volumen xxiii. - Archive ouverte UNIGE

691 SERMONS. 692
quant au mot de Croire. (Abram donc a creu à
Dieu), c'est à dire, Abram a receu la promesse par
laquelle Dieu luy avoit certifié que Dieu luy estoit
Sauveur» il a ambrasse, nostre Seigneur Iesus
Christ qui luy estoit offert, par lequel il savoit que
nous sommes reconciliez a Dieu, combien que nous
méritons de luy estre ennemis, et qu'il nous face
la guerre mortelle, d'autant que nous sommes
pleins de péché et de corruption. Abram donc s'est
tenu à nostre Seigneur Iesus Christ et a esté pleinement
persuadé que o'estoit le vray bien par lequel
nous sommes conioincts et unis à Dieu, tellement
que nous sommes participans de sa vie et de
tous ses biens. Voila le Croire d'Abram, à fin que
nous ne le prenions [pag. 114] pas si maigrement
comme les Papistes font. Or en somme npus voyons
que jamais on ne cognoistra que vaut ce mot de
Êoy et de Croire, sinon qu'on viene à ceste mélodie
de la Promesse et de la Reception. Et qu'est-ce
que Dieu dit tant souvent par ses Prophètes: le
vous appeleray mon Peuple, et vous direz: Tu es
nostre Dieu? Voila Dieu qui parle le premier, et
c'est à luy aussi: car quelle témérité seroit-ce que
ie m'ingérasse de venir à Dieu et l'appeler mon
Père, moy qui ne suis non seulement qu'un povre
ver de terre : mais qui ne suis que péché et infection
pour estre damné à iamais, lequel Satan possède de
nature, comme nous sommes tous sous sa servitude:
et ce pendant que i'appelle Dieu mon Père?
Et les Anges mesmes n'en sont pas dignes en
eux-mesmes, et ce pendant que i'aille usurper un
tel honneur? Mais quand il a prononcé ce mot:
le suis ton Père, alors ce n'est plus audace et
présomption mauvaise que nous-nous tenions du
nombre de ses enfans, mais c'est une saincte confianoe
par laquelle nous ratifions sa vérité. Et c'est
le plus grand honneur que nous luy sachions faire,
quand il a dit le mot, que nous-nous tenions là et
y acquiescer du tout. Voila, di-ie, le vray croire,
tel qu'il nous est ici monstre pour exemple et instruction
en Abram. Or il est dit que cela luy a
esté réputé à iustice [pag. 115]: et que c'est Dieu
qui luy a réputé. Il nous faut maintenant exposer
ce mot de Reputer, et puis ce mot de Iustice, en
comprenant aussi le nom de Dieu. Ce mot do Reputer
emporte ce que nous disons alouer on mettre
en conte. Comme, quand un homme doit, s'il a
payé, cela luy est aloué: ou bien si en deduction
de ses debtes il monstre, i'ay fait ceci, i'ay fait
cela, et bien tout luy est aloué en sorte qu'il
en est quitte. Or en nostre langage françois Imputer
se prend tousiours en mauvaise part: on ne
dira pas qu'une vertu soit imputée à un homme,
car le mot d'Imputer emporte quelque reproche
et quelque conlpe: on dira, cela luy sera imputé
it faute. Or l'Escriture a un mot commun tant
pour le bien que pour le mal, c'est que Dieu impute
iustice, et n'impute point les péchez. Quand
donc il est dit que la foy a esté imputée ou réputée
à Abram, c'est a dire, qu'elle a abbatu tout ce qui
vient de luy. Mais encores ne saurions-nous pas
quelle est la valleur de ce mot et combien il poise,
sinon par l'opposite. Car quand il est dit que les
péchez nous sont imputez, c'est à dire que les registres
demeurent là, que nos procez soint faicts,
qu'il ne reste que donner sentence et la mettre en
execution. Or mal-heur sur nous cependant que
Dieu nous impute nos fautes. Car il es dit, bienheureux
[pag. 116} sont ceux à qui Dieu n'impute
point les péchez. Et par consequent maudit soit
tout le monde quand Dieu voudra procéder en
façon de iuge, et qu'il voudra faire enqueste de
nostre vie; Qu'est-ce donc que la foy soit imputée
à iustice? C'est qu'elle nous soit allouée d'autant
que nos péchez ne nous sont point imputez, car
l'un ne peut estre entendu sans l'autre : l'imputation
donc de iustice fait qu'il n'y a plus d'imputation
de coulpe pour nous iuger et condamner.
Car l'imputation en iustice vaut autant que absolution
en somme. Voila donc ce mot exposé.
Or regardons qu'emporte Iustice: ce mot n'est pas
une vertu, comme quand on dira qu'un homme
est iuste, quand il se gouvernera sans reproche.
Mais ceste iustice ici, c'est une grace que Dieu
nous fait, d'autant qu'il nous reçoit à merci et
veut estre reconcilié à nous par sa pure libéralité.
Ce n'est point donc une qualité qu'il nous faille
cercher aux hommes que ceste iustice dont parle
ici Moyse: mais c'est la faveur que Dieu nous
porte, quand il luy plait d'ensevelir nos péchez et
n'y avoir point d'esgard: et au reste nous tenir
comme si nous avions accompli la Loy. Et pourquoy
cela? D'autant que Iesus Christ est iuste, et
la iustice qu'il a parfaite en soy nous est imputée
et alouée. Que tout ainsi qu'il est nostre [pag. 117]
selon qu'il nous est donné de Dieu son Père, et
que iournellement il s'offre à nous par l'Evangile,
ainsi il nous communique sa iustice quand nous
le possédons. Et Dien l'avoue comme si elle estoit
sortie de nous mesmes et de nos personnes. Voila
aussi le mot de Iustice exposé : car maintenant
ie ne fay que desboucher les choses petit à petit, à
fin que nous ayons puis après le vray sommaire
de tout. H nous faut venir au nom de Dieu: car
les hommes nous pourront bien imputer une iustice
pour l'apparence qui sera en nous de sainoteté et
de vertu, on nous pourra applaudir, il y aura donc
des imputations beaucoup, c'est à dire, il y aura
des adveus de iustice et des imputations, nous
serons àbsouts, nous serons mesmes louez et prisez
tant et plus quand on verra que nous aurons cheminé
vertueusement: mais tout cela n'est rien. Il