volumen xxiii. - Archive ouverte UNIGE

«99 SERMONS. 700
les concevons point. Voila pourquoy i'ay dit qu'il
68t besoin que Dieu nous condamne par sa parole.
Et voila pourquoy S. Paul assemble tant de tesmoignages
pour monstrer que nous sommes tous
damnez. Chacun comme i'ay dit, le devroit sentir
en soy sans autre iuge : mais pource que nous
sommes si pleins d'infection que nous sommes
doubles, que nous avons tant de boutiques et de
caohettes pour nous détourner de la vraye cognoissance
et pure de nos péchez, voila pourquoy il faut
que la parole de Dieu nous serve de miroir. Or
maintenant si les hommes sont de nature pervers,
et qu'il n'y ait en eux que rebellion et malice et
que toutes leurs affections et pensées soyent d'autant
d'inimitiez contre Dieu, comme S. Paul en parle au
8. chap, des Rom. comment pourrions-nous rien
presenter ni rien offrir à Dieu qu'il trouve bon?
H est vray que nous pourrons • bien avoir quelque
folle outrecuidance, mais ce ne sera tousiours que
pour redoubler le mal [pag. 181]: car l'orgueil est
plus desplaisant à Dieu que tous les autres vices.
Il faut donc que nous cognoissions qu'estans en
nostre naturel, nous sommes tellement ennemis de
Dieu, que tout ce que nous imaginons luy est
contraire, et ne pouvons en toute nostre vie ne
penser, ne dire, ne faire rien qui soit, qui ne soit
pour amasser plus griefve condamnation sur nos
testes. Et voila pourquoy auBsi l'Escriture nous
accompare à des morts, quand nous sommes délaissez
de Dieu, et iusques à tant que nostre Seigneur se
soit declairé nostre vie, nous sommes morts. Et
un mort que pourra-il faire? Et au reste il nous
faut bien appréhender ceci, car autrement iamais
nous ne donnerions ouverture à la bonté de Dieu
telle qu'elle nous est monstrée en nostre Seigneur
Iesus Christ. Il faut que nous soyons désespérez
en nous-mesmes pour mettre nostre fiance en luy.
Nous sommes enclins à ceste presumption qui est
tellement enracinée en nous, que nous voulons
tousiours nous élever. Il faut donc que Dieu nous
ait du tout abatus, à fin que nous soyons redressez
pair sa main, et que nous soyons soustenus de sa
vertu. Davantage nous sommes enflez de vent et
d'une vaine arrogance : or devant que nous puissions
recevoir nulle vraye substance de Dieu il faut que
nous soyons vuides et comme povres affamez. Et
voila pourquoy notamment [pag. 132] il est dit que
Dieu soûle les povres et affligez. |l est vray que
sa bonté s'espand sur ceux qui en sont dignes :
mais quand il est question de recueillir son Eglise,
il faut qu l il la prepare par ce moyen-la et c'est
pour quoy notamment il est dit que l'Esprit de
Dieu devoit reposer sur nostre Seigneur Iesus
Christ, à fin qu'il annonçast aux captifs leur délivrance,
à fin qu'il esclairast les povres aveugles,
et qu'il apportast médecine aux povres malades,
qu'il fortifiast les debiles. Or il accomplit cela en
disant, Tenez à moy vous tous qui estes chargez
et travaillez et ie vous soulageray et vous trouverez
repos à vos âmes. Yoila donc comme l'humilité
nous conduit à nostre Seigneur Iesus Christ, à fin
que nous soyons faicts partioipans de la iusfdoe
qu'il nous a apportée. Or l'humilité n'est pas
comme beaucoup pensent, de faire quelque belle
contenance devant Dieu, mais c'est que nous soyons
tellement desnuez de tout bien, qu'il ne nous reste
sinon de nous ietter là aux piedz de Dieu, et recognoistre
qu'il n'y a rien en nous que toute povreté
et misère, qu'il n'y a plus nulle attente de salut.
Car voila comme nous parvenons à sa miserioorde,
c'est par le sentiment et aprehension de. nos misères.
Et ces deux choses ne se peuvent séparer.
Pourquoy est-ce que Dieu a ainsi pitié de nous, et
qu'il nous subvient? [pag. 133] C'est qu'il regarde
nos misères, et cela l'encline et l'incite à miséricorde.
Et voila pourquoy aussi sainot Paul traittant de
nostre salut dit: Ce n'est point de vous, c'est un
don de Dieu par la foy: car vous estes sa facture
d'autant qu'il vous a créez en Iesus Christ aux
bonnes oeuvres, lesquelles il a apprestees à fin que
vous les faciez. S. Paul exclud là toute l'opinion
que les hommes pourroyent concevoir de leurs propres
vertus, en disant: Or ça si vous attirez quelque
portion de la louange de vostre salut à vous, et
qu'il vous semble encores que vous n'y soyez point
pervenus de vous-mesmès, toutes fois que vous y
ayez aidé, regardez comment cela s'est peu faire?
Car vous avez esté créez hommes mortels, c'est à
dire pécheurs, il n'y a eu en vous que malediction,"
vous estiez bannis et aliénez de Dieu auquel gist
tout bien. H faut dono conclure que vous estiez
comme morts. Ainsi il a fallu une correction nouvelle
et seconde pour vous faire estre quelque chose
devant Dieu. Et ainsi quand vous avez esté régénérez
en Iesus Christ, cela s'appelle une oreation
nouvelle. Tous estes donc la creature de Dieu
chacun de vous quand il vous a formez et appelez
à soy, et il n'y avoit nulle disposition de vostre
part, mais Dieu a préparé les bonnes oeuvres par
son sainct Esprit. Puis [pag. 134] qu'ainsi est donc,
il faut, bien conclure que nostre salut ne vient nullement
de nous, ie di iusques à une seulle goutte,
mais que c'est un pur don de Dieu et qui procède
de sa libéralité. Yoila donc quant au premier
poinct, c'est que pour obtenir merci et grace devant
Dieu, il faut que nous ayons bien cognu quels nous
sommes, et combien nostre condition est miserable
et que nous soyons abatus du tout. Or quand, ie
parle ainsi, ce n'est pas à dire qu'il nous falle avoir
une cognoissance qui voltige en nostre cerveau,
mais il faut que nous soyons navrez mortellement
en nos coeurs, et que nous sentions le iugement de