volumen xxiii. - Archive ouverte UNIGE

733 SERMONS. 734
encores pour dire en un mot, de ce que nous avons
expliqué de sainct laques, notons que nous sommes
iustifiez et non pas sans oeuvres, et toutesfois nous
sommes iustifiez sans oeuvres. Quand nous disons
que nous sommes iustifiez, et non pas sans oeuvres,
nous séparons ceci. Et comment? Celuy qui est
réputé iuste devant Dieu par la foy, c'est d'autant
que Dieu luy pardonne ses péchez, qu'il met sa
fiance en la mort et passion de nostre Seigneur
Iesus Christ, qui cognoist que par la resurrection
d'iceluy la vie luy est acquise de luy. Donc qui
croit ainsi à Dieu par tel moyen, il n'est pas iustifié
sans les oeuvres. Et pourquoy? Car Dieu luy
donne son S. Esprit [pag. 202], il le reforme tellement
qu'il faut que les bonnes oeuvres soyent coniointes
avec la foy. Or cependant l'autre sentence
est vraye, c'est assavoir, que nous sommes iustifiez
sans oeuvres, c'est à dire, sans aucune aide de
bonnes oeuvres, en sorte que nous demeurons tousiours
redevables à Dieu. Voila donc deux sentences
où les mots ne sont point changez: il semblera
maintenant qu'elles soyent toutes diverses, de dire
que nous sommes iustifiez sans oeuvres, et que nous
sommes iustifiez non pas sans oeuvres. Mais, c'est
à dire, qu'il y a des oeuvres qui toutesfois ne sont
point cause de nostre salut pour faire que nous
méritions rien devant Dieu et qu'il nous accepte selon
nostre dignité: mais c'est d'autant que nostre
Seigneur Iesus Christ, comme i'ay dit, ne nous
apporte point une seule grace et si simple, mais
double, c'est à dire, que d'un costé il couvre toutes
nos iniquitez et offenses par la pureté de son obéissance,
il appaise l'ire de Dieu son Père par le sacrifice
qu'il a une fois offert pour la satisfaction
qu'il a faite de toutes nos debtes. Et cependant il
nous gouverne tellement par son sainct Esprit qui
repose sur luy, et lequel il a receu en toute plenitude,
que moyennant que nous n'abusions point de
la grace qui nous est faite par luy, nous sommes
[pag. 203] affranchis des liens de Satan, pour ne
plus suyvre les concupiscences de nostre chair, et
les désirs d'icelle, comme sainct Pierre dit, qu'il
nous faut bien garder. Voila donc qu'il suffira
pour l'exposition de ce passage. Or Moyse adiouste
consequemment, que Dieu a dit derechef à Abram,
le suis l'Eternel qui fay tiré de Ur de Caldee, pour
t'amener à la terre, à fin que tu la possèdes en
heritage. Ici nous voyons que Dieu réitère ses
promesses pour confermer la foy d'Abram, pour la
nourrir et l'augmenter iusques à ce qu'elle soit venue
à sa perfection. Dont nous avons à conclure,
combien qu'Abram fust le miroir et patron des fidèles,
comment il a esté aussi image de iustice, toutesfois
que sa foy estoit imparfaicte: autrement ceste
promesse qui est ici couchée, seroit superflue. Si
la foy d'Abram, eust esté si bien conformée qu'il
n'y eust que redire, il ne falloit plus que Dieu parlast.
Et pourquoy? Les promesses ont cest usage
et ceste utilité de nous attirer à la foy, quand noua
y serons venus, pour nous conduire au bon chemin,
pour nous donner courage, nous inciter de marcher
tant plus vaillamment, pour nous refraischir
quand nous serons comme lassez, pour nous
augmenter la vertu quand elle nous defaudroit,
et qu'elle seroit [pag. 204] aucunement affaiblie.
Voila, di-ie, pourquoy nostre Seigneur nous testifie
de sa bonté, et qu'il se declaire estre nostre Dieu,
c'est pour commencer la foy en nous, ou bien pour
l'amener à sa perfection. Ainsi il faut conclure
qu'Abram avoit encores besoin d'estre avancé plus
outre. Et par cela nous voyons que combien que
nostre foy ne 'soit point parfaite, que Dieu ne laisse
point pourtant de nous iustifier. Et pourquoy? Car
il ne nous impute point l'infirmité qui y est. Quoy
qu'il en soit, nous sommes admonestez par ce passage
de ne point estre preocupez d'une folle opinion
comme beaucoup de gens qui cuident estre si grands
clers, qu'ils ne daignent plus venir à Pescole de
Dieu. Cognoissons donc, encores que nous eussions
une foy sans comparaison plus grande et plus vertueuse
qu'elle n'est pas maintenant, qu'encores nous
faut-il estre escoliers tout le temps de nostre vie,
que la parole de Dieu retentisse en nos oreilles, et
que la memoire de ce que nous pourrions oublier
nous soit refraischie, que ce qui n'estoit pas bien
enraciné en nostre coeur soit mieux imprimé, qu'après
que Dieu aura mis sa semence en nous qu'il nous
arrouse iournellement, comme aussi sainct Paul use
de ceste comparaison-la. Ce ne • seroit point assez
d'avoir ietté la semence en terre [pag, 205] sinon
que Dieu pleut du ciel et qu'il l'arrousat quand le
laboureur aura fait son office pour cultiver la terre,
cela sera inutile sinon que Dieu y donne l'accroissement
d'enhaut. Ainsi est-il quand nous avons
receu la semence de la vie incorruptible, que Dieu
pleut du ciel, c'est à dire, que continuellement il
fait profiter nostre foy: ce qui ne peut estre que
nous ne soyons iournellement enseignez par sa
bouche. Et venons au coutenu de ceste sentence,
le suis le Seigneur qui fay tiré de Ur de Chaldee.
Ceste declaration ici sert à Abram à fin qu'il soit
eslogné de toute idolâtrie et des superstitions ausquelles
il avoit esté auparavant nourri. Car comme
souvent il nous est monstre en l'Escriture saincte,
il ne nous faut point adorer un Dieu en confus, ni
le forger tel que bon nous semble: mais il faut que
nous sachions quel est le Dieu auquel nous avons
nostre refuge, et qu'il soit séparé et distingué en
toutes les imaginations que les hommes se controuvent,
et par lesquelles ils se deçoyvent, et sont deceus
aussi par Satan. Et c'est pourquoy l'Apostre
dit en l'onziesme chapitre des Hebrieux: Quand