volumen xxiii. - Archive ouverte UNIGE
volumen xxiii. - Archive ouverte UNIGE
volumen xxiii. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
393 COMMENTARIUS IN GENESIN. 394<br />
tas usque ad Christum, cuius adventu renovatus<br />
est mundus.<br />
14. Et erit semen tuum sicict pulvis terrae. Hue<br />
redit summa, quidquid Abrahae pollicitus fuerat Dominus,<br />
transmitti ad alios Iacob. Interim sanctum<br />
virum oportuit hoc Dei testimonio fretum, contra<br />
spem sperare. Quamvis enim ampla et magnifica<br />
esset haec promissio, quocurique tarnen se verteret<br />
Iacob, nihil bonae spei affulgere tunc potuit. Videbat<br />
se hominem solitarium, nulla tunc conditio exsilio<br />
melior erat, reditus incertus erat et plenus discriminis<br />
: sed ita eum mediis omnibus destitui utile<br />
fuit, ut a solo Dei verbo pendere disceret. Ita hodie<br />
si liberaliter omnia nobis promittit Deus, interea<br />
vero vacuus ad nos accedere videtur, hoc tarnen<br />
honoris et reverentiae eius verbo nos déferre convenu,<br />
ut fide divites simus ac pleni. Tandem vero post<br />
mortem Iacob even tus docuit quam efficax fuerit haec<br />
promissio. Quoexemplo docemur, Dominum minime<br />
frustrari suos fidèles, quamvis eorum bonorum quae<br />
promittit effectum post eorum mortem usque différât.<br />
Et benedicent se in te otnnes fines terrae. Hoc<br />
membrum plus habet ponderis, quod in Iacob et<br />
eius semine recuperanda sit benedictio, a qua in<br />
primo parente totum humanuni genus excidit.<br />
Quid autem sibi velit haec loquutio, supra exposui,<br />
nempe quodlaoob non tantum futurus sit exemplar<br />
benedictionis, vel formula sed fons et causa, vel<br />
hypostasis. Quanquam enim saepe hoc genere loquendi<br />
notatur eximia quaedam félicitas, in multis<br />
tamen scripturae locis tantundem valet ac benedictionem<br />
suam petere ab aliquo, eique acceptam<br />
referre, sicuti benedicere se in Deo homines dicuntur<br />
qui ilium agnoscunt omnis boni autorem. Ita<br />
nunc fore promittit Deus ut se in Iacob et eius<br />
semine benedicant omnes gentes, quia nulla usquam<br />
reperietur félicitas nisi ex fonte prodeat.<br />
Caeterum quod Christi proprium est non absurde<br />
transfertur ad Iacob, cuius in lumbis tunc erat<br />
Christus. Ergo quatenus eo tempore Christi personam<br />
sustinuit Iacob, in ipso dicuntur benedicendae<br />
omnes gentes: sed quia aliunde pendebat tanti<br />
boni exhibit», mox vice expositionis additur, in<br />
semine. Nee obstat (quemadmodum alibi dixi) quod<br />
nomen seminis est collectivum. Nam quia omnes<br />
increduli honore et gratia se abdicant, et hoc modo<br />
extranei censentur, ut seminis unitas constet, ad<br />
ipsum caput necesse est venire. Hoc quisquis reverenter<br />
expendet, facile videbit in hac interpretatione,<br />
quae Pauli est, nihil esse tortuosum vel coactum.<br />
15. Custodiamte. lam tentationi, quae obrepere<br />
poterat sancto Iacob, mature Deus occurrit. Nam<br />
etsi in alienam terram ad tempus extruditur, se<br />
tamen illi fore custodem pronunciat donee eum reduxerit.<br />
Longius deinde extendit promissionem,<br />
quod nunquam eum deseret, usque dum compléta<br />
sint omnia. Duplex aùtem huius promissionis usus<br />
fuit. Nam et animum eius retinuit in fide divini<br />
foederis: deinde ut sciret non aliter secum bene<br />
agi, nisi promissaè haereditatis oompos foret.<br />
16. Et expergefactUs est Iacob. Iterum confirmât<br />
Moses non vulgare fuisse somnium. Nam qui<br />
expergiscitur, tunc saltern agnoscit se delusum fuisse<br />
somniando. Deus autem sign um insculpsit animo<br />
servi sui, ut vigilans cognosceret coeleste fuisse<br />
oräculum quod dormiens audierat. Porro in suis<br />
verbis ultro se accusât Iacob, ac Dei bonitatem extollit,<br />
qui se non quaerenti offerre dignatus est.<br />
Putabat enim Iacob se illic esse solum : nunc postquam<br />
apparuit Deus, miratur, et exclamât se plus<br />
adeptum esse quam sperare ausus fuisset. Nee tamen<br />
dubium est quin Deum invocaverit Iacob, et confisus<br />
fuerit sibi ducem esse itineris: sed quia non<br />
eo usque progressa erat eius fides, ut persuasus esset<br />
Deum sibi esse tarn propinquum, merito gratiam<br />
hanc amplificat. Sic quoties nos antevertit Dominus,<br />
et plus praestat quam conceperint mentes nostrae,<br />
exemplo patris nostri miremur Deum nobis<br />
adfuisse. Porro si quisque nostrum reputet quam<br />
exigua sit fides sua, semper omnibus iusta erit sic<br />
loquendi ratio: quis enim modulo suo capit immensam<br />
donorum congeriem, qua nos subinde cumulât<br />
Deus?<br />
17. Et timuit ac dixit. Mirum est cur timuerit<br />
Iacob, quum tarn suaviter loquutus esset Deus : cur<br />
locum vocet terribilem, ubi incredibili gaudio refertus<br />
fuerat. Respondeo, quamvis servos suos exhilaret<br />
Deus, simul incutere illis metum, ut cum<br />
vera humilitate, suique abnegatione discant eius<br />
gratiam amplecti. Non igitur intelligas formidine attonitum<br />
fuisse Iacob, qualiter reprobi, simul ac se<br />
ostendit Deus, expavescunt : sod incussus fuit illi timor<br />
piae submissionis magister. Apposite etiam<br />
locum ilium vocat, Portam coeli, propter Dei manifestationem.<br />
Nam quia Deo in coelis locatur quasi<br />
regia sedes, vere praedicat Iacob se viso Deo in<br />
coelum pénétrasse: hoc sensu evangelii praedicatio<br />
vocatur regnum coelorum, et sacramenta dici<br />
possunt coelorum portae, quia in Dei conspectum<br />
nos admittunt. Insulse tamen papistae hunc locum<br />
ad sua templa detorquent, quasi in foetidis lupanaribus<br />
habitet Deus. Atque ut demus non esse<br />
impÜ8 superstitionibus polluta loca quae hoc titulo<br />
insigniunt, tamen in nullum locum competit hie<br />
honor, ex quo Christus deitatis suae praesentia totum<br />
mundum implevit. Tantum fidei adminicula<br />
(ut nuper docui) quibus nos ad se Deus attollit, coelorum<br />
portae vocari queunt.<br />
18. Et surrexit Iacob. Refert Moses sanctum<br />
patrem non fuisse contentum praesonti gratiarum<br />
actione, nisi gratitüdinis suae memoriam ad posteros