvons point estrange si nostre Seigneur
nous traitte, en sorte que le diable ait la bride
avallee pour nous induire à mal: que les meschans
aussi nous tormentent, et que nous ayons aussi
d'autres tentations intérieures en nous: brief, quand
nous serons exercez en quelque [pag. 236] façon que
ce soit, cognoissons que nous avons besoin que nostre
Seigneur de son costé nous mette en avant ce
qui avoit esté caché, et incognu. Voila pourquoy