volumen xxiii. - Archive ouverte UNIGE

781 SERMONS. 782
deuce. Voila donc comme en fait Abraham lors
que Dieu le tenoit (par manière de dire) comme à
la torture, que non seulement il estoit pressé de
solicitude : mais de telle tristesse qu'il estoit comme
un povre homme abysmé en desespoir, Dieu y
pourvoira, dit-il. Maintenant aussi nous voyons
que Dieu le resiouit, et qu'il a de quoy luy sacrifier
et luy rendre action de graces: il offre un
mouton, voire qu'il ne tire pas de son estable, Dieu
luy donne tellement qu'il n'y a là rien du sien.
Enquoy Dieu luy veut encores tant mieux testifier
sa bonté. Abraham donc, s'est-il résolu en cela,
que Dieu pourvoiroit pour le secourir de ceste angoisse
en laquelle il estoit? Dieu maintenant luy
donne occasion de ioye, et veut que cela soit engrave
en sa memoire, et que tout le temps de sa vie
il ait dequoy recourir à Dieu, et qu'il continue en
cela non seulement pour ce peu de temps qu'il a
encores à vivre: mais il veut que ce titre soit engrave
en la montagne, à fin que ses successeurs en
parlent, et que ce benefice soit memorable, qu'il
soit en la bouche de chacun, et qu'on sache: Voila
Dieu qui a esprouvé la foy de nostre père Abraham,
voire iusques à la mort de son fils, et cependant
cela ne luy a rien cousté. [pag. 302] Car si
tout ceci n'eust esté ainsi fait, il n'eust pas si visiblement
cognu la grace de Dieu en la protection
que nous voyons en Isaac, quand il est retiré
comme de mort à vie. Et Abraham mesmes ne
l'eust pas si bien appréhendée, car c'estoit comme
si Dieu fust descendu du ciel, et qu'il luy eust dit:
Regarde maintenant, tu n'as pas seulement ici une
creature mortelle: mais tu as un fils auquel ma
vertu se declaire, et tu peux desia gouster que le
salut du monde procédera de là. Abraham donc,
veut que cela soit cognu et célébré entre ses successeurs,
et que cela leur serve d'instruction à perpétuité.
Voila done, ce que nous avons à retenir
de ce passage. Et ainsi apprenons tousiours de
méditer la providence de Dieu en toute nostre vie,
tellement que si nous avons quelque fascherie qui
nous tormente et nous engendre sollicitude, apprenons,
di-ie, de nous reposer en Dieu, comme c'est
son office de prouvoir à tout. Il est vray qu'il
nous laissera bien quelque provoyance, comme il
faut que chacun ait le soin de sa famille, que nous
ayons industrie pour nous appliquer à ce qui est de
nostre devoir, que chacun aussi serve à ses prochains:
mais cependant si faut-il que Dieu pourvoye
par dessus nous, et que quand les choses
nous seront obscures, et que Dieu mesmes nous
amènera en telles perplexitez, que nous [pag. 303] ne
verrons nulle issue: apprenons, di-ie, de luy faire cest
honneur qu'il soit sage pour nous, c'est à dire,
qu'il ait la conduite de nostre vie, et qu'il nous
suffise d'estre gouvernez par luy, et de cheminer
où il nous commande. Voila comme en toutes nos
faschqries, perplexitez et angoisses il nous faut avoir
nostre refuge à la Providence de Dieu, sachant
que c'est à luy de nous gouverner: et quand il
disposera de nous selon sa volonté, que tout ira
bien, car sa bonté et sa miséricorde, sa vertu et
sagesse seront pour nous conserver. Et aussi à
l'oppo8ite, quand nous serons en paix et en repos,
que nous ne laissions pas neantmoins de nous tenir
tousiours sous ceste bride, Qu'il faut que Dieu
provoye: et que nous ne soyons pas comme ceux
ausquels la graisse crevé les yeux, comme ceux
qui sont pleins de fierté. Quand les uns seront
riches, les autres seront en credit et en authorité,
les autres auront support du costè des hommes,
les voila tellement assoupis ou amortis plustost,
qu'il ne pensent plus à la Providence de Dieu: il
leur semble qu'ils ont le vent en pouppe, comme
on dit. Or pour ceste cause, encores que Dieu
nous face prospérer, et que tout nous viene à
plaisir, ne laissons pas de tousiours avoir les yeux
eslevez à la Providence de Dieu, cognoissans [pag. 304]
que tout bien vient de luy, et qu'il, nous le pourra
oster quand il luy plaira, et qu'il le pourra aussi
bien continuer quand nous-nous reposerons en luy
seul. Or Moyse adiouste, qu'on a finalement
appelé la montagne, Dieu y sera veu. Il sembleroit
que le nom eust esté changé par erreur, car il y
a grande diversité entre ces deux choses : Que Dieu
void, et Qu'il soit veu. Mais les successeurs ont
voulu monstrer que quand nous faisons cest honneur
à Dieu, d'estre bien persuadez qu'il void, c'est à
dire, qu'il a assez de sagesse pour nous conduire,
qu'il se monstre aussi et qu'il a esté veu de nous.
Il y a donc deux choses, comme nous en avonß
traitté ci dessus en parlant d'Hagar : car elle disoit:
Tay veu après celuy qui m'a veu. Hagar confessoit
que Dieu l'avoit veue, mais c'estoit lors qu'elle n'y
pensoit point: et en la fin elle a veu Dieu, mais
c'a esté trop tard. Car Hagar estoit là comme
une brebis perdue et esgaree: et ainsi il faut que
Dieu la voye cependant qu'elle ne pense point à
luy. Or voici le vray ordre qu'il nous faut tenir,
c'est que nous cognoissions que Dieu void, et cela
emporte que nous le voyons: c'est à dire, que nous
avons nostre foy dressée à luy, et que nous sachions
qu'il nous a pris en sa charge et en sa protection,
et que iamais ne nous mettra en [pag. 305] oubli,
et qu'il a les moyens de nous secourir en toutes
nos destresses. Voila donc comme nous voyons
Dieu par foy, sachans qu'il est assez provoyable
pour nous envoyer tout ce que besoin sera, et de
nous retirer de toutes les misères et povretez
esquelles nous sommes, d'autant que nous sommes
en sa main. Or avons-nous commencé par là, de
luy attribuer ce titre et cest office de Voyant?