volumen xxiii. - Archive ouverte UNIGE

649 SERMONS. 650
aussi qu'il a esté conceu miraculeusement du Sainct
Esprit outre l'ordre de nature. Et combien qu'il
soit mort, toutesfois si est-ce que sa vie est permanente:
et mesmos il nous a acquis vie à tous,
quand il a voulu mourir pour nous. Il est donc sans
commencement et sans fin: sans commencement,
pour ce qu'il est Dieu éternel: et sans fin, d'autant
que nous avons éternité en luy, ainsi qu'il est dit
au prophète Isaie, Qui est-ce qui racontera la
lignée qui viendra de luy? L'Eglise eBt immortelle
en la vertu de nostre Seigneur Iesus Christ: luy
donc par plus forte raison est sans [pag. 29] fin.
Mais cela sera traicté plus au long: maintenant
nous le touchons en brief, pour monstrer que ce
n'a point esté Sem. Et voyla pourquoy aussi
notamment David accompare le Rédempteur qui
devoit venir, à Melohisedec. Or devant que passer
outre, notons que c'a esté une grace admirable de
Dieu, que Melchisedec se soit ainsi maintenu en
pureté, veu que toute la terre estoit lors pleine
d'idolâtries: car la maison du père d'Abram estoit
une cayerne d'idoles, comme nous l'avons allégué ci
dessus, et que le Sainct Esprit le testifie par la
bouche de Iosué. Puis donc que tout estoit ainsi
corrompu au pais de Chaldée, qui estoit plus prochain
de l'habitation de Noé, où il avoit tousiours
vescu, que là aussi estoit Sem et ses semblables:
puis que desia le diable avoit perverti et souillé
le service de Dieu de tant de polutions, comment
est-il possible qu'en la terre de Canaan, là où le
peuple est malin, l'a où il n'y a qu'impiété et
mespri8 de Dieu et rebellion, où il n'y a qu'iniquitez,
tromperies, fraudes, cruautez et violences, il y ait
neantmoins un sacrificateur du Dieu vivant? En
cela nous voyons comme Dieu a quelque fois son
Eglise cachée souz terre, par manière de dire, et
qu'elle n'est point cognue selon l'opinion des hommes :
mais c'est assez que Dieu la cognoist. Nous avons
donc tesmoignage de ceci en Melchisedec. On
eust pu estimer [pag. 30] qu'il n'y avoit point alors
un seul homme qui adorast Dieu purement et en
simplicité: car si le grand père d'Abram et tout
son parentage ont esté adonnez à erreurs diaboliques,
et qu'ils ayent servi les idoles, que pouvoit-ce estre
du reste? On eust donc iugé que l'Eglise de Dieu
estoit pleinement abolie: mais on veoit comme il
en a gardé quelque petite semence, quand il a voulu
que Melchisedec fust ainsi sacrificateur, voire en un
pais qui estoit plus plongé en toutes iniquitez, que
les autres. Or il nous faut appliquer ceci à nostre
usage : car c'est une tentation bien périlleuse, quand
nous estimons que Dieu n'ait plus d'Eglise au
monde: car il faudroit que sa promesse fust vaine
et frustratoire. Et puis quand un homme cuide
estre seul, il se débauche et s'anonchalit, iusques
à ce qu'il tombe en desespoir: comme nous voyons
qu'Elie en a esté prochain quand il alloguoit, Et
que sera-ce plus? Car ils ont tué tes Prophètes, et
ont dressé leurs idoles par tout, et ie suis demouré
moy seul. Il estoit là comme un povre homme
effrayé, estant prest de trebuscher en un abysme.
Mais quoy? Dieu le console, et luy dit qu'il en a
encores sept mille, c'est à dire un grand nombre,
lesquels il a reservez à soy, qui n'ont point fleschi
le genouil devant Baal. Ainsi donc, comme i'ay
dit, nostre foy seroit ébranlée, voire abatue du tout,
si nous avions [pag. 3l] cela persuadé, que Dieu
eust tellement délaissé le monde, qu'il n'y eust plus
nulle Eglise. Partant apprenons de ne point iuger
selon la veuë de nos yeux s'il y a Eglise, ou non:
mais plustost renonçons à tous regards, par ce que
nous sommes advertis que Dieu en aura souvent
quelque petite semence cachée: comme le grain
n'apparoit pas quand il y aura un grand monceau
de paille, cela couvre le grain qui est en petit
nombre. Ainsi donc quelque fois, il semblera bien
que tous les fidèles soyent exterminez d'icy bas:
mais Dieu a des moyens incompréhensibles pour
maintenir les siens, et faut qu'il soit tousiours adoré
et servi, non pas qu'il faille cercher l'Eglise en
grande multitude ny en grand bande, qu'il y ait
ny lustre ny pompe: mais qu'il nous suffise que
Dieu cognoit les siens. Et ainsi departons-nous dé
toute iniquité, afin que nous puissions reclamer son
nom, et que nous soyons conioincts avec ceux qui
nous sont frères, combien qu'ils nous soyent incognus:
car cela depend de l'adoption de Dieu,
quand il nous testifie par le Sainct Esprit qu'il a
grand nombre de fidèles, et si n'est point besoin
que nous les cognoissions. Pour ceste cause il
veut qu'ils soyent dispersez ça et là, et que mesmes
ils n'ayent nulle reputation devant les hommes:
mais qu'ils soyent gens côntemptibles et mesprisez
[pag. 32] brief quon n'en cognoisse rien, non plus
que s'ils estoyent mis sous les pieds. "Voila donc
pour un item: et cependant nous avons aussi à
recueillir une exhortation de ce passage, c'est de
ne point suyvre la plus grande compaignie. Car
Melchisedec se pouvoit adonner à idolâtrie comme
les autres, s'il eust regardé ce qu'ils faisoyent. Tout
à l'environ il n'y avoit que polution du service de
Dieu, tant y a neantmoins qu'il continue en ce
qu'il cognoist estre bon et droit, selon que Dieu
l'a enseigné. Il n'avoit nulle loi escrite: mais Dieu
luy avoit donné cognoissance, tant par Noé que
par Sem, de ce qui estoit nécessaire à salut. Or
si une instruction si petite qu'a peu avoir Melchisedec,
l'a maintenu constamment en la pureté de
la Religion, quelle excuse aurons-nous, quand Dieu
se ramentoit assiduellement à nos aureilles, qu'il y
a la Loy qui nous monstre comme il veut estre
adoré et servi, qu'il y a les Prophètes qui nous en