volumen xxiii. - Archive ouverte UNIGE

705 SERMONS. 70S
nos a apportez, et du salut que nous avons par sa
mort et resurrection. Les uns se persuadent valloir
quelque chose [pag. 143], et là dessus despitent
Dieu en leur orgueil: comme ceux qui ont quelque
beau lustre de iustice, ces dévots qui contrefont
une grande saincteté, et comme Angélique, ceux-là,
di-ie, se ferment la porte, et n'ont entree aucune
à Iesus Christ: car ils le repoussent aussi bien
loin d'eux. Il y en a d'autres qui sont nonchalans
et ne cuident point estre iustes. Et pourquoy?
Les uns sont paillards, les autres seront larrons,
les autres seront gens yvrongnes, dissolus, contempteurs
de Dieu, en sorte que les petis enfans
peuvent estre leurs iuges. Ceux-là donc ne sont
pas deceus par orgueil et outrecuidance, mais ils
sont tellement enyvrez de Sathan, qu'ils ne pensent
point à la vie éternelle, ils s'abrutissent du tout.
Et voila pourquoy il est dit par Salomon, Bien
heureux est l'homme qui solicite son coeur. Et
qui s'induit à crainte et qui se reveille pour cognoistre
ses fautes et povretez. Ainsi donc nous voyons
que la Loy n'a esté donnée après la promesse
pour autre raison que pour nous condamner, à fin
que nous cerchions toute nostre iustice en Dieu et
que toute la louange de nostre salut luy soit rendue,
comme elle luy appartient. Notons bien donc ceste
cause finale, car voila aussi pourquoy sainct Paul
au premier chapitre desEphesiens [pag. 144] déduit
ceste matière tout au long. Car il ne passe point
cela en un mot, mais il déduit ce mesme propos,
comme s'il le vouloit entonner en nos aureilles,
Afin, dit-il, que la gloire de Dieu fut cogneue, et
que luy seul soit glorifié, que luy seul soit cognu
iuste, à fin que nous cognoissions que c'est de luy,
que nous tenons tout. Il faut, dit-il, que nous
cognoissions que sans sa pure grace nous estions
tous péris. Voila en somme à quoy Dieu pretend
quand il nous despouille de toute opinion de nos
vertus, c'est qu'il veut estre luy seul cognu iuste,
et que nous soyons perdus et damnez en nousmesmes.
Et ainsi ceux qui s'attribuent tant peu
que ce soit de iustice, comme s'ils avoyent aidé à
Dieu, comme les Papistes s'appelent cooperateurs,
il est certain que ceux-là commettent un crime
plus detestable que tous les larrons du monde.
Qu'est-ce d'avoir ravi à un homme or et argent et
toute sa substance, au pris de ravir à Dieu son
honneur et le principal qu'il demande et qu'il se
veut reserver? C'est que luy seul soit cognu iuste:
et quand des povres creatures mortelles ou des
vermines de terre, où il n'y a qu'infection et
puantise, se voudront mettre au lieu de Dieu pour
dire: Tu n'es point tout quant à l'oeuvre de nostre
salut, mais nous y avons aidé. Ne voila point un
blaspheme [pag. l£5] execrable, quand les hommes
présument d'apporter quelque portion de leur iustice
Calvini opera. Vol. XXIII.
devant Dieu? Or nous avons à retenir ce qui fut
hier traitté, c'est assavoir, que le mot de Iustifier
n'emporte pas que nous soyons faits iustes, c'est à
dire, que Dieu nous renouvelle tellement que nous
soyons des Anges: mais il emporte qu'il nous
accepte et approuve par sa pure bonté, encores
que nous soyons povres pécheurs. Et voila pourquoy
aussi Moy8e en ce passage a couché le mot
de Reputer, comme s'il disoit que cela depend de
la faveur gratuite de Dieu, et qu'il ne faut point
s'enquérir si la iustice est au regard de l'homme,
ou s'il a esté digne d'estre accepté. Rien de tout
cela, mais contentons-nous que Dieu nous accepte
pour iustes encores que nous ne le soyons pas. Et
voila aussi pourquoy la iustice de la foy exclud
les oeuvres: car nous prenons de Iesus Christ ce
qui nous deffaut. le ne di pas en partie, comme
les Papistes s'embrouillent, mais nous empruntons
la iustice de Iesus Christ, d'autant qu'il n'y en a
point une goutte ni un seul grain en nous. Il
faut donc que les oeuvres soyent abatues, quand
nous cerchons nostre iustice ailleurs. Car s'il y
en avoit seulement une portion en Iesus Christ et
une partie en nous, il ne seroit pas le tout: et
comment s'accompliroit [pag. 146] ce qui est dit
que toute plenitude de graces a esté en luy, et que
cela a esté donné par le sainct Esprit, à fin qu'il
nous en distribue à un chacun selon sa mesure?
Car ce sont choses opposites d'acquérir et de recevoir
de Dieu: et quand Dieu nous iustifie c'est par
son adoption, d'autant que de nature nous sommes
enfans d'ire, il nous adopte et nous retient pour
ses enfans. Et qu'est-ce qu'il trouve en nous?
Rien qui soit pour l'induire à nous bien faire.
Ainsi donc l'héritage que nous espérons de nostre
salut, et lequel nous est promis en l'Evangile,
vient de ceste adoption de Dieu, et ny a rien du
nostre: car si nous pouvons acquérir quelque chose,
il est certain qu'alors nous entrerions en partage
avec Dieu, ainsi que les Papistes y viennent: mais
d'autant que Dieu besongne en telle sorte qu'il n'y
a rien de nostre costé, voila comme il doit estre
luy seul glorifié. Or maintenant nous voyons en
somme que la iustice de laquelle il est ici parlé,
n'emporte que la remission des péchez, et l'adveu
que nous avons au nom de nostre Seigneur Iesus
Christ, d'estre iustes parle mérite de son obéissance:
mais encores quand sainct Paul nous veut enseigner
rudement selon nostre petisse *, il ameine seulement
la remission des péchez, et argue en telle sorte,
Nous ne pouvons estre iustifiez par nos oeuvres:
pourquoy? [pag. 147] Car il est escrit, Bien
heureux est l'homme à qui Dieu pardonne les
péchez, duquel les iniquitez sont remises, et auquel
les fautes ne sont point imputées. Voila, dit-il,
toute nostre félicité, quand Dieu nous reçoit à merci,
45