volumen xxiii. - Archive ouverte UNIGE
volumen xxiii. - Archive ouverte UNIGE
volumen xxiii. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
571 COMMBNTARIÜS IN GENESIN. 572<br />
37, 19. Caeterum si nos inedia probare velit Deus,<br />
simul rogandus est ut nos ad tolerandam aequo et<br />
mansueto animo esuriem formet, ne similes truculentis,<br />
imo rabiosis feris, tumultuemur. Quanquam<br />
autem credibile est, efferbuisse graves motus in diuturna<br />
penuria (sicuti fertur veteri proverbio: Ventrem<br />
non habere aures) siinplicior tarnen mihi videtur<br />
sensus, quod fami sucoubuerint Aegyptii et<br />
Chananaei, atque ita velüt exanimes iacuerint. Porro<br />
hoc etiam consilio Moses famis historiam prosequitur,<br />
ut inde pateat eventu fuisse probatum vaticinium<br />
Ioseph: et eius solertia et industria tarn bene<br />
ac dextre occursum fuisse maximis periculis, ut merito<br />
Aegyptus salutis suae autorem agnoscere deberet.<br />
14. M cöllegit. Primo docet Moses bene et féliciter<br />
cessisse regi Aegyptio, quod rei frumentariae<br />
procurationem arbitrio ufiius Ioseph permiserit.<br />
Deinde sinceram et fidam administrationem ipsius<br />
Ioseph laudat. Seimus quam pauci regias peeunias<br />
attrectent, qui non se coinquinent peculatu. In<br />
tantis vero pecuniae acervis non minor erat praedandi<br />
licentia quam difficilis continentia. Moses<br />
vero dicit, quidquid collegerat pecuniae Ioseph, attulisse<br />
in domum regis. Rara haec et incomparabilis<br />
fuit integrita8, inter tantos acervos puras servare<br />
manus. Nee vero fieri potuit ut se adeo temperanter<br />
gereret, nisi fraenum illi fuisset Dei vooatio.<br />
Nam quos ambitio cohibet a furtis et rapacitate,<br />
nisi hominum oculos et iudicia timerent, statim manus<br />
extenderent ad praedam. Ioseph autem sine<br />
teste peccare potuit: unde sequitur purum Dei timorem<br />
viguisse in eius animo: et tarnen non deerant<br />
plausibiles et satis bene fucati praetextus ad<br />
furti exousationem. Quum tyranno servias, cur non<br />
tibi liceat partem aliquam lucri in tuum commodum<br />
subducere? Quo magis apparet solida probitate<br />
fuisse munitum, quando illecebras omnes repulit,<br />
ne ex alieno per fraudem ditescere cuperet.<br />
15. Et consumpta est pecunia. Non intelligit<br />
Moses quidquid fuit nummorum in Aegypto, redactum<br />
fuisse in fiscos regis: nam multi erant ex<br />
auliois proceribus a fame immunes: sed simplex<br />
sensus est, omnes fere fuisse exhaustos, ut iam<br />
vulgo pecunia non sufficeret ad emendum frumentum<br />
: et tandem extrema nécessitas ad secundum<br />
remedium, de quo paulo post loquetur, Aegyptios<br />
compulerit. Porro tametsi videntur desperatione accensi,<br />
procaoiter insurgere contra Ioseph : contextus<br />
tarnen ostendit nihil minus fuisse illis proposition<br />
quam contumaoia sua terrere cuius miserieordiam<br />
suppliciter implorant. Quare haec interrogatio: Cur<br />
moriemw coram te? non alio tendit quam ipsos esse<br />
perditos, nisi subveniat eius dementia. Sed quaeritur<br />
quomodo vitam "toleraverint Ohananaei. Oerte<br />
dubium non est quin gravis pestilentia inediae co<br />
rnes multos abstulerit, nisi subventum sit ab aliis<br />
regionibus, vel herbis ac radicibus misère victitarint.<br />
Et forte non tan ta illic fuit sterilitas, quin dimidiam<br />
vel tertiana victus sui partem ex agris colligerent.<br />
16. Date pecudes vestras. Miserabile fuit illud<br />
spectaculum, et quod ferreos animos flectere deberet,<br />
videre divites agricolas, qui prius aliis quoque repositam<br />
habebant in suis horreis annonam, nunc victum<br />
mendicare. Itaque crudelis videri posset Ioseph,<br />
quod inopibus et exhaustis panem gratis non erogat,<br />
sed eos etiam spoliât omni pécore, ovibu6 et asinis:<br />
sed quia alienum negotium tractât Ioseph, eius rigorem<br />
crudelitatis damnare non audeo. Si per Septem<br />
annos fertiles vi extortum esset frumentum ab<br />
invitis, nunc tyrannice pecudes et armenta illis eriperet<br />
: sed quia liberum illis fuit in privatis horreis<br />
recondere quod regi vendebant, nunc iustas socordiae<br />
suae poenas luunt. Nee aliud cernebat Ioseph<br />
quam divinitus eos nudari, ut unus rex ditesceret<br />
omnium spoliis. Adde quod quum illi fas esset vénale<br />
frumentum exponere, mutare Cum pecoribus<br />
licuit. Regis certe erat frumentum : cur ergo pretium<br />
ab emptoribus non exigeret? Atqui pauperes erant,<br />
ideoque ipsprum inopiae succurri aequum fuit. Si<br />
valeat haec régula, illicita erit maior pars emptionum:<br />
nemo enim quod possidet libenter vendit.<br />
Quare si iusta fuit pecoris aestimatio, nondum video<br />
quid in facto Ioseph reprehensione dignuin sit:<br />
praesertim quum rem propriam non ageret, sed<br />
creatus esset rei frumentariae praefectus, ea lege<br />
ut regi, non sibi, lucrum acquireret. Si quis excipiat,<br />
debuisse saltern hortari regem ut uberrimo<br />
pecuniae quaestu contentus foret: respondeo, ex<br />
multis pauca obiter narrari a Mose. Ouivis autem<br />
coniieere promptum est, tanti momenti negotium<br />
non fuisse transactum a Ioseph inconsulto rege et<br />
inscio. Quid autem si consiliariis haec visa sit<br />
aequa moderatio, ut pro suis pecoribus alimenta in<br />
totum annum sumerent agricolae? Denique quum<br />
stemus et cadamus unius Dei arbitrio, quod lex<br />
eius in medio relinquit^ damnare nostrum non est.<br />
18. Et venerunt ad eum anno secundo. Annum<br />
secundum Moses non a fame supputât, sed ex quo<br />
defecerat pecunia. Quia vero finem sterilitati instare<br />
ex oraculo sciebant, non in victum modo frumentum<br />
sibi dari postulant, sed in sationem quoque:<br />
unde apparet, nimis sero eos sapere, ao neglexisse<br />
utilem Dei admonitionem, quo tempore sibi<br />
in futurum prospicere debuerant. Porro non commémorant<br />
sibi déesse pecuniam et pecora, ut expostulent<br />
cum Ioseph, quasi inique ab eo nudati<br />
fuerint, sed ut admoneant, hoc unum restare ut<br />
agris suis redimant victum et semen, seque non<br />
aliter fore salvos nisi ad hanc pactionem descendat<br />
Ioseph. Impudentiae enim fuisset nihil pretii vel