volumen xxiii. - Archive ouverte UNIGE

685 SERMONS. 686
de la maison: et si est-il d'une mesme ventrée.
On ne pourra pas trouver diversité entre ces deux
enfans pour préférer Iacob: car ils sont conceuz ensemble,
ils sont nez ensemble : qui plus est, voila
Esau qui est le premier né. Pourquoy donc est-ce
que depuis il est estimé comme estrangier, et qu'il
n'a ne lieu ne place en cest heritage spirituel, lequel
Dieu avoit promis à la lignée d'Abram? La
benediction luy est ostée, et partant il faut que son
frère le plus ieune la reçoyve : il a le droit de primogeniture.
Nous voyons donc en somme, que si
nous prenions ici la semence d'Abram pour tous
ceux qui sont descendus de luy selon la chair, qu'il
n'y auroit nulle raison ny fondement. D'avantage,
combien que toute la lignée de Iacob ait esté
adoptée de Dieu, neantmoins la plus grand part
s'en sont aliénez. Et voila aussi pourquoy Dieu
les désavoue tant souvent par ses Prophètes. Il
faut donc qu'il y ait un chef de ceste semence, ou
nous n'aurons point la vérité de ceste promesse.
Vray est qu'ils n'ont point seulement parlé de
•Iesus Christ, comme aucuns l'ont prins trop cruëment:
mais il nous faut tenir cest ordre, c'est que
Iesus Christ nous soit là mis en avant, et que
nous [pag. 102] soyons recueillis en luy: et ceste
union-la fera que nous serons tenus et reputez enfans
d'Abram. Il n'y auroit point donc de semence
telle qu'il est ici question, si Iesus Christ n'obtenoit
le degré souverain, et jjue nous ne fussions unis en
luy estans membres de son corps, afin d'estre recueillis
en la maison de Dieu, et par consequent
en la maison d'Abram. Or nous voyons que Dieu
diminue ceste semence pour l'augmenter, et c'est
sa façon, laquelle semble estrange au monde:
mais nous y devons estre tous duicts et accoustumez.
Selon l'opinion commune, quand il est question
de semence, le premier ne doit attirer le second,
et puis tout se doit recueillir. Or Dieu procede
par un autre moyen, c'est quand il y aura
semence: voila un grand nombre et une multitude
telle qu'on aura dequoy s'esbair, et Dieu la couppe,
Dieu l'abrège, il la diminue: tellement qu'on vient
iusques là par fois, que tout est quasi consumé,
ainsi qu'il en parle par son Prophète Isaie au
10. chapitre, qu'on n'y voit quasi plus rien: mais
c'est pour la multiplier puis après par dessus tout
sens humain: afin que sa vertu soit tant mieux
cognuë, comme elle est miraculeuse, et que chacun
soit contraint de l'adorer. Car combien que d'Abram
soyent descendus beaucoup de peuples, les douze
Lignées en premier lieu, et puis les Ismaélites
[pag. 103] et Iduméons: tant y a que iamais n'y a
eu une multitude si grande en sa maison, comme
elle a esté par le moyen de nostre Seigneur Iesus
Christ. Car ceux qui n'appartiennent de rien à
Abram selon la chair, ont esté faits ses domesti­
ques. Car, comme nous verrons cy après, il a esté
père de tous fidèles en general. Ainsi donc la lignée
d'Abram a esté beaucoup plus grande quand Dieu a
diminué ce qui estoit descendu de luy selon la chair,
que s'il eust laissé ce nombre-la en son entier.
Or par cela nous sommes admonestez de ne point
mesurer à nostre opinion et fantasie les oeuvres
de Dieu : mais donner lieu à sa puissance incomprehensible
, et nous contenter quand il a dit
le mot, qu'il est puissant de l'accomplir, comme il
en sera traitté cy après plus au long. Sur ce que
Dieu a tiré Abram hors de sa loge et de sa tente,
et qu'il luy a fait regarder les estoiles du cjel, il
n'est ia besoin de nous amuser à ceste subtilité
puerile, Que Dieu a comparé l'Eglise aux estoiles,
pource que nous sommes citoyens du Royaume des
cieux, que nous habitons en terre comme pèlerins,
ne faisans que passer outre. Ce n'est pas le sens
du passage. Comme quand il a esté parlé cy
dessus de la poussiere, il y en a qui spéculent que
l'Eglise est là mise souz l'image et figure de la
poudre, et qu'elle sera mesprisée du monde: tout
cela [pag. 104] ne sont que menus fatras, où il n'y a
nulle fermeté. Mais nous voyons pourquoy Dieu a
mis devant à son serviteur Abram les estoiles du
ciel, et les luy a fait regarder: c'est pour luy
faire contempler sa vertu, afin qu'il n'apportast
point ses discours et sa raison propre pour iuger
de la vérité de ceste promesse, laquelle luy estoit
incroyable selon l'ordre de nature. Car iamais la
foy n'aura entrée en nous, iusques à ce que ce
vice soit abatu et corrigé: c'est assavoir de nous
démettre de nostre iugement naturel, et d'estre
vuides de toute nostre sagesse, afin d'attribuer à
Dieu l'honneur qui luy appartient. Or regardons
si ce n'est pas un beau miroir et excellent de la
vertu infinie de Dieu, que ceste multitude infinie
d'estoiles que nous voyons au ciel: car le tout a
esté créé en un moment. Et voila aussi pourquoy
au Pseaume ce miracle est magnifié, que c'est luy
qui conte la multitude des estoiles, et qui leur
impose nom: c'est à dire qu'il les assuiettit à soy
et à son empire. Quand donc nous ouvrons les
yeux pour contempler les estoiles, il nous faut
venir à la creation: car en une minute de temps,
si tost que Dieu a prononcé le mot, voila le ciel
qui est plein de ceste gendarmerie, comme aussi
l'Escriture les appelle. Voila donc les armées
oelestes qui ont esté créées en une minute de
temps, et elles sont tousiours là pour [pag. 105]
rendre obéissance à Dieu. Nous voyons que toutes
estoiles cheminent par compas, et combien qu'il se
face une revolution si grande comme on le voit
d'un costé et d'autre, et que les pianettes pourroyent
remuer le firmament, et que tout cela s'en
pourroit mesler ensemble: toutesfois nous voyons