volumen xxiii. - Archive ouverte UNIGE

777 SERMONS. 778
de ce passage. Or il est dit là dessus qu'Abraham
a levé les yeux et a regardé, et voici un mouton
qui estoit entortillé par les cornes. Abraham est
allé et l'a pris, et l'a offert en sacrifice au lieu de
son fils Isaac. Ici nous voyons que Dieu s'est contenté
de l'obéissance d'Abraham, qu'il n'a pas
exigé de luy qu'il tuast son fils. Il est vray qu'il
luy avoit commandé, car il faloit aussi qu'Abraham
s'y apprestast: mais quand c'est venu au faict,
Dieu a declairé son eonseil, c'est assavoir, que seulement
il avoit voulu appeler Abraham à cest
examen de foy et de patience, et qu'il [pag. 293]
fust prest de renoncer à l'amour paternelle qu'il
portoit à Isaac, et à tout ce qu'il en avoit attendu,
ne cerchant autre chose sinon la vérité de Dieu:
voire et en la cerchant qu'il ne regardast pas aux
moyens qui luy pouvoyent estre cognus et visibles:
mais cognoissant qu'elle avoit son effect, combien
que tout y contredit. Voila donc pourquoy ce
mouton est offert en sacrifice et non pas Isaac. Or
cependant nous avons à noter que Dieu a donné ce
mouton à Abraham, à fin qu'il luy en rendist louange
solennelle de la grace qu'il luy avoit faite
outre son espoir. Il est vray que Dieu se fust
bien contenté de la foy d'Abraham: mais si est-ce
qu'il veut qu'il y ait sacrifice pour tesmoignage
plus certain: comme de ce temps-la l'usage en estoit
entre les pères anciens, et c'estoit en attendant la
venue de nostre Seigneur Iesus Christ. Car
auiourd'huy il n'est pas licite d'offrir ni moutons,
ni veaux à Dieu: ce seroit deroguer à la mort et
passion de son fils unique, en laquelle nous avons
un sacrifice perpétuel, et qu'il n'est pas licite de
réitérer. Ainsi donc auiourd'huy toutes les figures
et ceremonies sont passées. Il suffit que nous protestions
combien nous sommes tenus et obligez
envers Dieu pour tous ses benefices : que chacun
en son privé les recognoisse, et qu'après estans
[pag. 294] asseurez nous protestions aussi d'une
bouche et d'un courage que nous tenons tout de
luy. Mais alors il falloit (comme i'ay dit) que les
pères s'exerçassent en ceste façon de sacrifier: et
c'estoit pour monstrer que nulles actions de graces
ne peuvent estre acceptées de Dieu, sinon par le
moyen de nostre Seigneur Iesus Christ: comme
auiourd'huy l'Apostre nous ramené à ceste vérité
là au dernier chapitre de l'Epistre aux Hebrieux,
quand il est dit que par Iesus Christ nous offrons
auiourd'huy les sacrifices de louanges, qui sont les
veaux de nostre bouche. Il monstre par cela que
les sacrifices n'ont rien esté, sinon pour la fin où
ils tendoyent. Et au reste, si nous n'avions le sang
de nostre Seigneur Iesus Christ, et que nos prières
et actions de graces fussent purifiées par luy, il est
certain que rien ne pourroit sortir de nous qui ne
fust poilu. Car d'autant que nous sommes pleins
d'ordures et de pollutions, il faut que nous souillons
et polluons les choses les plus excellentes et les
plus précieuses qui soyent. Comme de prier Dieu,
c'est une oeuvre que Dieu approuve sur tout,
comme de luy faire hommage de nostre vie, et
confesser que tout bien procède de luy. Or cependant
toute8fois cela encores seroit souillé entant
qu'il vient de nous, sinon qu'il fust purifié par le
[pag. 295] moyen de nostre Seigneur Iesus Christ.
Voila donc, pourquoy les pères anciens se sont
exercez en ces sacrifices extérieurs. Or notamment
il est dit qu'Abraham a immolé un mouton au lieu
de son fils Isaac. Et là dessus l'Apostre aussi dit,
qu'il a recouvré son fils comme de la mort, voire
par similitude. Il use du mot de Parabole, comme
s'il disoit qu'Isaac estoit desia comme trespassé
quand il a esté mis sur l'autel, il n'y avoit plus
nulle attente sinon qu'il deust mourir. Or il y a
eu là une similitude de la resurrection (dit l'Apostre)
quand Isaac est demouré en vie. Car quelle
distance y avoit-il entre Isaac et un homme mort?
le di quand nous regarderons aux hommes. Voila
donc desia Dieu qui a proposé comme en un miroir
la resurrection qu'il nous faut tous espérer. Ici
donc nous avons à noter en preinier lieu, quand
nous doutons de la resurrection qu'il nous faut
eslever les yeux à la puissance infinie de Dieu, et
ne douter pas qu'il ne soit puissant pour nous retirer
du sepulchre et de pourriture: voila, di-ie, la
doctrine de la resurrection, qui nous est donnée
comme une image visible en la personne d'Isaac.
C'est pour un Item. Et là dessus aussi l'Apostre
monstre qu'Abraham n'a pas esté frustré, en ce
qu'il a tellement glorifié Dieu, qu'il ne doutoit pas,
qu'encores qu'Isaac fust [pag. 296] mort, que Dieu
n'en eust peu susciter semence. Voila choses incompatibles
de prime face, qu'Isaac meure, et cependant
que de sa semence doyve procéder le salut
du monde. Ouy, mais Abraham est tellement persuadé
que Dieu est Seigneur par dessus la .mort,
qu'il conclud qu'il trouvera le moyen, quoy qu'il en
soit, que la promesse sera accomplie: et que si la
chose est impossible selon l'appréhension humaine
qu'il aura tant plus d'occasion d'exalter et magnifier
la puissance de Dieu, quand il aura accompli ce
qu'il ne pouvoit comprendre selon son sens naturel.
Voila donc ce que nous avons à retenir sur ce que
l'Apostre dit, ' qu'Abraham n'a pas esté frustré
croyant à Dieu, lequel a besongné en telle sorte
qu'il en a esté esbahi comme d'un songe. Or cependant
nous avons aussi à noter, suyvant le
propos qui a desia esté touché ci dessus, que pour
droictement vivre il nous faut mourir à nousmesmes.
En ce mouton nous avons comme une
image de nostre chair. Car voici Isaac qui est
comme resuscité, il vit, et Dieu le preserve mira-