volumen xxiii. - Archive ouverte UNIGE

783 SERMONS. 784
alors il nous apparoit, c'est à dire, nous le voyons
de nostre costé: et alors par experience il nous
approuve, que ce n'est point en vain que nous luy
avons faict cest honneur de confesser qu'il void
assez pour nous, encores que nous fussions aveugles.
Voila donc comme Abraham en premier lieu a
prononcé que Dieu void, et puis qu'il a imposé le
nom à la montagne que Dieu void, c'est à dire,
qu'il provoid à tout ce qu'il nous faut, et à ce qui
nous est besoin. Et puis les successeurs ont ratifié
cela disant, Dieu a esté veu: comme de faict
c'estoit bien une manifestation patente à Abraham,
comme s'il eust veu les cieux se fendre, et comme
si Dieu fust là descendu en forme visible, quand il
a crié du ciel, Abraham, Abraham, n'esten point
ta main sur l'enfant et ne luy fais nul mal: car
alors Dieu a retiré Isaac comme de la mort. Et
Abraham luy a offert ce mo'uton en sacrifice de
ioye, pour la grace qu'il avoit receue. Voila donc
[pag. 306] comme Dieu est apparu à Abraham, qu'il
a cognu manifestement qu'il le guidoit. Et ainsi,
que nous profitions en ceste doctrine, et que nous
sachions qu'en regardant à Dieu, voire par les yeux
de la foy, i) sera tousiours suffisant pour nous
conduire: et que nous aurons bonne occasion et
matière de nous fier en luy, et nous y reposer,
pour ce que toutes creatures luy sont subiettes, .et
qu'il sait nos issues, comme il est dit au Pseaume
cent et trente neufieine, au 2. vers. Or quand
nous aurons ainsi regardé à Dieu, et que nous luy
aurons attribué la louange qui luy appartient, de
dire que c'est à luy de nous tenir tousiours la
main forte : il est certain qu'il nous apparoistra,
c'est à dire, que nous verrons que tous ceux qui se
confient en luy ne seront iamais confus. Ainsi
donc, ayons ceste patience : et quand nostre Seigneur
ne voudra pas que nous cognoissions comment
nous pourrons eschapper de quelque danger, et
qu'il nous laissera tremper et languir en beaucoup
de fascheries, que tousiours cela viene en avant,
Dieu verra. Et puis quand il nous fera sentir qu'il
pensoit de nous cependant que nous eussions estimé
qu'il nous avoit mis en oubli, que nous le cognoissions,
et que nous disions, Dieu nous est apparu:
et que nous sachions, quoy qu'il en soit, qu'après
que nous aurons ainsi dressé [pag. 307] à luy toutes
nos pensées, et que nous aurons reietté sur luy,
comme il est dit au Pseaume, toutes nos sollicitudes,
il monstrera que ce n'a point esté pour Abraham
et pour le peuple des Iuifs seulement que ceste
montagne a eu ce titre, mais que c'est pour nostre
BRUNS VIGAB, TYPIS M. BRUHNII.
instruction. Il est certain que tousiours en temps
opportun il se monstrera à nous: comme aussi nous
voyons que les pères anciens luy ont rendu tousiours
ce tesmoignage-îa. Ainsi faut-il que nous en
facions auiourd'huy, non seulement de bouche: car
il n'est pas question seulement d'avoir les mots en
la langue, mais qu'en toute nostre vie nous mônstrions
que vrayement nous croyons qu'il est le
Dieu voyant: et puis après qu'il est aussi le Dieu
qui ne se cache pas, selon qu'il le testifie par Esaye.
Car après avoir dit qu'il n'a point parlé en cachette,
il adiouste que vrayement il est le Dieu qui nous
void. Il est vray que d'un autre costé il est dit:
N'es-tu pas un Dieu lointain? pour monstrer qu'il
nous faut estre exercez en foy, c'est à dire, que
Dieu ne nous monstre pas du premier coup sa
vertu tellement que nous la sentions et expérimentions.
Mais s'est-il ainsi éslongné de nous? Alors
il approche, voire et approche quand nous ne l'avons
pas cuidé, tellement que nous voyons tousiours
accompli ce qui nous est ici monstre. Et pourtant
apprenons en [pag. 308] toute nostre vie, de tellement
nous reposer en luy que ce soit pour attendre
que finalement après toutes les visions nous aurons
eu ici bas de son secours, après qu'il nous aura
voulu en diverses sortes confermer en foy et en
espérance, qu'il nous donnera la vision finale quand
nous le verrons face à face, estans transfigurez en
sa gloire.
PRIERE.
Or nous nous prosternerons devant la maiesté
de nostre bon Dieu en cognoissance de nos fautes,
le priant qu'il nous les face mieux sentir que nous
n'avons point fait, et que ce soit pour tousiours
amortir nos meschantes cupiditez, qui bataillent
contre sa grace et bonté, et contre son sainct Esprit.
Et que nous cheminions tellement qu'encores qu'il
y ait des infirmitez en nous qui nous rçtienent, que
nous ne laissions pas toutesfois d'aspirer à luy
tout le temps qu'il nous laissera ici bas. Et que
nous facions tels efforts contre nous-mesmes, qu'estans
liez en nos passions nous luy servions neantmoins
en franchise et liberté, et d'une volonté pure
et franche. Et que nous profitions en cela de plus
en plus, iusques à ce que nous parvenions à l'héritage
celeste, là où nous verrons que ceux qui se
tiendront à luy ne perdront point leur peine, et
qu'il y a fruict pour ceux qui le craignent, qui le
servent et honorent. Que non seulement, etc.
Fin.