volumen xxiii. - Archive ouverte UNIGE

«667 SERMONS. 668
de luy: et que nous avons un tel contentement,
que quand mesmes nous [pag. 66] serons angoissez
en nos fascheries, nous ne laissions pas de nous
resiouir, d'autant que nous l'aurons cognu et expérimenté
Père, et qu'il s'est aussi monstre tel à la
vérité par les benefices qu'il nous a desia au paravant
communiquez. Voila ce que nous avons ici
à observer. Quant à ce que dit Melohisedec, Bénit
soit le Dieu qui a livré tes ennemis en ta main, cela
nous monstre que toute victoire procède de Dieu:
et mesmes qu'Abram par son industrie, par ses
proesses et vaillances n'avoit point desconfit les
Boys dont il a esté parlé: mais que Dieu l'avoit
conduit. Il est vray qu'Abram a surpris ses enne-^
mis de nuiot, comme nous avons veu, et l'a fait à
cause qu'il n'estait point homme aguerry : mais
\ cependant dequoy eut servi tout cela, sinon que
Dieu l'eust fait prospérer? Nous voyons mesmes
combien que David ait eu grosse armée, combien
qu'il ait eu gens vaillans et renommez, et que luy
aussi de sa part fut expert en guerre, depuis que
Dieu l'avoit constitué Roy, neantmoins il dit que
Dieu luy a donné des piedz de chevreus, que c'est
luy qui l'a eslevé, et qui l'a fortifié en sorte qu'il
a brisé les courreaux et verrous, qu'il a desconfit
ses ennemis. David donc proteste qu'il n'y a rien
qui luy soit propre en toutes les victoires qu'il a
acquises. Puis que David, qui avoit les moyens
selon [pag. 67] les hommes de surmonter ses ennemis,
toutesfois confesse sans hypocrisie qu'il n'y a
rien qui ne doyve estre attribué à Dieu, afin que
son nom en soit glorifié: que pouvoit-çe estre
d'Abram, qui n'avoit iamais suyvi la guerre, qui ne
savoit que c'estoit de desgainer espée, par manière
de dire? neantmoins qu'ü a vaincu une telle multitude
de gens, qui estoyent desia enflez de presumption
d'avoir desconfit leurs ennemis, et pillé et
saccagé cinq villes: il falloit bien que Dieu y
besoignast. Or quoy qu'il en soit, nous avons à
recueillir de ce' passage, que quand il ne faudroit
que lever un doigt, c'est à Dieu de nous conduire
afin que nous ne facions point des entreprinses avec
quelque orgueil d'outrecuidance, comme si nous
pouvions quelque chose, et que nous fussions habiles
gens. Que ceux donc qui ont ou à.guerroyer, ou
à faire quelque autre chose difficile, se remettent
entre les mains de Dieu, cognoissant que ce n'est
pas sans cause qu'il est appelle le Dieu des armées.
Yoila pour un item. Davantage il nous faut appliquer
ceci à un second usage : c'est quant à la vertu
spirituelle qui nous est donnée pour surmonter
Satan, et tout ce qui est contraire à nostre salut:
Nostre bataille, dit S. Paul, n'est point contre la
chair et contre le sang, mais contre les puissances
d'enhaut, contre les diables qui ont leurs dards de
feu volant. Voila où il nous [pag. 68] faut exercer.
Puis donc que nostre ennemi principal est le diable,
et puis que les dards et les glaives et tous les moyens
qu'il a de nous nuire, sont spirituels, apprenons
d'invoquer nostre Dieu. Oar quelle force y a-il en
nous? quelle agilité? Il faut dono que Dieu bataille,
et que nous soyons là tenus quois, que nous ayons
mesmes comme les mains liées: non pas qu'il ne
nous faille évertuer, d'autant qu'il faut que les
fidèles combattent vaillamment contre les oupiditez
de leur chair: mais il faut que la vertu vienne
d'enhaut, qu'is anéantissent toute opinion de leur
frano arbitre et de leur force, qui est Pyvrongnerie
de la Papauté, quand ils s'eslevent en orgueil à
l'enoontre de Dieu. Il faut (di-ie) que nous oognoissions
que nous ne pouvons rien, brief, et quant aü
corps et quant à l'ame. Mais puis que Dieu a pris
la charge de nous conduire, que nous sachions et
ayons cela tout persuadé, qu'il a assez de vertu
pour nous, et que nous ne pouvons rien sans luy,
et que nous pouvons tout par luy.
PRIERE.
Or nous nous prosternerons devant la majesté
de nostre bon Dieu en cognoissance de nos fautes,
le priant que de plus eh plus il,nous veuille toucher
d'une telle repentance, que nous gémissions pour
obtenir remission de toutes nos iniqujtez, lesquelles
[pag. 69] nous rendent detteurs envers luy: et que
nous le cerchions par le moyen qu'il nous a establi,
c'est assavoir, par le moyen de nostre Seigneur
Iesus Christ, cognoissans, puis que nous sommes
reconciliez par sa mort et passion, que Dieu ne
laisse pas de nous accepter pour ses enfans bien
aimez, combien que nous soyons povres creatures
pleines de polution. Et au reste, que par son sainct
Esprit il nous fortifie tellement, que nous sentions
que l'Empire Souverain n'a pas esté donné en vain
à nostre Seigneur Iesus Christ, d'autant qu'il nous
a enrichis des benedictions spirituelles, desquelles
selon nostre nature nous sommes pleinement desnuez.
Que non seulement il nous face ceste grace, mais
à tous peuples, etc.
Fin.
TROISD3ME SERMON DE MELCHISEDEC,
AUQEL EST TRAITÉ L'USAGE ET DROIT PES DECI­
MES, ET AUSSI DU IUREMENT,
Çrenese Chap. .14.
Et Abram donna les dismes de tout à Melchisedec.
21. Et le Boy de Sodome dit à Abram, Donnemoy
les personnes, et prens toute la substance pour